藝術事務工作

星期六(2007年6月30日)，CPTTM及多個澳門服裝設計團體於觀光塔舉辦了為期三天的一個澳門時裝週。我有幸受其中的設計師畢子融教授，邀請到場觀賞開幕的fashion show！ 那我當然也叫來我會的其幹事一同出席啦！ 下圖是會場入口 我在等他們的時候拍的！ 這是我的請柬，以及一些資料~~ 我同會內的幹事坐在天橋右邊第二排，視野算清楚囉！ 嚴格來說，這一場fashion show並不是真正的fashion show，而是大集合展示show！因為除了Fashion，仲有家品、檯櫈、袋、手飾、陶瓷等的展示，不是完全的fashion show囉！so，要睇下你點樣去睇呢個show囉！總括來說，我覺得ok呀！只要你不當它是fashion show，你當是Product display show就絕對係ok呀！ 所以請那個無知的朋友(不便透露是誰)，不要坐在我場後面不停咁講："o下？乜咁都叫fashion show呀？"、"唔係呀，咁都好影？" 我只會覺得你係不知所謂，虧你係讀藝術的，又是一名藝術老師，思考角度與觀點狹窄得可憐！如果你係咁唔認同的話，你可以先行離場，唔好坐係度囉！影響哂其他人的心情~~你教書，我覺得你會誤人子弟囉！(偏偏又冇人覺得你係藝術方面有什麼成就囉？有攪過展覽嗎？懂得fashion show？唔識就唔該shit up囉！)簡單就一句話就係："你無知！"，有時做人要有咁大個頭先好戴咁大頂帽！ sorry~~講左好多我對那個無知的人的感受！因為我覺得主辦單位、各設計師、參展單位都好用心去攪好個展覽，在我一個觀眾而言就是欣賞！可惜有個無知的人說出一些這樣鄙視的話(但他自己又唔顯得有才華)，我係觀眾我都覺得好不爽囉！如果製作單位聽到的話，都唔知會點呀！ 唔講啦！有一齊去既人都應該會知我講緊係邊位人兄！ 跟住呢幅就係好得意既服裝設計呀！我都幾鍾意呀！因為都幾色彩繽紛~~ 呢d就係畢子融教授的陶藝設計！都係同fashion有關ga！ 大會天橋舞台~~ 個fashion show完左，大家上台拍照囉！ 我(左上角)、畢子融教授(左上2)，以及我會的幹事 大合照 呢張係臨走時係門口影ga！我地個個都著得好fashion 呀~~ (尤其是我！)(眾：夠啦！你自大完未呀？) 文：阿乃攝：阿乃、vincent 本 著作 係採用 創用 CC 姓名標示-非商業性-禁止改作 3.0 授權條款授權.

2006-5-24「備忘﹕戰爭 ─ 剛果民主共和國」巡迴圖片展澳門站 無國界醫生自1981年開始在剛果民主共和國展開醫療救援工作，至今在當地五個省份設有醫療項目，多年來，我們親身見證了戰爭對剛果民主共和國國民造成的傷害。作為一個國際醫療人道救援組織，無國界醫生認為我們有責任將這個被遺忘地區人民的生活苦況呈現到世界的其他角落。2005年，五位世界知名的攝影師跟隨無國界醫生救援隊伍到達剛果民主共和國，拍攝了一系列以當地人民戰後生活為題的圖片，並於多個國家巡迴展出。之前已於美國、日本及香港展出，本年五月，圖片展將巡迴至澳門，展覽名為「備忘﹕戰爭剛果民主共和國」圖片展，我們無國界醫生香港辦事處、澳門數碼攝影學會及澳門藝術事務學會誠意邀請  閣下到場參觀！ 活動一開幕當天亦設有『無國界救援分享會』，於5月28日(星期日) 3:45pm開始，由無國界醫生的劉蘊玲護士及後援人員周健德小姐主講，分享於無國界的工作及救援經驗，歡迎各位有興趣的人士參與。名額限定四十人，請致電留座！ps.以上活動為一小時 活動二為了加深各位對展覽主題的了解，我們將會為市民大眾特別開設粵語導賞，屆時將由專人講解展覽內容，閣下只需致電、傳真或電郵預約。ps.導賞服務每場約一小時 公開導賞時間：5月31日  11:30am、2:30pm、4:00pm、5:30pm (共有四場) 開幕日期：   5/28 3:00pm展覽日期：   5/28至6/5 11:00-19:00(5/29 11:00-15:00、6/5 15:00-19:00，其他日子開放時間如上)展覽地點：   澳門南灣大馬路, 澳門陸軍俱樂部何賢爵士展覽廳 主辦單位：   無國界醫生、澳門數碼攝影學會、澳門藝術事務學會   澳門藝術事務學會為本次展覽特開設多條熱線：預約及留座電話：6636643、6509983、6691649、6671667查詢熱線：6636643、6300322、6691649辦公時間：10:30am-12:30pm、2:30-6:30pm電郵：[email protected] 各位可於澳門藝術事務學會網頁查詢最新預約及留座情況：http://www.maai.org.mo 編：阿乃(澳門藝術事務學會理事長)   連結：佈展今天、是日開幕  本 著作 係採用 創用 CC 姓名標示-非商業性-禁止改作 3.0 授權條款授權.

剛過了的星期日(07-8-19)，就是學會第二屆就職典禮的大日子~~這個就職典禮真是一波三折呀！由原來的07年頭一直押後至7月才舉行！原因有好多：例如大家沒有時間、沒有人一同分擔工作、聯絡滯後、其他事務優先等問題。 今屆與第一屆其實大致相同，會長仍是陳生，理事長依然是"阿乃"本人，其他的幹事則全部大執位，我的理事會於06年尾進行招攬及積極擴充，現在終見成形，我非常之欣慰呀！ 回顧之前創會時，人數只有7位，全部人都為學會不辭勞苦，大家都muti-function，而經過多個展覽的舉辦、多項課程的開辦、數個交流團的計劃，會員人數終於來到今天的近40人，成績算是不錯！ 而我的理事會更由3人(包括我在內)，積極擴充成為近20人，但因為大家均沒有太多經驗，重擔仍於我身上，好的是大家意識到學會是團體生活，亦從我身上開始分發工作給大家跟進，大家亦做得越來越好，對我的依賴日漸減少，而且漸見6大部門開始署理該部門的職務，只是定時匯報給我就可以！ 真的很欣慰了！我終於可以漸漸退下火線，不需1人分職20多個職能角色！yeah~~那天的就職典禮算是成功舉行了！各顧問百忙也抽空出席本會的就職禮！積極會務的會員及幹事也全部到齊，當然有些人有要事不能出席，這是可以理解的！ 下面跟大家講講當日的盛況啦！首先very thanks Teresa & Amy 11點就已經到場佈置！(本人11點20分才到)正式開始時間為 中午12點半，大家亦相當合作，準時到場，偶爾有人遲了5多鐘！另外就有一位仁兄遲了足足25分鐘，全世界等她一個！(各顧問已經向我質詢還有誰未到呀？為什麼還不開始呢？) 結果，原來12點半開始的，變成1點正才開始。  由本會名譽顧問畢子融教授致辭並頒發本會五位最高領導人的委位狀！包括(由右起)：畢教授、陳榮會長、阿乃理事長、Teresa秘書長、Cathy財務長、Ivy監事長。 之後再陳會長致送聘書及畢教授！ 發呆的我，在聽陳會長的職詞！(大家都在發呆......因為他是出名的 "不停說"，快些找人Cue他啦！頂不住啦！) 再由本人致送聘書給三位出席的藝術顧問！(左起) 李先生、Regine、童教授 之後亦由本人頒發委任狀給理事會的副理事、及6大理事主管！(左起)：本人、公關部Chantelle、項目策劃部Bonnie、人力拓展部Kelly、副理事Amy、學術事務部Laney、副理事Hong、藝術設計部Vincent、總務部Chong 最後就是宣誓部分，宣誓完後，一齊來一張大合照！ 大合照完畢！正式開始吃中午飯啦！今次，我與cathy為大家準備的是 點心 + 特色菜餐！希望大家會喜歡啦~~ 首先來看看幹事會員席，大家好麼的開心，一同干杯！可惜我不是坐於你地那邊！(為什麼不叫我一齊干杯呢？)朝氣勃勃呢！我們的幹事們！ 大家都餓了！開餐吧！ 再來看看主家席吧！我們比較沉實一些，相中的我，真的不知在講什麼呢？ 又不知在什麼情況下給vincent偷拍了我笑到見牙不見眼的醜相！我估計我們應該在說III級笑話吧！ 吃東西時間，個個努力吃，拚命食呀！ 又不知在什麼時間給Vincent拍了本輯相最醜的一張，好像猩猩呀~~Oh My God！不過那些帶子燒賣真的很美味！ 午讌於下午三時結束！有些幹事會員之後有空，大家就相約一齊去澳門蛋打保齡球啦！我亦非常變態，狀態不錯呀！連入三次全中，分數急升呀！ 看看那個2號，就是我啦！1個補中之後，連續3個全中呀！ 最後因後繼不力(其實給他們恐嚇及耍賤，令我節節失誤！)不過都好，有145分！ 文：阿乃相：Vincent、阿乃

上星期二(2006年7月18日)應畢sir的詢問，本人接下了一件義務工作！ 工作性質：1.7月17日帶領其探路人員共2日，先行澳門需要到訪的地方及照顧所需2.於7月18日帶領共40人的一團 (他們是香港專業教育學院的講師、教授及院長們)3.沿路講解澳門歷史、地名來由、景點介紹，以及解答各位對澳門的問題4.安排到訪時間及行程變動安排 對我來說，其實都非常容易，所以就應承了畢sir這次任務！7月17日駕車接了先頭部隊，去了必到的地方之後就與畢sir會合食個lunch，之後車他們回酒店，去了要去的景點，食個下午茶，就去接他們的一位院長回酒店並食晚餐，最後帶他們與畢sir夜遊一圈澳門之後就完成了首日工作。 7月18日一早就到酒店接他們3人去碼頭會合IVE的其餘37人，他們全部都是大學講師、教授，以及院長，所以初時我都有d怯ga~~要我帶一班大學教師播~~ 早上集合之後，帶他們先到澳門中西創新學院(我所讀的大學)，出來迎接並舉行一個小講座就是副院長霍教授，他是港澳史專家，亦為各位到訪者做了一個澳門歷史的入門，好讓我之後我帶隊節省不少功夫。之後就到畢sir進行演講，完成後就出發到澳門博物館參觀。 參觀完就步行到新馬路的新帆船餐廳食午飯，下園就是食飯既時候畢sir送禮時間，我此時有空閒，所以就拍了幾幅相啦~~haha~~我地總共book了新帆船的一大區域，43位~~真係厲害，場面都幾墟撼ga！ 午飯後我就帶他們行一行文化之路其中一段，就是崗頂劇院、聖奧斯定堂、聖若瑟修院、聖老楞座堂、何東圖書館、澳督府，之後就上返旅遊巴，坐坐冷氣巴咁去遊覽澳門西灣湖、觀光塔、西灣大橋、"乙水"仔的路"乙水"城、澳門蛋、澳門國際機場、遠眺媽祖像。 之後就行友誼大橋返澳門，去了漁人碼頭停留10幾分鐘，就去了藝術博物館參觀啦！我有三位同事出來幫手作講解，我非常多謝他們~~令我可以有空休息30分鐘左右，我可以好放心交低畀他們，5:45已經完結了~~我們坐返旅遊巴就車一行40人回碼頭啦~~ 到了碼頭，有一部分人下了車，準備返回香港。不過都要同大家講句唔好意思，因為時間緊迫，所以沒有買手信的時間給你們！另外仲有一部分人留在車上，因為他們有些book左係澳門的陶陶居晚餐。有些想去路環的法蘭度餐廳晚飯，有些想去官也街買手信同食水蟹粥呀！ 而我就係碼頭呢站同各位say goodbye啦！因為我的私家車泊在碼頭，所以我在碼頭送一部分人入閘之後，我的工作就完結啦！jar車回家sleep~~因為好累了！ 編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2006-05-27昨晚食錯野，攪到個肚唔舒服，完全冇sleep過咁滯~~勁黑仔！一早起左身，個肚仍然唔妥，但係今日有mid-term，所以唔可以唔返啦~~結果頂硬上，mid-term梗係唔多好啦！之前真係頂唔順啦~~肚痛越來越勁，咁就立即返屋企拎藥食，以及去排毒(嚴格來說是肚疴啦！) 本來要2:30到會場，到我去到會場已經係3:00啦！(我承諾我真係儘趕ga啦，但泊唔到車，在此多謝amy佢地早d去打點一下。) 今天整個下午都在會場做佈展(佈置展覽及move in工作)，為了明天的備忘戰爭澳門站而做的。做了好多好多野，亦多謝哂所有有份參與的會員、幹事幫忙，冇你們，我地幾個絕對不能成事呀！亦多謝外出買材料的同事帶來的下午茶，讓我可以有野落肚(因為冇食午飯呀！) 排相、度相、量高、掛相、裝裱、攝影、擔擔檯檯等~~大家同心協力幫手，好快就做了個初型出來，最後連d back drop、banner、intro都攪掂哂，明天要準備的東西已經不多了！太好啦！ 對於一個身體不適的我，撐到做哂d野已經好厲害，因為有幾次想嘔，不過最後都冇事。 明天下午3點正式開幕，希望唔好有咩特別事發生，一切平平安安完成開幕啦！因為預計明天有好多傳媒，亦有政府高官、香港藝人嘉賓、各大社團人士、會員及顧問等，都希望可以留一個好印象給他們！ 其實我現在好累咁打呢篇野，就黎sleep著啦~~唔同大家講住，我要沖涼訓覺，明天早起。仲要攪埋d手尾呀~~ 連結：開幕當日 P.S. 金黃色衫的人正是本人~~編：阿乃攝：Nicole 本 著作 係採用 創用 CC 姓名標示-非商業性-禁止改作 3.0 授權條款授權.

今天主要是為學會於星期日合辦的 『備忘：戰爭--剛果民主共和國』巡迴圖片展 澳門站，開設一個傳媒招待會，為無國界醫生在澳作推廣，及展覽作一個宣傳！ 當然在開展覽及記者會之前，有好多前期工作及行政工務要做啦！有時仲係好趕，又或者同一時間有好多野堆過來，少d精力都唔得！ 今晚的澳視新聞，明天的各大澳門報章，應該都會有報導！各位可以睇到！ 由於今次係由本會(澳門藝術事務學會)的陳會長作本會代表，所以出鏡及發言梗係交比佢啦！本人只作參謀、導賞與分享會預約、以及負責其他行政相關工作！(不過可能鏡頭都會掃過我一秒咁多ge！) 各位澳門人可以多多支持下我地啦！屆時到場參觀~~開幕當日有梁漢文任嘉賓。如參與分享會或公眾導賞可於本會網頁取得資訊及報名！希望到時見到你地啦！而香港的朋友，其實較早前這個展覽已有香港展出過了，澳門係第四站，之後個展覽仲會去澳洲、歐洲等地，它們亦都有網址ga！ 未來這兩星期，都會同大家分享一下做展覽策展人的工作ga！記住多d棒場啦！如果有興趣加入我會(澳門藝術事務學會)為會員，我們都無任歡迎ga，www.maai.org.mo ！好，我唔賣廣告啦~~唔想比人打呀！hehe~~ 詳情： 『備忘：戰爭--剛果民主共和國』巡迴圖片展澳門站 編：阿乃 (2006-05) 本 著作 係採用 創用 CC 姓名標示-非商業性-禁止改作 3.0 授權條款授權.

