進入重開的漁人碼頭火山 進入重開的漁人碼頭火山
各位,是否還記得火山於開幕兩星期就因事故而關閉嗎? 上星期六晚(2006年6月10日)我同d fri... 進入重開的漁人碼頭火山

各位,是否還記得火山於開幕兩星期就因事故而關閉嗎?
上星期六晚(2006年6月10日)我同d friends一齊去,見佢開返,咁之前冇入,今日咪入下去囉!
仲有那兩個遊戲同時開返啦,分別是熔岩激流 & 奪寶奇兵兩個火山內的game
最重要既係我今日有帶相機,可以狂影相~~haha~~

同以前價格一樣,入火山費要mop$10,每款game需mop$40,另有全票、套票買,可以平d!
當然好多人都唔知佢開返,所以冇人排隊入火山同玩game,我地當然係唔玩啦~~之前出意外,現在等d人玩過先啦!唔會去搏啦!

大家準備好未?我現在帶大家入火山啦!

開始入去啦!
大門口都唔係好闊,有種恐佈的感覺!
MFW_NIGHT 02

入左去都幾黑,唔係好光,而且好似d古墓or金字塔咁feel,行行下仲有兩個雕塑jar住把刀係你頭上,你都咪話唔驚,嚇到兩位同行者一定要我走在前頭!
MFW_NIGHT 03

一步一步咁行入去,就越來越熱,同覺得好悶熱同有少少硫磺臭味!過左兩把劍之後就見到一條水道,我地的位置係在水道上面一條橋上,影落去水道度,都幾似岩漿feel ga~~當然係熔岩激流呀!
MFW_NIGHT 09

穿過一個山洞之後就來到另一區,可以看到奪寶奇兵的火車軌,其實那個奪寶奇兵係好危險,只有飛機坐位的安全帶,而且一架只坐4人,以好快速地奔走,時而俯衝,時而奔走,感覺上好似好易飛出來咁,而且有一段會係我地d行人道頭頂飛過,佢有貼牌警告 “不可觸摸”,其實我地真係舉高手就掂到條車軌,你想想幾恐怖,所以我建議大家玩熔岩激流好了!感覺上比這個好好多!(各位千祈唔好係果個位跳,我驚你地撞到條車軌呀!)
MFW_NIGHT 14

這個位就是我所說的係我頭頂不足50cm處經過的車軌,我還特意行過d先影,因為我驚比佢嚇親,成日驚佢跌下來呀!
MFW_NIGHT 10

這是另一區的熔岩水道!
MFW_NIGHT 08

這是火山內的一個中式涼亭,其實都幾格格不入的,都唔知邊個設計,咁得怪,火山有涼亭,仲寫住不可長時間停留,請快速經過!真係又唔知佢有d乜事發生!MFW_NIGHT 11

在涼亭內拍攝出去的走道!
MFW_NIGHT 15

離開火山前的走道,又回歸一種恐佈,但從走道吹入陣陣涼風,的確令人想快d出去,加上那條火車軌係頭頂,你更加想快d出去啦!這是火山的出口,見到兩個工作人員係度傾計,好似唔駛做咁,都幾寫意呀!
MFW_NIGHT 16

火山另一角度的夜景!
MFW_NIGHT 21

總括來說,10元一入火山都算值得ga!唔知大家覺得呢?

編/攝:阿乃

Benjamin 環球旅人|旅遊專欄作家|旅遊節目主持

一名30出頭80‘後的網絡媒體的主編,同時又是一名旅遊達人、傳媒人、文化藝術工作者、專欄作家、教師、導賞員,朋友眼中的旅遊顧問及澳門旅遊大使。曾擔任過 電台及電視台的生活頻道總監⋯⋯ 由2005年開始撰寫文章,曾多次接受訪問,被邀請擔任台/港/澳等多個媒體的旅遊專欄作家。於2012年,更投身製作網路電台及視頻的旅遊節目,成為全方位的eMedia Editor。|聯繫、合作或邀約:benjaminlife@gmail.com|

No comments so far.

Be first to leave comment below.

發表迴響

%d 位部落客按了讚: