fbpx
28.1 C
Macao
星期五, 29 3 月, 2024

《05′ Expo 名古屋『愛‧地球博』紀行》- 序章

0
《05' Expo 名古屋『愛‧地球博』紀行》- 序章 --序--於2004-2005年間,日本舉行了五年一度的世界博覽會,雲集全球各國至此,加上日本最新的科技企業館,讓這次成為了近期最成功的世界博覽會2005。日本為了本次的世界盛事,特定用了5年時間,於名古屋郊區重新建造了一個園區,概念就是原始、環保、愛地球等。而整個園區以森林為主題,用最環保及無污染、可再生的物料製造,園佈交通工具均是無污染的。以一條木製的架空橋貫穿整個會場。日本將其定名為:『愛‧地球博』,有二個含義。其一就是 "愛知縣的地球世界博覽會",另一就是 "愛護地球、珍惜地球的萬國博覽會"。講左咁耐,可能大家都唔知係邊度,其實今次的世界博覽會位於日本本洲的愛知縣名古屋地區。 它們提倡的主題為:雖然,日本已在經濟高度增長以及工業發展方面取得了卓越的業績,然而這都是以犧牲人們許多有價值的東西為代價的,甚至至今人們還必須以追求與地球生態平衡相和諧的生活為前提。而且,人類的科學技術成果必須要與“自然的睿智”緊密一體化。在某種意義上,2005年日本國際博覽會將為全人類提供一個國際性的交流大舞臺。參觀者將在這裏接觸大自然並融於大自然,同時能再次展現人與大自然生活的無窮魅力。大會的主題包括有重點探索地球環境和人口問題的“自然的起源”、闡述關于高齡化社會和少子化問題的“生命的藝術”以及關注於開發新型能源和再生技術的“地球生態共同開發”等諸多內容。 --前言--其實我2005年的7,8月我去了兩次旅行,先去新加坡7日,之後等待有機位及酒店先再決定去名古屋睇世界博覽會。(新加坡的旅記,大家可能要再等等啦!我想寫埋名古屋這個先)終於,我的心願達成了!旅行社告知我有酒店及機位,所以促成了我今次的名古屋之行!心情非常興奮!點解?因為"世博"的關係,去名古屋的機位及酒店於半年前已經爆滿,而且又是5年一次的大事,吸引了世界各地的人士到訪,而我於6月尾才查詢,所以我都覺得好大機會冇份參與ga啦!點知又咁好彩播!比我成功左~~haha~~不過都幾一波三折ga!而且本次是我去日本當中最貴的一次,不過冇法,5年一次就豪比佢啦!放且下一屆係上海舉行,心想一定唔會有日本呢次咁成功同咁多新科技睇!你要知日本人d新科技只供本國人使用,5年後先流出日本國外ga嘛!所以機會難逢呀~~ --四日行程--Day 1  澳門-->香港-->名古屋中部機場-->名古屋市Day 2  名古屋市 --> 萬博會場Day 3  名古屋市 --> 萬博會場Day 4  名古屋市觀光 --> 名古屋中部機場 -->香港 -->澳門 --下榻酒店--Nagoya Hilton Hotel Resort (5 Star) (待續)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (13)—後記

0
終於寫完了屬於日本的第二部遊記啦!真係寫到我死死下,好在有d資料同之前旅程mark低既重點係度!如果唔係都幾難寫得到出來!當然d相都幫我唔少!打這個關西東之旅其實係咁多個最吃力,因為寫到中途就因為忙及趕工加拿大的遊記,而丟低左日本遊記好耐,令好多本blog的訂閱者走左唔少~~haha~~不過今日終於完成這部遊記了!太好啦大家可以比返d回應我,等我下次再寫好d ga! 預告篇:這個第二部日本遊記就寫完啦,黎緊既第三、第四部的日本遊記都要加快趕工,分別是:第三部日本遊記:《05' Expo 名古屋『愛‧地球博』紀行》主要記敘上一年去名古屋參觀5年一度的《世界博覽會》,本次主題為《愛‧地球博》,有好多日本的新科技及世界各地展館,我會在遊記中介紹整個博覽會,雖然係遲左成年,但都記憶猶新,希望各位會鍾意啦! 第四部日本遊記:《九州2001 回憶相集》主要係scan返d相上來,回憶返01年去九州玩的情況,因為年代久遠,已經有好多野唔記得,所以係以相為主。 另外亦以敲定本年7月9日飛去日本旅遊一星期,到時返來又會有第五部遊記的出現!hehe~~同時亦會提供更多日本的新資訊、日本人習俗及遊日禮儀法則等~~希望各位可以繼續捧場啦! 而各位捧場既《新加坡遊記》就要等等,我承諾各位等我寫完『愛‧地球博』就立即提速寫起佢!不便之處,敬請原諒! 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (12)—最終回:池袋大暴走,喪買到上機!

0
DAY 9   2004‧8‧23 (關東)池袋 --> 成田 -->香港 終於來到2004的日本旅程最終回啦!今天係旅程的最後一天,其實只有半天,因為要坐6點的班機(ANA的NH911)返屋企啦! 昨晚大家都可以訓得好好,因為行程已完結,今天上午四小時就是讓大家瘋狂掃貨既時間,而且我地亦可以罕有地成9點半先起身,WHY?因為大部分的店舖都係10點或10點半開門,咁早起身都冇用呀! 9點半一起身,快快梳洗及執拾行李,PACK好哂D野,就落去食早餐!唔記得同大家講tim,我住的那些Toyoko Inn係有免費早餐(飯糰、面鼓湯、茶、咖啡)提供,而且又有100yen三分鐘的國際展途電話,更有兩部寬頻電腦置於大堂供免費使用,我就係日日都用佢來check天氣,找一些不足的資料,查最新情況及check mail,同sent sms比d friends及家人的好工具。都只不過係600蚊就可以住度一夜豪華雙人房,有偏廳、玄關、地方超大,仲有按摩浴缸tim~~而我地當中有一個係電腦人,佢咁厲害到install左個icq、msn係度玩,又install左中文輸入法,你真係吹佢唔漲呀!霸住部電腦~~真係有點兒讓日本人又覺得我地d黃種人不守規舉呀! 講返今日先,10點半大家出發決戰這個幾天都冇認真行過既池袋啦!有2位朋友因要買公仔就約埋去Sanrio;而我地trip既另1位團長就先去買電器再來Muji會合我地;咁我就約左2位女士一同出發去Muji,這間位於池袋地鐵站東口Parco地下的Muji,樓高三層,我地一入去就由頂開始掃,(其實日本的Muji有一大部分貨品係平過香港好多,大約係4折左右,尤其係佢d衫呀!)所以我買左幾件T-shirt,一對價值70蚊既鞋,仲有好多"淋審"野,之後又買左d文具,仲有買左一包24枝價值7蚊港幣的水筆(太平啦~~7蚊有24枝,變態ga~~),埋單就只不過係400蚊左右,抵! 之後我地就去左Toyku Hands,我一到就直去返昨日未睇既地方,而且仲買左一個細背包,這個背包係勁好用,分左好多個隔,而且善用力學原理,用盡背包所有空間,更厲害的是佢可以收埋我新買既兩對鞋同多件t-shirt等,而且仲有d mp3、相機......雖然係好貴成500蚊一個30cm左右長的小背包。(其後回到澳門就一直比d friends話我似小學生去旅行,背一個勁細書包仔!)而且我仲買左一d,攪到個個friends都驚既 " 號碼牙膏",當年好hit,好多雜誌都有賣,有32種口味,當中仲包括:咖喱味、可樂味、胡椒味等騎呢口味,有d friends仲講到而家,話我送d酒店牙膏比佢,其實真係要用錢買,有好多人以號碼買成生日日子來送比人,但我就進行了一個殘酷方法,就係抽禮物,如果抽中了咖喱味or屎味就非常不好彩啦~~嚇到個個都半死~~haha~~又買了好多得意小玩意,電話繩等送比人既! 剩下1小時半就集合,我地又去了一間和式精品店睇野,有位朋友已經要向我同另一團長借錢啦,因為佢已經買到冇哂錢,咁我地度過都認為應該唔會再大洗錢,之後就借比佢囉!(注意:係9出26歸呀,絕對係池袋的新勢力呀!haha講笑) 最後就去左Bic Camera買野,借錢度日的friends買左一部相機tim~~不過就真係好平,只不過係千幾港紙,仲有積分卡,佢仲急不及待係度試機tim!時間一秒一秒地迫近,在日本的時間已經不多了,已經要集合了!話咁快9日既自助遊旅程就要過去,返到去又要開始返工返學啦! 跟住我地揀左最平的方法由池袋返機場,就係京成特急快線1920yen,不過就難為了3位朋友,因為佢地買得最瘋狂!雖然只係一喼,但就成4,5個袋,連我隨行的斜狽袋、手提零食hand bag佢地幾個都借左去用,而我只係一行李、一手提袋及那個勁細背包,haha~~於下午1時半由酒店整裝後出發,到了機場都已經成4點左右,跟住有人要寄信,有人要退稅,而我當然就係負責check in、寄行李啦! 入到禁區,我走左去d商店就逛逛,睇下有冇野arm,結果我買左套和服比阿媽,當然都買左男裝和服比自己啦!之後去左小食鋪度買左呢幾日都有飲的日本獨家coca-cola C2,佢個味我好鍾意,因為氣夠、味唔甜,而且亦買了好多日本限定及夏季限定的零食~~haha~~ 可惜當時blog並沒有出現,所以冇影相呀!如果唔係就好似隔離台(雞絲汀娜果個台灣行)咁,引到你們流哂口水就唔好啦!我冇口水堅派ga! ---2004關西東之旅全部完結--- 編:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (11)—體驗橫濱番外:MM21的夜景篇

0
下一章講到橫濱的MM21,今回番外篇貼上一輯由橫濱地標塔拍下的橫濱夜景,讓大家一同來感受下夜幕下的新橫濱的魅力! (Zoom近左海風遊樂場的大摩天輪) (下兩張是橫濱NTT分壇及空地,夜晚果然可以hide哂d空地,好靚呀!) (另一邊的夜景,向東京的方向呀!) (下兩張另一邊的夜景,有海上陸橋呀!) (下三張都係海風遊樂場及旁邊似杜拜帆船酒店咁既建築物) 大家覺得怎樣呢?日暗與夜景是否分別很大呢?我當然覺得夜間簡直是~~~美呆了!haha~~雖然是新的區域,但它絕對係好靚既新型城市。如果想睇真d的話去相簿度睇啦! 這批相其實只是一部分,仲有10張左右沒有貼上來,原因是差不多一樣的,相簿裡會多幾張。另外就是上面d夜景相係我個friends影既,唔係我影,係用數碼專業相機+腳架,仲使用了慢快門拍攝才有第一張的效果!(其實有好多人都影左一D差不多同上面一樣既角度及感覺既相出來ga!)編:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (10)—體驗橫濱:港區未來廿一

0
DAY 8   2004‧8‧22  (關東)池袋 --> 橫濱 (港區未來廿一) --> 池袋 今天主要是前往橫濱的新開發區域-----港區未來廿一(MM21),日本於前年設立的新區其中之一,主要由碼頭、商業區、遊樂場、地標塔、旅遊區等組成,與お台場、六本木、自由之丘等都列為新開發及重新改造的 "都市新生態",以區內完善的設備及科技,可讓大家不用走太遠已可滿足生活需求的都市範例,當然六本木成功了! 而今次我到的MM21,正是未完成的區域,地鐵線剛剛在我出發一個月才通車的新線,叫"未來廿一線",我都係去到先知可以搭到門口,由池袋去橫濱地標塔,需時半小時以上,大家一隨己往,一上車就有理冇理話知你,就倒頭大睡,當然又是我清醒啦! 到了Landmark Tower & 皇后廣場的那個站,出口就已經有觀光案內所,梗係又去看看有什麼著數野啦!取了地圖,拿了資料,便沿著斜坡往地標塔進發,一到入口,當然係要買TICKET啦,不過其實都幾貴ga,成1500yen,不過仲包括空中新奇水族館,咁就算啦! 升降機以超快的速度直升上這座橫濱最高塔的頂層(70樓),隻耳仔真係塞哂囉,因為佢係當時最快速度上升,仲有個速度計比你睇下佢有幾快,真係人都癲呀! 上到黎就係好靚呀個view,雖然天氣唔係太好,沒有太陽,但好彩冇落雨呀!(下圖:地標塔遠眺東京方向) 因為剛剛開放MM21區域不於一年的關係,雖然規劃好了,但仍有好多未建設的空地,感覺上都幾荒涼ga,但下次再去應該d空地都冇得七七八八啦!(下圖:NTT 在橫濱MM21的分壇,還有好多未開發地域)(下圖:地標塔遠眺東京方向,新的大廈都有自己的停機坪呀!) 下圖是海風遊樂場呀!朋友狂問我會唔會去,我一早就話因為時間緊迫,沒有時間去,而且並沒有安排時間到那裡,所以並不懂怎樣去! 看得遠景多,又掛住影相,行行下就行到去空中水族館啦!這裡當然有一般水中生物,亦有一些好有趣的海洋生物,大家看看下圖!(普通的藍色水母及龍王爺啦)-(下圖是一隻藍色的龍蝦,你見過未?)(再來一隻有手有腳的魚,用鰓呼吸,一定要在水中生活的呀!未見過了吧?) 睇完d咁得意既生物,而係時候落返去Landmark Tower的商場行下啦!呢度有好多名牌子,不過就唔係好arm我地,因為我地唔買名牌,反而對一間懷舊果子及玩具店好有興趣,還買了不少零食及糖,佢都幾平呀!之後我地又見到一間和風擺設及布藝店,當然又駐足很久啦!haha~~ 之後到了隔離的Queens Square行下,果間商場除了名牌之外,還有d潮品店、平價牌子等,比較適合我地,所以大家就自由活動個半小時,我呢又入左去潮品店度睇公仔、生活潮品,當然就係有收獲啦!(最鍾意"變幻七色沖涼鴨仔",但家中冇浴缸所以冇買到),之後仲有半小時,當然要盡下領隊兼導遊的責任,去地庫看看有什麼食店arm食又價錢平,並且排左位先啦~~(就打手提叫佢地下來食飯啦) 最後我揀左一間意大利面店舖,細細間好有特色,一個set lunch只不過是58蚊港元,ok啦!而且又多種選擇,由湯+前菜+意大利面+甜品+飲品,我揀左忌廉湯、芝士豬扒意粉、炸薯寶、雪榚及檸檬特飲,一個午飯就食到夠啦!之後返地鐵站之前就去了影下相 (文中第一張相,及下面呢張),我最鍾意係第一張相,因為好有藝術術感同好好feel呀!(又自已讚自己啦!haha) 其實我地只在橫檳逗留半天,因為有位朋友要去會自己d日本friends,但其他人又要就佢,所以就係咁比佢打亂左d行程,而我個人覺得,既然只有佢一個識,我地5個都唔識佢d日本朋友,為何仲要去見他們呢?之前day1就話可以大家一齊去食個飯,一起玩,今天又突然話比我地聽佢下午唔同我地一齊,獨自出遊,是不是對我地5個人有少少過份呢?(當時大家都心覺佢唔係好識遷就人,一直要人就哂佢~~唉~)所以我覺得一齊去旅行大家有商有量,行動一致,如要找friends的話就等自由時間先去啦~~就唔arm就索性唔好搵,冇謂要大家係度等你同朋友約會幾個鐘,我地就無無聊聊係到等啦!(當然我地都冇咁笨,佢去玩,咁我地梗係自己走去玩啦!) 最後我地5人決定回到池袋行街,因為一直以來雖然住佢池袋,但我地完全冇行過60階通囉!係時候要作最後掃貨啦!明天同一時間我地就已經係機場啦!返回池袋,我地大家就約一個時間食飯及集合,之後就四散去自己想去的shop,而我去了Tokyu Hands、Bic Camera、Praco、Uniqio等鋪頭,但因為時間只有3小時,所以tokyu hands只行了兩層(仲有6層未行),其他的都基本掃場式咁睇,亦沒有太多時間思考買定唔買,ok合適,價錢可以就放落車仔度~~(好似好誇張咁),我一d都唔誇張ga啦! 之後就同大家會合去食飯,食完飯就回酒店沖涼及開會,這個會議絕對緊要,因為大家都想知道明天有幾多小時自由shopping(最後衝刺),以及可以有幾晏起身,幾點pack行李,而且仲會有人要問我借錢買野,你諗下就知我已經唔係誇張啦! 留意下一回吧!(最遺憾的是我發現住係池袋咁多日,原來一張屬於池袋的相我都冇影過,而且係個個都冇影,因為唔係返來sleep,就係唔夠時間shopping,咁點會有人影相呢?haha) 下回預告:橫濱夜景! 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (9)—お台場副都心

0
DAY 7   2004‧8‧21  (關東)池袋 --> 御台場 (未來科學館、Mega Web、富士電視台、海濱公園、購物中心......) --> 池袋 上回講左瘋狂疾走東京各區,今回就講講待了一整天在台場的day7。 一大清早起床,食過早餐就要快d去台場啦~~因為消息說如果碰上通勤高峰期就不得了啦!所以9:30已經到了"新橋"站,它是百合海鷗號的總站,在此可購買一日乘車票。一日乘車票包了一程觀光船及無限搭百合海鷗號穿梭台場各區,只需900 yen,好抵呀~~如果在台場花費一日時間的你,絕對要買! 一到新橋總站,已經見到長長的人龍在自動賣票機排隊買票,好誇張,好似過關咁~~(乜d人唔駛返工ga咩,咁得閒去玩ge),我地梗係快快咁排隊買一日乘車票啦,一買要買6張係慢少少,d人都好有禮貌,唔會催你,知你係遊客,有時仲有幫你,非常好人。 買左飛就梗係上月台搭呢ga百合海鷗號啦!它是一架無人駕駛單軌架空列車,經彩虹橋入台場。途徑台場各區,而雙線來回走向。台場係一個都市新試點,以人工島的方式填海出來的新區域,有d似我地澳門的皇朝區及新公佈的tapia兩個填海方案。 上到月台,見到好多人已經係度等緊車,心想應該都冇位坐啦!算吧~~後生仔企下冇所謂!我地第一站係 "船之科學館站" 落車。(下圖:船之科學館外觀) 步行去未來科學館,這個是我最想睇的館之一,因為有一個實時地球睇,非常有趣,它是由美國太空總署Nasa提供數據資料的。(下圖) 地球後面的凌空走廊像是衛星的行徑似的,那我們就像衛星看地球般似的,又是一個特別的經驗。未來科學館內有很多的東西玩,如動感劇院、科學原理、天文星相及氣象模型與實例示範等,還有防災屋、新型電汽車、新型JR......數之不盡,又有幾個劇場供人預訂入場,有幾套立體科學電影,亦介紹了好多未來新科技,當然唔少得日本出名的人型機械人啦。 在未來科學館頂層部分,見到佢有d好有創意既櫈,好得意,又有試坐!haha (下圖) 而另一樣就是屋頂的佈置,好像片片落葉,又像鏻光片片一樣,好特別的設計,一流design品味,於館內到處可見。(下圖) 離開科學館之後,去了後面的Wendy's姐姐度食漢堡做午餐,因為已經成12點半啦。去返船之科學館站搭返百合海鷗號去Mega Web,它是豐田汽車館,有真車試駕(當然真有國際車牌先jar得啦),又有賽車立體影院,仲有電動車試駕繞場一圈,好好玩的。而且仲有多部新款汽車任坐任試仲住影相tim~~之後行左d商場,見到有人係廣場度免費派"日清雞仔面",咪諗住去拎,點d條龍鬼咁長,就打消左個念頭。轉移去了附近的電子遊戲機中心,裡面有齊那上"根肉擋台"的game,又有d扮野模擬過山車、騎馬機及賽車等,及其他多款有趣玩意。 之後就搭車返去"台場站",去一去富士電視台影下隻藍色狗仔啦! 以及去附近的Aqua city、睇下野,之後就去了台場海濱公園等影下相,等日落的彩虹橋亮燈影相呀! 等呀等,終於等到彩虹橋亮燈啦!不過都未夠夜,唯有獨左呢張相,好可惜我用了ISO400,令d雜訊太多,張相既質素差左d,而且有趕住去搭6:45的尾班觀光船,所以不得不走啦! 搭船回日之出淺橋後,跟著人群行就回到百合海鷗號的站台,搭車回池袋啦!當晚係池袋的酒店附近食一間叫"お好味燒"的日式薄餅店,由於我地唔識整,所以店員幫我們煎個薄餅呀!因為已經太累,所以冇乜點影相,大家的倦容寫在面上(包括我),每日咁早起身,每晚又成1,2點先sleep,所以大家徹底比我玩謝哂,最後我決定未來兩日輕鬆少少,晚一點才起床~~haha~ 見大家都好累,所以冇提出夜遊池袋,早d回酒店沖涼sleep!明天準備去早上橫濱,傍晚回到池袋,話哂係池袋住咁多日都冇好好咁行過池袋,有點兒浪費呀! 遊完台場,我覺得台場好新穎,同非常高科技,建築又新,真係專登打造出來的區域,有自己的風格,行高科技路線,都幾好!只不過係旅遊區,所以d野都比較貴呀! 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (8)—關東‧觀光東京

0
DAY 6   2004‧8‧20  (關東)池袋 --> 淺草雷門 --> 上野 --> 銀座 --> 澀谷 --> 原宿 --> 新宿 --> 池袋 上一回剛從箱根回到東京,今天才是正式的東京觀光行第一天,不過大家都說:『阿乃,你是否plan得太多行程呀!一日行唔行得哂ga?』但事實證明係行得哂ga! 一早8:30出發,先到淺草,雖然我已經黎過2次,但因為有4位未黎過,所以就帶大家一齊去啦!再者咁早就未有鋪頭開啦!係咪?到了淺草,大家一定會諗到指定觀光點,對!沒有錯~~就是淺草寺、雷門大燈籠、大草鞋,以及手信街,最後就是淺草的落語傳統技藝劇場。 因為時間緊迫,所以大家都快步行走,一到淺草寺,已經見到好多旅行團各據一方霸地盤,我地去度已經人山人海,只不過是9:00左右,D鴨仔真係好勤力呀!到寺院門口,我們個個都去左求籤,而日本人有個好得意既習俗,就係求完籤自己去取籤紙,睇完之後默默禱告,之後將籤紙打結繫在附近的祈福架上。當然求籤要自動自覺畀錢呀~~(日本人是很自律的,而我們也不可以影衰我地港澳人,對不對!) (大合照) 之後大家觀光一返,拍下照,之後就到寺院前的仲世見通逛一逛,不過d野都幾貴,想買都買唔落手啦!最後係雷門燈籠留影,這個是必做動作啦,還叫一個日本婆婆幫我地手tim,佢好好人立即答應了! (個人獨照) 完了淺草雷門的行程,我地好快落返地鐵,向平價天堂集中地的上野進發,到了上野尋找廣小路出口,一出車站,我們見到一間七層高的玩具店,它叫YAMASHIROYA,是較大型的玩具百貨,不論食玩、扭蛋、公仔、模型、電子玩物至主題玩具都有,真係男女都ARM行既toy shop呀!我們逗留左成個幾2個鐘,因為太大啦,所以要搵返佢地都好難! 終於買到一袋二袋離開YAMASHIROYA,轉入橫街走入『阿美橫町』,就是我所說的平價天堂,在此個個大有斬獲,女士們竟然在一間鞋店內狂殺價,最後她們每人買入一對日本布鞋,以港幣$12.5一對的價錢,而我亦以港幣$60的價錢買入一對gen皮男裝布鞋,之後仲有8折優惠卷送返比我地,真係成為佳話,我真係講到而家呀!之後之去了二木の菓子掃零食及手信。最後去了位於街內的一間壽司放題,一個價錢吃得飽飽,只不過是1070 yen。(但各位到日本要注意,叫的東西一定要食哂,唔可以剩下,否則要支付雙倍費用呀!) 雖然只在上野逗留了4小時多,但我們已經買了數十袋戰利品啦!不得不回酒店卸下行裝。 回酒店卸裝後,我地前往銀座的中央通逛一逛,以及在和光鐘塔前留影。其實銀座因為高樓大廈太多,所以街道沒有什麼陽光可言。之後到了澀谷,一出車站就感受到擠迫,人太多了,而且那些縱橫交錯的斑馬線,我仲特登爬高影低d人流,真係幾恐佈ga~~ 上圖:銀座中央通的和光鐘塔;下圖:銀座中央通 行了數間商場,買了TACO燒食,之後就去原宿啦!原宿的竹下通,我們訂好只停留1小時左右,大家就立即去買自己想要買的東西,女士們一到此又有大斬獲啦!又衫又袋,但我地呢d男士就真係冇野arm買,why?賣男裝的鋪頭都係以滑板裝那些潮服為主,我又點會arm呢?之後我就去左全日本連鎖規模最大的藥妝店幫d姨媽姑姐搵藥膏,以及睇下d gel及洗面用品。跟住見仲有d時間咪去左吃班戟才回集合地點,等齊人就出發去最後一站新宿啦! 上圖:澀谷地標109;下圖:澀谷車站內的斑馬線 到達新宿已經是晚上7點左右,我們去行下d商場,因為有好多都準備關門了,所以草草一逛就算。之後就去了思出之橫丁找食,但好像沒有大家的心水,最後大家都係決定買松屋ga,因為有人已經餓到死死下,所以都冇點樣繼續去搵,食返我地最熟識的飯店吧! 上圖:新宿街道 食完飯就去了新宿的歌舞伎町見識下,當我們一入去,見到好多黑人,我們初時以為是遊客,但原來佢地係"扯皮條"(原來日本都有輸入外勞,不過佢地d工作都幾特別播!),他們個個拎住一個牌係度叫賣。而且我地見人流好多,就想出返去,因為都幾恐怖啦~~正當這時,我們其中一位朋友(除了我之外,他是另一位帶guide),就比一位黑人扯皮條行埋黎摸佢個胸,而口中以英文講:"你應該有興趣,有需要吧!"。而我個friends就撥開那個黑人的手,快步向前行,當時我就係佢隔離,所以睇哂成件事的經過。(這件事都算係旅程中一段難忘經歷!) 最後我地以最快的步速離開歌舞伎町,並在一丁目的牌下拍照後,就回池袋啦!(其實新宿的歌舞伎野一丁目比較雜,切忌單獨進入,內有"泥捧",又有扯皮條,又有鴨店,所以男女進入都唔多安全,所以要一大班人行事,我地係門口影相都好驚,驚有人行埋黎偷野,亦都唔敢搵人幫忙影相,唯有我自己影啦!) ---------------------------------------------------------------------------------------(橙色字有hyperlink,可以連結到之前所說過的地方)日語教室:泥捧 - 小偷TACO燒 - 章魚丸---------------------------------------------------------------------------------------編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (7)—關東‧箱根深度行Part 2

0
DAY 5   2004‧8‧19  (關東)箱根 (雕刻之森、大涌谷、蘆之湖、元箱根......) --> 東京-池袋 續上回的箱根深度行!雕刻之森參觀完後,我地就到車站準備轉乘登山纜車1號上大涌谷啦!為什麼叫纜車1號?因為呢隻纜車好似上香港太平山頂紅色果隻大大部,又斜又有樓梯比人行果隻囉。而且之後仲有2號同3號都係唔同ga! 上圖:毛毛細雨大涌谷纜車站外下圖:風吹開雲霧及細雨後的清晰景象,與上一張只有5秒左右的時間差,可見風之強勁 因為今天遊客都好多,日本、歐美、香港及我地澳門人都有,好迫人呀~~等了10分鐘才進入纜車,都只有站著。看著纜車一路上山,成日都驚佢咁多人會唔會跌返落下ga~~其實就唔駛驚,因為日本人好著重安全,纜車1號到了終點站,大家都下車,而係纜車站內有紀念品及雪糕賣,但我地都忍手,原因係驚唔夠時間,之後快步轉搭纜車2號(好似本澳的松山纜車or香港昂坪洲那種銀色新穎纜車,最多載6人。),搭2號纜車時有一位朋友表現出驚慌的樣子,原來佢好驚搭呢d,因為佢驚唔安全,而且我地仲係纜車內換位呀!影相呀!攪到搖下搖下,而且下面就是熱硫磺,就算唔跌死都會蒸熟同臭死,再者因為天氣不好,烏雲密佈且有雨粉,所以佢就更驚! 其實我地都有少少驚,因為驚大雨及大風,纜車停駛我地d遊客就pk啦!當然最後安全到達大涌谷,不過一出車站就大風到死死下,話哂都係高山,d風呼呼聲,有d日本人仲企唔穩tim。我地見到咁,當然二話不說,快快沖入去大涌谷影相、觀光,以及食了它最出名的《黑玉子》,它是溫泉蛋,因為有硫磺,所以蛋殼被弄成黑色。相傳食了一個黑玉子可延壽10年,兩個就20年,但如果吃了三個或以上就減壽20年。其實都係話比大家聽《小食多滋味,多食壞肚皮》,以及唔好貪心而已。下圖為工人取回黑玉子情況。 在排隊買黑玉子時撞見之前在纜車1號上我們讓坐給他們的一對老夫婦,他又給了名片我們,大家又一齊拍照留念,回澳後我們照地址寄返相比佢地,當然佢地都一樣啦! 拍照後買了少少手信,原本諗住搭纜車3號(好似海洋公園最舊款果d成個鳥籠,好危險果d feel) 直接下山去蘆之湖,本身我係咁樣安排ga,但因為天氣差、風太大的關係只好原路回程,回到之前有雪糕賣的纜車站食左雪糕之後就搭返纜車1號下山,之後轉乘較費時的巴士(唯一可行辦法)到蘆之湖。下圖為蘆之湖,直望應可見到富士山,左邊為停泊之參觀船,可惜天氣差唔開。 到達蘆之湖後當然亦感受到強風,而且因下微雨關係,看不到遠處的富士山,留下少少遺憾啦!當然我們又影下相先啦! 之後步行去到元箱根,元箱根是以前出入江戶的必經關口呀,亦有好多古時的遺址,又有一個關於當時事蹟的博物館,所以駐足時間比較耐。 下列的各圖都是元箱根的資料圖、風景及博物館內拍下的。 最後回到蘆之湖車站手信店買了好多食得的手信,如溫泉饅頭、溫泉餅、豆沙餅、草餅、日式和菓子等等,因為呢度既售價好平,比出面平20%,可能因為比較遠的關係,但都買到箱根的手信,haha~~ 之後就搭返巴士回去電車站返酒店取回行李,準備出返去大城市啦,開始我地既東京玩樂啦!我地下榻的酒店位於東京池袋,池袋駅北口東橫INN,於網上預訂的,非常經濟,長年爆滿的商務酒店,真係用一個正字來形容。因為用4百多元一晚的價錢,有一間套房,包括按摩浴缸及客廳、雙人大床兩張,絕對正到死啦! 由於又係搭最後一班車回東京,所以到池袋時已經6點多,check in完出返黎已經成8點,晚餐食左日式漢堡扒餐,係池袋60階通內一間地下室餐廳。之後行一陣就回酒店,因為好多shop都開始close door呀! (下一回:東京觀光行)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (6)—關東‧箱根深度行Part 1

0
DAY 5   2004‧8‧19  (關東)箱根 (雕刻之森、大涌谷、蘆之湖、元箱根......) --> 東京-池袋 上回講到進入了箱根,並於晚上浸溫泉添,雖然我都好想影下相留念,但溫泉內不准拍攝,所以並沒有偷雞啦!今朝一早就食個豐盛早餐,check out之後就快快出門啦!因為今天的行程好緊迫,而且天氣不太好,驚落雨嘛!(其實我地住既酒店係最近車站的。) 兩話不說,再次行橋穿過流水瀑布回到車站乘搭登山電車,第一站就是我地D藝術人好鍾意既藝術館,不過呢間藝術館好得意,係露天既公園之內,擺放好多好多雕塑及裝置,有來自世界各地的名家出品,例如畢加索咁啦!入場費一d都唔貴ga~而且入口處仲好靚添!而裡面真係有好多好得意的作品,有的攪笑,有的生動,有的令人目瞪口呆的美麗。 而且我地特登早一點去,爭取多一點時間在其他景點逗留,好讓時間充裕一點,所以去到時,館方還未開門。講左咁耐都未講佢個名,佢個名叫《雕塑の森美術館》,等我現在帶大家看看部分靚靚藝術品啦! 上圖:入口處的藝術性噴水池下圖:入口電梯一下去見到的第一件展品---《羊》 上圖:展場內另一展品,置於水池中,在紀念品店旁,好似遺址咁~~下圖:平衡之球,我地可以係下面的路穿過。放心!絕對唔會跌落黎~~ 上圖:呢個係我最鍾意的展品其中之一,叫《斷絕》,顏色及力學角度用得好靚下圖:呢件係我另一個最鍾意展品,唔知的話真係以為有人赤裸裸趴係度添!叫《密着》,close的意思,意指跟大地親近,是人的本質初型。 上圖:畢加索別館品牌下圖:《微笑塔》,可能外表不太顯眼,但內裡絕對讓你難忘!(往下看) 上圖:微笑塔內部,是否很美呢?這是我最喜歡的展品呀!下圖:微笑塔內部旋轉梯最頂層垂直拍下的景像,有種跳樓的感覺~~haha 上圖:《月光の中の太陽》,在月亮的角度上,太陽會是怎樣的呢?下圖:《交叉する空間構造》,解釋了男男女女之間的微妙關係,陰陽配合之法,你又懂得嗎? 上圖:《球型》,了解球型可變不同的造型及解構的角度,從而懂得球型!下圖:《空間力學》,說明了現今科技對我們的影響,一是力學改變了人,二是空間因力學而起了變化! 其實仲有好多好多相,大家有興趣可以去相簿內--(日本和式風情)內欣賞,在此只介紹一些我感興趣、喜愛的裝置雕塑。在此站我們逗留近2小時,因為太大,又有迷宮玩,又是露天的,所以好好feel,空氣又清新,我們各人都在此拍下好多相,至於我呢!在此站拍下近120張相,聽落都幾得人驚呀! 最後就逛一逛紀念品店,買了少少藝術品就起程去下一站啦!正所謂個個入到博物館,總會將博物館的經驗帶回家,而博物館內的紀念品館就是為此而出現的! ----------------------------------------------------------------------------------------------------(下一回:箱根part2)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (5)—驚險過渡關西東

0
哈哈~~前陣子比較忙,冇時間寫blog呀!現在繼續貼日本遊記第五章。 DAY 4   2004‧8‧18  (關西東)大阪--> 東京 --> (經新宿--小田原) --> 箱根 早上與平時一樣,"拿拿林" 吃個早餐之後,今天只在酒店附近行一陣,行左附近的 Sakuraya就返酒店整理一下行李就準備坐機場巴士去返大阪國際空港搭ANA國內線去東京羽田空港。 航班於中午12:00準時起飛,1點半就到東京羽田空港。在航機上因為check in遲的關係,我們分開了坐,而坐我隔離的日本人又係識講中文(國語),原來佢係做導遊ge,帶中國人多,所以有學過,在機上的一小時我地都有talking,我又問下日本既野,佢又問下澳門既事,好快就過左一小時。(之後同我一齊坐既friends話我真係好顛,幾乎係人都arm talk,冇乜野可以難同我喎,係澳門已經係咁,估唔到黎到日本同d日本人一樣係咁,真係要寫過服字比我!)haha~~多謝佢地既誇獎啦~~現在我的職業都係成日要講野ge~haha~~ 言歸正傳,下機後,我們兩話不說又係要快速過關啦!那有人就問又仲乜咁趕呀?其實我地今天又係要趕車,因為我地要入箱根,需要由羽田搭JR去小田原,再轉箱根鐵路,而且最後入箱根的班次時間為4點15分,所以好趕。 終於係3點左右去到了小田原,需然之後我地找到入閘口,但找不到箱根周遊票的售賣counter(小田原箱根旅遊案內所),當然我同另一個帶隊的分頭找,因為太大又與商場連接在一起,所以擾攘左好耐,嚇到我地以為入唔到箱根(因為我地早前已經book哂酒店),唔通今晚要露宿街頭,我唔要呀! 其餘在入閘口等的朋友當然更好心急啦,因為佢地唔知我地現在的情況,我只叫佢地一定唔好走開去shoppong呀,否則過左時搵唔到佢,就真係齊齊入唔到箱根啦。最後我係3:30找到個counter,問左好多資訊同get左好多小冊子,因為又有職員識講中文,親切d又易明d,跟住我果個friends又可以同佢溝通到,唔駛我用日文問佢,因為佢地普遍講得快,好難聽明白,不竟在澳門唔係成日有得練聽講(成個旅程都碰到好多識講國語/廣東話的日本人,非常lucky呀!),之後亦買左周遊票,望望錶,弊!已經3:45分,嘩!拿拿聲奔跑回閘口啦~~(因為距離左一個大商場)跑到我死咁滯,最後係4:05分入閘,只係arm arm好入到閘,之後就close啦~~真係好險~~~ 上到車就好似鬆一口氣咁,放好行李坐好之後就定返落黎,由於前一天d天氣都唔好,今天也是烏雲密佈,我好驚佢又落雨呀,咁咪浪費左箱根咁靚既景色及環境囉!好彩,個天此終都冇落雨,只係陰天姐。從車上又係同一情景,他們sleep哂,只有我同另一個沒有sleep,欣賞車廂外的風景,由繁囂鬧市到古式古香的小屋仔,最後到大草原、農田咁,我覺得有種舒服的感覺,之後慢慢上山,到了箱根站就要開始轉搭冇冷氣既登山電車去箱根湯本站,整個過程都是一個不錯的體驗,在澳門根本冇機會坐登山電車,既懷舊又好feel。 花了兩個多小時的車程,終於到達酒店雲集,旅客進入箱根的必經入口--箱根湯本。所以旅客都係stay係呢度ga,我地住車站最近的,在小瀑布旁的箱根湯本富士屋酒店,是一間無料溫泉酒店,我地check左in就急急去商店街找野吃,不竟食左午飯到現在都未食過野,但由於鄉下關係,好多鋪頭係6:30已經關門,最後我地去了一間燒肉店食,味道非常不錯,價錢亦可以接受,返酒店前仲去了7仔買少少零食才回去。 一日的趕車趕飛機的疲倦,當然要去浸溫泉去洗滌一下啦!我地男湯有三個池,兩個室內一個室外,我like浸室外,因為溫度冇咁高(我本身好怕熱,熱得滯會呼吸困難ga),有微微的涼風吹過,真係好寫意。我地3個男仔一齊浸,有一個就話怕醜唔同我地一齊,佢之後自己浸。haha~~浸果陣時就冇乜人,只有一個30幾歲同一個老伯,所以好清靜,好似包場咁~~haha~~(三級部分省略......) 浸完溫泉就回房sleep啦!明天繼續行程啦! 有一些大家不可不知的浸溫泉小知識:通常日本的溫泉係分男(殿方)、女(婦人/美人)湯而且係全裸入湯(泳裝/毛巾一律不得入湯),仲要係溫泉旁的沖涼設施沖好涼先可以浸呀!溫泉內有小毛巾供應比你用於放在頭上降溫呀!浸溫泉一次不可超過15分鐘,一定要起身休息一下或浸冷泉。而且你的衣服及物品在入湯前的更衣室,拎個藍放低哂係藍裡面,之後放係任何一格空櫃內,當然包括內褲及拖鞋啦,赤條條乜都冇咁入湯旁邊沖涼ga~ 註:-----------------------------------------------------------Sajuraya -- 日本三大電子百貨箱根周遊票 -- 3日內任搭箱根內所有交通工具,並包來回 箱根<-->小田原 火車一次無料 -- 免費湯 -- 熱的水(意即溫泉) ----------------------------------------------------------------(下一回:第6回 關東箱根)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (4)—關西奈良及環球影城

0
DAY 3   2004‧8‧17  (關西)大阪--> 奈良 (文化遺產) -->大阪環球影城 -->大阪 同第二天一樣,一早起身吃個大飽的歐日式早餐,之後整裝出發啦!今日早上要去奈良睇文化遺產同探下D鹿仔(我中學時去過,記得好多鹿周圍走ga~)所以又要搭JR去奈良,車程約1小時15分。大家亦不忘睡覺,而我又係唔sleep,欣賞下車廂外由繁囂都市建築,慢慢變成傳統日式獨立屋,好像穿越時空似的,我覺得好有趣!不知不覺就到了奈良駅。 循例又係先去觀光案內所,一進去他們就很欣切地招待我們,亦細心地為我們解釋,而且有服務員又識國語,那我們就用國語溝通囉!仲建議我地可以book佢做導遊,帶我地遊奈良2小時,但我們權衡過時間,所以婉拒了,因為我地要3點左右回到大阪並進入環球影城,所以只想在奈良行一行,感受下古城的悠閒而已。 10點半左右就正式開始奈良之旅,當天的天氣不太好,早上有微雨,到奈良時就密雲,攪到我地都不知幾擔心,因為今天全露天活動呀!一出觀光案內所就去文化遺產---奈良公園及興福寺周邊景觀建築參觀,一到門口就已經見到好多鹿,唔知點解d鹿一直對的個friends好有興趣,唔知個friends身上是否有食物,所以一直走埋去,haha~~擾攘一返才可以入去,由門口到公園一直都好多地雷,大家都小心奕奕,以防中招。 欣賞了日本的文化遺產建築---奈良古建築群,它有著古代日本的濃厚風情及人民科技結晶,也擁有著中國唐宋時期的建築韻味,突然有一感覺,為什麼日本保有那麼多中國的傳統(包括茶藝、花藝、建築、博奕棋藝、建築、騎射、武術御劍、文字、民間工藝)?而反觀現今我國有多少能傳存至今,又看看日本將其發揚光大,轉化成自身大和文化,亦成為了聞名於世的日本劍道、日本茶道、日本柔道、日式建築、日式亭院、盤景藝術、日本包裝......那有什麼人提到中國呢?那些不是中國的嗎? 好容易就明白,日本是"捉到鹿懂取角",計仔又多,在資源貧乏的國境,只能精益求精,創新求變,豎立大和民族成為一個強國,用科技及國產以經濟手段進軍全世界,他們於戰後的努力,他們成功了!現在有邊一個家中沒有日本的產品,電飯煲都總會是日立啦! 言歸正傳,建築真的很中國,而且還有藏傳佛教的完素在內,所以非常可觀的一個文化遺產(所以本澳被列入文化遺產,真的是很有價值才能成功呀,各位來澳一定要去睇下啦,了解埋背後的歷史,這樣才是參觀一個文化遺產的態度)。等到大家都參觀完公園及寺廟之後,在市內逛一下,又影下相買下手信之後就準備回大阪,向環球影城出發了。 到了環球影城,買了票入場,而天色又更差了,還下著微雨,不過並沒有因而掃興,入場內玩了不少遊戲,唯獨每個都要排成個鐘頭。 一直到了晚上7點左右,我地正排緊一個史力加4D電影(下圖) 時,突然來了一場大雨,最好笑的是我們以為頭頂的帳篷可擋雨,原來它是一個紗網,所以看似密封,原來......結果所有人都走避,有雨傘的人急忙好傘擋雨,好彩我地6個人有3把雨傘,所以不用離開,還可以排前一點。 正當我們終於可以入場了,工作人員就說因為暴雨及狂雷的關係,驚雷電打中建築物為由,現在開放給你們只為了避雨而已,史力加個4D電影不會開始,直至雷暴結束為止,當然在場人士包括我地真係全身濕透啦! 最後就去了紀念品店,又拍下照,食個吃晚飯就係10點左右離開了universal studio啦!(當然最後都冇睇到果個4D電影啦!有d遺憾囉!) (下一期:第5篇 關西東過渡)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (3)—關西京都

0
DAY 2   2004‧8‧16  (關西)大阪-->京都 (金閣寺、平安神宮、清水寺.....、京都火祭)-->大阪 一大清早就起床吃一頓豐盛日西式早餐後從大阪出發去京都,當然選坐新幹線啦!需時約一個半小時就到京都了,各人兩話不說就爭取時間在車上休息。我基本上都唔會sleep,因為要留意幾時下車嘛!所以就聽下歌囉! 到了京都駅之後,第一時間梗係去站內的觀光案內詢問行程路線、拎地圖、問火祭的時間及最佳路線等有關資訊。唔講你唔知,其實一些JR大站內都有觀光案內所供自助遊的遊客查詢及購買當地有關門票、一日遊巴士票、免費地圖及資料等,而且京都駅觀光案內係有識講國語的日本職員tim,所以好快就可以完成查詢,走出來自己plan景點次序,以及確定巴士番號啦! 有一樣野,大家都應該知,日本是一個守時的民族,不論人、JR、地鐵,原來連巴士都一樣準時,而且巴士站的電子牌會有提示幾號巴士還有幾個站就到在下的巴士站,真是先進到不得了。 我們首站去金閣寺先,它是金漆外牆,金光閃閃,倒影在湖上,尤其漂亮,成為謀殺菲林的要點。而且寺範圍內還有好多地方遊覽,白蛇洞等。最後還吃了一個大雪糕tim~~haha~~ 之後我地去第二站的平安神宮,這是京都最著名的神宮之一,因為京都已往是首都,而平安神宮更是首都重要建築物,掌管整個東瀛的命脈,由當時的陰陽師、國師主理,為天皇占卜吉凶等事情。而建築風格以中國唐朝庭園風格為主,加入風水陰陽的佈局擺設,於前院設有左青龍及右白虎的清泉,現在已經成為遊人必到之地,清泉更相傳飲用後能治百病、健康長壽呀!    當然最後在平安神宮內殿前黎過大合照tim啦!(本人用了油畫效果,以免朋友的樣子曝光,haha~~不過他們來看我個blog的話,實睇到邊度係自己啦!)至於我呢,就是"左3" 站立的雞翼袖啦! 之後要吃過午飯後再去其他地方,又在平安神宮附近閒逛了一下,見到好多日本人著住傳統和服在街上走,原因是當晚是大文字火祭,日本人一逢有祭典就會穿和服,而且街上亦有古時的人拉車供遊人乘坐ga! 及後我地出發去第三站的清水寺,港澳人不會不知的,因為我地去既呢三個景點都係好出名既!而清水寺出名在於它歷史悠久,而清水寺的空中舞台更以全木建築,不落一根釘,非常罕見。 另外又有地主神社在旁,一走上去就發現很多小小的神壇及有顆岩石在地上,而全部都是祈求愛情的。而地上的兩顆叫戀愛占卜之石,相傳戀人矇眼於兩石向前行,如果能相遇就可以白頭到老;而未有戀人的單身人士,只有在任一戀愛石矇眼向前走如撞到異性又或是去到對面的戀愛石又找到的話,戀愛就好快到來啦!(不過信不信由你,而且因為係旅遊點,人太多,撞到人都好易姐。) 最後到樓下非常著名的泉水瀑布果度(正確名字唔記得lu),排隊入泉水,為什麼?這個泉出名在於它的三個泉眼,相傳能帶給人健康、金錢、愛情(由右至左),所以好多人都慕名而來,而我地當然係好貪心,一次裝埋三個泉眼的泉水。(偷偷告訴你們,我還帶了個膠樽裝水呀!haha~~) 不過其實冇乜特別,只不過係特別清涼,在炎炎夏日都係一個解暑好辦法,你睇下相中,幾多人係度排隊,我就已經飲左啦,你地都去裝返d健康、金錢、愛情返來啦! 遊玩完景點,梗係要係清水寺門前的商店街行下啦!有好多紀念品、日本傳統工藝、和菓子......應有盡有,一行就行左成個幾兩個鐘。(我們都是購物者嘛,一兩小時好閒姐) 六點鐘左右已經開始多人,有人食飯,有人現在先到京都,有人開始去各公園霸位睇火祭,道路上的車擠塞得好跨張,而等左好久都上唔到車,路又窄,而人不斷增多,而我們亦考慮回程時的情況,以及JR回大阪的班次,所以決定不參與火祭,而需直接回大阪,如果唔係,好可能要係京都街頭過夜tim呀! 回到大阪已經成9點半了,雖然大伙兒有點兒失望,睇唔到火祭,但也慶幸可以回到大阪,而且都已經好夜,如果睇埋的話,分分中冇JR返黎tim。之後到酒店附近的松屋吃過晚飯,又去了便利店買少少野就回酒店開會及沖涼睡覺啦! (下一期:關西day3--奈良、環球片場)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

2004關西東之旅 (2)—關西大阪

0
DAY 1   2004‧8‧15  (關西)香港-->大阪-->心齋橋及市內觀光 一大清早,一行六人就浩浩蕩蕩地由新港澳碼頭出發,乘機場噴射飛航至香港赤蠟角國際機場內,到達碼頭時發生了少插曲,就是船長宣佈:"目前碼頭未有空位,請各位靜心等待。不便之處,敬請原諒。"哈哈~~好彩我地預早左好多,到碼頭才11:30am,我們乘2點幾機,所以不太擔心。 最後船終於在12點幾泊岸,之後在碼頭辦理了登機手續,然後乘禁區巴士進入機場禁區內。其實大伙都有d肚餓了,就去左買少少野吃,等上機。 飛機延遲了起飛,順利降落大阪國際機場,但比原定時間已經遲了40分鐘左右,那我們就快快過關及拎行李,出去搭機場巴士到酒店,我地於關西區下榻的酒店叫大阪南海酒店。我地飛咁飛離開機場是有目的既,原因係到達酒店時已經將近晚上9時,大家都好肚餓,要吃晚飯,最主要其實係我地當中有位團友佢約了日本朋友相聚一返及帶我們去食飯,眼見已經過了約定時間,當然焦急啦! 終於到達酒店了,我們的酒店是機場巴士的最後一站,所以巴士只剩我地。真係一波未平,一波又起,正當我們下車時拎行李時發現多了一件不知是誰的行李,一問之下不是我們的,可能是之前有人唔記得拎(真是有人可以咁大懵囉),又擾攘了一段時間,司機只好捱義氣自已jar車返去之前途經的酒店逐家查問啦,當然我地就係入酒店check in啦! 當我地一入酒店,發現了兩個日本人坐在大堂內,似是等人般的望望門口,又望望錶,原來佢地等的人就是我地,因為我地上巴士前已經打左電話比佢地話會遲及住邊間酒店,所以佢地就到酒店等我地。及後我地那位團友梗係要跟佢地寒暄一返啦! 我亦不花時間,直接check in又向酒店查詢有關房內的設施收費等問題啦!酒店好快就安排好了,我地又一貫快速上房放下行裝,便草草出門,費事再要人等啦!arm唔arm先? 之後佢地jar車帶我地去到一間日本道地的居酒屋食晚飯(其實說食宵夜就差唔多,因為已經成10點),食完後佢地車返我地回酒店,之後我地一行六人就去酒店後面的道頓堀及心齋橋夜遊一下,但心齋橋有好多鋪頭已經close,而道頓堀是夜市,所以仲有好多食店、小吃店可以逛一下。(但入夜後好多醉漢、流氓於街內,所以不建議單獨前往。) 最後只是於街市、水橋上及招牌下影下相,留為紀念。(當然我儘量不在這公開張貼有其他同行者的相片,哈哈!) 之後我地仲係便行店買野飲同一些小吃回酒店開會啦! 最後一提,我地係每一晚都會開會商討明天的旅程,雖然我地plan好哂,但可能會改及增加行程的,又要firm出發時間,以及膳食費、交通費的使用及結餘。(除了自己消費外其他的費用都是中央制的,所以需要開會了解當日用了多少錢。) 本人充當是次的導遊、編行程、膳食費用的工作。 (下一期:關西day2)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (1)—遊記前傳及9天行程

0
---序---千呼萬喚始出來!一直都懶得寫返d遊記,現在要著力開始寫啦!今次寫的是2004年跟友人一起去日本關西關東之旅共9天。我寫的遊記將會以景點及區域為點,並加入景點及其他的資料,聽落好似旅遊資訊咁啦!亦希望可以幫到大家!亦期望可以好快咁寫完! 首先是文章的標題,格式會以 "2004關西東之旅 (x) 關西---大阪(y篇)"(x) - 代表章號。   大阪(y篇) - 地區 (上中下篇) ---行程前傳--- DAY 1   2004‧8‧15  (關西)香港-->大阪-->心齋橋及市內觀光 DAY 2   2004‧8‧16  (關西)大阪-->京都 (金閣寺、平安神宮、清水寺.....、京都火祭)-->大阪 DAY 3   2004‧8‧17  (關西)大阪--> 奈良 (文化遺產) -->大阪環球影城 -->大阪 DAY 4   2004‧8‧18  (關西東)大阪--> 東京 --> (經新宿--小田原) --> 箱根 DAY 5   2004‧8‧19  (關東)箱根...

計劃好行程(2)—-日本航班時刻知多D

0
直航往香港赤蠟角機場  班次                  起飛日     起飛(JP)   到達(HK時間)CX509                每日          0935            1340CX501                每日          1055             1510CX521                每日          1625            2045CX505                每日          1830            2235KA361/363          三五           1430            1805KA361              一二四           1530            1855KA361                 五             1555             1920KA361                 日             1625            1955JL731                每日           0945            1315JL735                每日           1740            2110JL739                每日           1855            2225NH909              每日           0950            1355NH911               每日           1800           2210NW017              每日           1825            2205UA891               每日           1825            2155 登機前注意事項:在飛機起飛2小時需到達機場Check-in,準備2小時左右由東京市到成田空港。確保寄艙行李不可多於20kg,否則徵收費用好貴的。(如超過的話就使用空港郵局寄返澳門/香港啦) 登機注意事項:不可帶有攻擊性物品、壓縮氣體罐、指甲鉗等。(這個大家都知啦)另外請注意飛行安全啦,不要於起飛及降落時使用電子器材(手提電腦、PDA、MP3、MP4、PSP、DC、DV......)及將手提電話關機(不是震機呀,而是完全熄機呀。如手機有飛行模式的話就可以選用。)不竟大家同坐一架機,大家出外旅遊都想開開心心嘛,如因為這些人為錯失而導致意外,那真是非常不值呀!對不對!(待續)

計劃好行程(1)—日本航空時刻知多D

0
香港<--來回-->東京的航空公司有:國泰航空 CX  www.cathaypacific.com 港龍航空 KA  www.dragonair.com 全日空 NH  www.anahk.com.hk 日本航空 JL   www.jal.com.hk 西北航空 NW  www.nwa.com/hk 聯合航空 UA   www.unitedairlines.com.hk 中華航空 CI   www.chinaairlines.com.hk (本人較喜歡全日空、國泰、JAL三間,其次就是聯合、西北,最不喜歡就是港龍、華航) 航班資訊 (以下只提供參考,最新資料可瀏覽航空公司網頁。)直航往東京成田機場  班次                  起飛日     起飛(HK)   到達(JP時間)CX504                每日          0910            1355CX520                每日          1020            1525CX500                每日         ...

Yamashiroya–潮流玩具店

0
Yamashiroya 是一間潮流玩意、玩具集中的店舖,樓高7層,位於上野。動漫、玩具、超人、模型、遊戲迷不可錯過的一間店舖,男女小朋友都合適,因為既有男士的喜愛,也有小朋友及女士們的愛好,容許本人在這一章遊記為大家詳細分釋一下啦! 交通:JR上野駅 廣小路口  徒步行1分鐘營業時間:10:00-21:00 (年終無休) Yamashiroya 第一階 (1F)  電視及潮物區售賣商品:電視遊戲機(PS2、任天堂等)、手提遊戲機(任天堂、PSP等)、手提電話配件及飾物、潮流科技玩意、季節性限定商品、扭蛋機(本人在此層逗留最耐,因為太多野想買啦,細細件,又得意,價錢又唔貴,亦有好多澳門香港未有的產品)Yamashiroya 第二階 (2F)   電影電視卡通主題區售賣商品:迪士尼商品及公仔、宮崎峻動畫商品及公仔、Moncchichi、叮噹、Rilakkuma以及其他出名的公仔商品......(本人覺得這層不同人士都合適,而本人在此層花的時間比較少,只睇了宮崎峻的商品)Yamashiroya 第三階 (3F)  男女幼兒玩具區售賣商品:幪面超人、各大戰隊、比卡超、面包超人、Cinnamoroll、叮噹商品、tommy車仔、動力玩具、幼兒玩具......(這層分有男士的超人戰隊區及女士的可愛公仔區,所以逗留時間都較長) Yamashiroya 第四階 (4F)    輸入貨品&洋娃娃區售賣商品:衰仔樂園、LEGO、TERRYBEAR、JACK、大眼妹、金剛芭比及DVD等各式公仔及雜貨(這層因不是本人喜好,所以直接SKIP到上一層,haha!)Yamashiroya 第五階 (5F)    卡通漫畫及食物玩具專區售賣商品:聖鬥士星矢、北斗之拳、ET、STARWAR、曼聯、NBA、食品玩具、蜘蛛俠、FIGURE......(本人在此停留比較耐,原因就是食品玩具,現在港澳好HIT的一盒盒玩具擺設)  Yamashiroya 第六階 (6F)    模型及材料區售賣商品:高達、戰鬥機模型、汽車模型、氣槍、噴漆及模型用料、四驅車、BB戰士......(見到很多自己喜愛的飛機模型,所以又停留了一會兒囉!) Yamashiroya 地下一階 (BF)    遊戲卡及小型玩具區售賣商品:遊戲卡、拼圖、扮野服飾、整蠱商品、扭蛋機、地球儀、人氣商品......(在這些有好多千奇百怪的東西呀!不能錯過!) 小貼士:每層有獨立的收銀機,所有每一層的商品均需在該層付款呀!可以畀信用卡、現金付款。另外,本人建議到上野你要先去這個玩具店先,才去阿美橫平價商店街。 ---------------------------------------------------------------------------------文: 阿乃

東京美食區精華

0
池袋 「Sunshine City」http://www.namco.co.jp/tp/index.html 裡面一口氣包了三個美食主題區,並且不定時會加場推出其他美食主題,是一個可以大吃特吃的地方。 不過,「Namja Town」除了食物,它的鬼屋區也是很努力要讓人嚇破膽的…… 而鬼屋和美食區沒有明顯的界線,路線也劃分的不清楚,所以,你很可能買個冰淇淋邊走邊吃,然後一抬頭就看到它……這點大家要有心理準備…… 當然,喜歡毛骨悚然感覺的人,也可以去逛逛鬼屋區。 「池袋餃子街」 http://www.namco.co.jp/tp/nt/park/fukubukuro/gyoza/index.php 「冰淇淋城」 http://www.namco.co.jp/tp/nt/park/ghost-namderbirds/ice/ 「泡芙農場」 http://www.namco.co.jp/tp/nt/park/maccheroni/chou-creme/ 入場費:300日幣。 交通方式:「池袋」車站下車,出東口,徒步八分鐘。 詳細地圖 http://www.namco.co.jp/tp/nt/map/ 「拉麵名作座」 http://www.meisakuza.com/ 據說是首間「戶外型」的美食主題區。 由七間拉麵店共同經營。 地點就在前往「Sunshine City」的途中 交通方式:「池袋」車站下車,出東口,徒步八分鐘。 お台場 「拉麵國技館」 http://www.aquacity.co.jp/ramen/index.html 就在AQUA CITY的五樓,共有六家拉麵店競爭。但是每半年會全面更新店鋪一次,以三年為一個標記。因此三年之內,總共會有36間不同拉麵名店登場。 館內以江戶時代風貌為主。 交通方式:搭百合海鷗號,「台場」或是「台場海濱公園」下車。步行即可。 搭水上巴士,「台場海濱公園」下船。就在眼前。 「台場小香港」 http://www.odaiba-decks.com/hongkong/...

日本成田空港小知識

0
日本成田空港分兩座客運航樓,而check-in檯位都分開兩個航樓處理,所以到日本東京的朋友要清楚知道自己的是第幾航樓,去錯的話有排等車先可以去返第二/第一航樓啦! 第一航樓:美國航空、意大利航空、維珍航空、巴西航空、Air Calin、Air Tahiti Nui、法國航空、國泰航空荷蘭航空、新加坡航空、大韓航空、西北航空、芬蘭航空、英國航空、聯合航空、US airways 第二航樓:日本航空、日本亞洲航空、JAL WAYS、全日空ana、AIR NIPPON、AIR JAPAN、IBEX AIRLINES俄羅斯航空、韓亞航空、西班牙航空、伊朗航空、烏茲別克斯坦航空、印度航空、加拿大航空太平洋航空、埃及航空、長榮航空、澳大利亞航空、印度尼西亞航空、三角洲航空、大陸航空大陸密克羅尼西亞航空、上海航空、瑞士國際航空、北歐航空、斯裡蘭卡航空、泰國國際航空中華航空、中國國際航空、中國東方航空、中國南方航空、快達航空、土耳其航空、新几內亞航空新西蘭航空、巴基斯坦航空、孟加拉航空、菲律賓航空、越南航空、港龍航空、馬來西亞航空蒙古航空、墨西哥航空、德國航空、廈門航空文:阿乃

遊日小知識一則

0
各位想去日本的朋友,是不是覺得機票好貴呢?那就要看大家去日本的那一處啦!熱門地點的機票 (由貴--->平)北海道 > 名古屋 > 大阪 > 東京----------------------------------------------------------------另外一則小知識就是日本本土的旺季資訊:1月1至3日==========日本新年(日本人趁假期互相拜訪,酒店常滿。)2月上旬中旬========日本大學入學試期間 (東京住宿會十分緊張。)4月29日至5月5日====日本的黃金檔期,旅遊旺季,國內各地交通及住宿都緊張。8月中旬===========日本的中元節,國內交通住宿常常爆滿。12月25-31日========聖誕節假期,住宿及交通都會非常擠迫。之港澳人外遊的旺季當然是:農曆新年、復活節、暑假、聖誕節四大假期啦。在黃金時間去日本都會比淡季難找酒店呀,要注意一下! 文:阿乃

激安第十一炮(下篇):平價食堂!拉麵go~go~go

0
第三是 "拉麵"到日本當然亦要試試拉麵啦!對不對!介紹兩間平價拉麵一級棒店給你們吧!"福しん" 及 "天下一品",在日本每間拉麵店都有其獨特的湯底及招牌來吸引顧客幫襯啦!福しん的醬油拉麵是380yen,定食就600yen。 最後的是 "中華拉麵"不是中國的,而是很日式的店舖及食物風味,介紹兩間我都有去過,也不俗的平價食好中華拉麵啦!相信好多激安一族都知道,就是 "ザ‧中華そば" 及 "日高屋中華そば",大家都是390yen一碗招牌拉麵,以這個價錢就已經有超值的美味,到日本一定要去試試啦!但它不是用自助買票機的,但有圖示,只要用手指一指,比一比就可以啦!tips:兩間都是白底紅黑字的,非常易認。 同場加碼:特色麵店就是為港澳人所熟識,日日排長龍的 "博多天神",招牌橙底黑字,最出名的是豬骨湯麵,500yen一碗,但門外常有coupon可免費讓人refill多一個麵餅,那就不會不夠吃啦!所以中午常常排長龍啦! 如果想有日本風味的,掛著紅燈籠的手推車拉麵及關東煮店,大多出現於11點左右,旺區基本上沒有了,而在住宅區的車站附近有機會出現,通常是醬油拉麵,另有蘿蔔、海苔、魚丸、竹筍、叉燒、滷蛋等配料可加,格調不錯的,我遊日時有見過,可惜太飽了,吃不下,唯有放棄它囉!價錢約5、600yen左右一碗啦! -----------------------------------------------------------------------------------------註:大部分食店於新宿、池袋均有分店!日本的所有食店是不用給小費的,因為服務費15%已經加在價格裡面,所以遊日時不要再給人家小費啦,他們會好難做的!(當然你是跟團就要比導遊小費啦!haha~~~)----------------------------------------------------------------------------------------- 阿乃

激安第十一炮(上篇):平價食堂!飯~soba~

0
在東京,雖然很多地方食野就好似去八佰伴、漁人碼頭D food court咁既價格,但其實有一些超平食店遍佈整個日本地區的。當然概念是先撇開100yen壽司店先啦!但不是等於冇選擇呀,是非常多,就等我同大家詳細分析一下啦! 首先是 "飯"飯?沒錯,但日本不是只有吉野家,對吧?我介紹的是吃咖喱飯、燒肉飯、牛肉飯及可樂餅定食的店舖,我次次去日本都會去的,因為總不能餐餐都吃貴的吧!這樣很不符合激安原則啦!它的名字叫 "松屋",全日本都有分店,味道份量都非常之好,不輸給貴價食館呀!它跟其他食館有些不同,亦是平價好抵好食的象徵,就是自助買票機,圖文並茂,按個鈕就可以點餐,不懂說日文也可以食到好野。如一個豚肉飯只不過是350yen(約20港元),在日本的話就真很便宜了!tips:黃底藍字的松屋某些分店於晚上10時後,可提供白飯放題。而店舖是23小時營業。 第二是 "Soba"到日本不是只有壽司、烏冬。不要忘記了,日本有健康的"蕎麥麵"。如果辰在烏冬跟蕎麥麵之間選吃其一的話,我會選健康易消化的蕎麥麵。"蕎麥麵"即 Soba,味道清清的,有消滯、預防高血壓、血管硬化、糖尿病的健康食品。分有機製及手打,當然手打的口感較好,但價格比機製高一點啦!我介紹的蕎麥麵快食店叫 " 富士そば (富士soba) ",又是在門外的食物模型中抄低名稱-->店內的自助買票機入錢買票-->遞給店員(會問你要烏冬還是soba)-->找座位坐下等就是。味道亦相當讚的,雖然不及手打的那麼彈牙,以它的價格已經是超班了!如天婦羅soba/烏冬 是390yen、迷你豚肉飯是250yen、定食餐是550yen左右,當然亦有其他食物供應啦!另一間叫 " かのや----讚歧うどん生そば " (KANOYA----讚歧烏冬生蕎麥),跟富士soba亦是大同小異,當然價格上有少許差異啦!如海帶湯烏冬/soba 是360yen、太陽蛋soba 是320yen!tips:兩間都是白底紅黑字招牌,表示全國性快食店的代表招牌!往後遊記內會有詳情介紹! --------------------------------------------------------------------------------------------註:放題 ----任食日本人要好有規矩的,所以請食完後將所有碗及垃圾放回托盤上,再拿回退卻處。另外,有自助買票機的快食店,通常有冰水及茶免費無限量提供,是自助形式的喲! 阿乃

激安の第十炮:無料旅遊小冊子,為下次遊日準備!

0
一本Guide book 對於自遊人來說應該是非常重要,是嗎?各位同意吧!通常我們自助遊時,都會到書局買一些介紹當地的旅遊書,又或是到網上找尋合適的資料來plan行程!有時你會覺得中文的日本旅遊書太行貨,而日文的又看不懂,又想去得有特色(如果唔係不如跟團)。但如果我告訴你於遊日時,可以順便拿到全日本地區的旅遊書,供你下次plan行程用,你相信嗎? 不到你不信呀!是真的!只要在遊日時,估計好下次的目的地區,然後走到當地的旅行社前的資訊架上索取有關當地旅遊的小冊子就可以啦!(它,圖文並茂,指示清楚,簡單易明,方便攜帶。)而找這些旅遊社,非常簡單,就在JR站(如新宿、池袋那些比較大的站)。而看到那些小冊子不是厚的就一定多資料,最緊要看合不合用,它們通常載有建議行走路線,亦介紹較出名的景點、餐館及地道商品/食物等。 將它們搜集完後,把有用的剪下來集在一本簿內,那就變成自家製作的,適合自己口味的遊日路線及資訊。至於那些旅行社,可以選擇一些較大及常常出現的日本旅行、近畿日本旅遊,及一間由JR同時經營青色招牌的ぴゅう (Byu)。 特別一提:小冊子雖是免費,但真的有需要才索取,共同支持一下環保啦!何必搬一堆沒用的紙回酒店/家呢? -----------------------------------------------------------------------------------------註解:自遊人-----自助旅遊的人士自助遊-----自助旅遊無料--------免費------------------------------------------------------------------------------------------ 希望以上資料可以幫助到大家啦!近月多了人瀏覽本人的blog,好開心呀!本人亦會不斷貼多些關於遊日的資訊啦!亦希望你們都可留言及回覆一下,增加本blog的資料性及讓本人可改善不足的地方! 阿乃

激安の第九炮:極平掃貨場—多慶屋

0
多慶屋位於上野邊邊的一間平民化百貨商店,身為激安的自遊人不可不知呀!它於剛開業時只是一間少少的雜貨店,時至今天成為一間道地的平價百貨商店,當然它叫得平價,絕對在價格方面比一般超市、百貨平啦! 想找它?一點都不困難,因為它幾時都咁熱鬧,非常的人多,在兩大街(春日通り 及 昭和通り)之交匯點。而你有可能買緊野既時候聽到一些人在講中文啦,當然不是你有幻聽,或者日本人識講日文,他們都是跟你一樣,是港澳或台灣的自遊人。可想而知它的出名程度。 雖然已經是百貨了,但仍保留了傳統的街頭叫賣的,現在還開了很多分館在附近、對面,儼如一個區域似的。它的貨品種類多,平均比新宿、池袋的超市平10-20% 共分有8館,有本館A、B楝、家具擺設館及別館、雜貨館、電子器物館、4號,7號及8號館。除了常見的零食糖果、茶葉家具、電子器材、文具服飾之外,亦有很多稀奇古怪的東西。其他貨品跟Tokyu Hands及無印差不多,但卻平很多。而它亦有女士們喜歡的化妝品以平價發售,當中不乏有資生堂、KOSE......及各名牌香水,比港澳的莎莎、卓悅的平衡進口貨更平喲! 交通:●JR山手線・京浜東北線 御徒町駅下車 北口 春日通り徒歩 2分●地下鉄日比谷線 仲御徒町駅下車 3番出口徒歩 0分●地下鉄大江戸線(都営 12号線) 上野御徒町駅下車 徒歩 3分●地下鉄銀座線上野広小路駅下車 徒歩 5分●つくばエクスプレス新御徒町駅下車 徒歩5分●都営バス御徒町駅前バス停下車 徒歩 1分 營業時間:9:30am-8:30pm (每月第三個星期三休息) 備註:它只接受現金付款網頁: www.takeya.co.jp文:阿乃

激安の第八炮:搜尋限定商品!?

0
日本人出產的商品,常常讓人搶購、熱炒,原因除了因為它精緻及新穎之外,包裝亦非常精美。當然日本的包裝手法是世界一絕的!而最厲害的包裝手法,亦是由日本發明的!這個包裝手法叫---------限定商品 (即有數量限制或地區、節日限定發賣的商品)。 你們可知除了要用錢買的限定商品之外,今日要同大家講的是不用錢買的限定商品,有時美得更可以當手信,那就可以替激安一族減少不必要的開支了!因為你的朋友知道你去日本旅行,就會搭你買很多東西,但有的會叫你買有地道特色的手信。草餅已經成為過去了,現在港澳通街都是,不用再去日本買啦!好不好?所以當然是找尋大家最受落的 "限定商品",聽落都好有誠意,不送人自用亦可。但是免費的,有可能嗎?我說的不是什麼商店特有紙袋、試用版洗頭水又或是街邊派發的紙巾囉! 我的免費限定商品是在便利店找到的。我叫大家去便利店不是偷呀!而是要用錢買回來,而這"限定商品"是附在上面的小禮物,這個東西有特色、有價值、屬於限定品。所以有空閒的時間就走入便利店買飲料,不要貪圖方便在自動販賣機買飲料啦!因為有很多時日本的500ml膠樽飲料都附有小贈品,如小公仔、手機繩、鎖匙扣、模型、小鐵罐茶葉等。所以下次遊日本時記住進便行店逛逛! 另外畀多一個小貼士大家,在便利店買大支扁身膠樽裝的飲料回酒店一齊飲亦是不錯的選擇,因為大概230~290yen左右(特價時只需199yen),比一支500ml要120-150yen來得划算啦! 100yen = 6.3hkd (07年6月價) ----------------------------------------------------------------------------------------------阿乃
- Advertisement -
Macao
薄雾
28.1 ° C
32.6 °
26.9 °
78 %
3.1kmh
20 %
週五
27 °
週六
26 °
週日
27 °
週一
26 °
週二
26 °

社交網絡

12,638粉絲Like
1,228追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章