籌備及工作了二個多月，展覽終於開幕啦！ 5月28日  上午十時半下著超密的暴雨，亦掛著雷暴警告。這時我已整裝待發，準備出門去！一出門，簡直係滂沱大雨啦~~我上車前已經係鞋、襪、褲、袋及雙手都濕透，只有上身及頭冇事。原先計劃大家一起吃中午飯，但因為太大雨，各人致電不來了！(只剩下我與另一位同事......唉)也沒辦法，因為原先約好，就算冇人來我都要去，費事萬一有同事來那怎辦呢？ 中午十二時我跟同事食完午飯，雨已停得差不多，準備行去會場做準備啦！經過大會堂門口，看見已經有人排緊隊買"達文西密碼"的票，但COUNTER未開，真係幾恐佈，就比個電話另一位同事，叫佢幫手排隊買票！到了會場，香港無國界的同事已經到齊做準備，我們澳門藝術事務學會的同事亦陸續隨我們之後到場，進行最後的佈展工作。 下午一時大部分同事已經到齊哂，就開始做briefing，同大家講一講會場的展覽及各項資料，而我就去跟其他野，及做其他的準備工作！ 下午二時各位進行小組準備及分配工作，大家亦可以小休10多分鐘，即將準備開始工作！ 下午二時半開始有人不斷湧入，傳媒、兩會會員、嘉賓、公眾及其他人士都進入會場，令到會場即時熱血沸騰，最高峰的入場率是一小時多達200人次進場，單是開幕日已有500多人次。 下午三時正展覽正式開幕，我已經將手頭中好多工作交予其他同事負責，除了招待來賓及貴賓之外，當日我仲要接受 / 給予紀念品給無國界醫生香港辦事處主席。大家工作人員及傳媒的閃光燈一直閃爍不停，尤其是藝人嘉賓梁漢文上台講野既時候，簡直係前面一片白光~~haha~~明星即係明星，謀殺memory card的指數達至10級。 下午三時半開幕式完成了，我們只有10分鐘將開幕式的區域立即轉換成分享會會場，又set projector、又set40張櫈，仲有投射幕、檯、mic等，趕到死死下，又碰上好多技術問題，真煩人。不過好彩，全部於10分鐘內完成，終於鬆一口氣。 可以休閒片刻，去酒會果邊食少少野，同d同事影下相，來n個合照(我已經比人封做攝石王啦，有相影就狂攝，haha)，等分享會的時候才有機會同到來的Friends & 熟人合個照。 跟住梁漢文就準備走人，那我地呢d梗係第一時間入去休息室同佢影個相留念啦！haha~~ 下午四點九分享會完了，同事幫忙收拾會場，而我們就在前台部分執野同整理d宣傳品及場刊，又幫會場的環境及佈局拍一攝相留紀錄。大家正式可以慢慢relax，因為隨著分享會的結束，忙碌的工作得以舒緩，而大家亦慢慢做其他野，又傾下計，講下笑。會場仍有不少的公眾索取資料、觀賞展覽等，我們同事亦落力為其提供服務及引導！(因為本會的重任就是對公眾的服務及行政工作) 下午五點半  至  下午七點半有些有要事做的本會同事，以及無國界的同事都處理好工作並離去，我們數位留守至是日close door為止，期間大家再整理前台，加插展覽留言訊息功能、休息坐位等，待展覽close才離去！ (上圖：本人獨照~~haha~~Photo by Chantelle) 雖然下雨，但亦有好多朋友到場參觀，非常感謝他們的到來，在此各位來賓說一聲謝謝！你們的到來是我們工作辛勞的鼓勵！在此亦多謝無國界醫生給予本會一個機會主辦那麼大型及世界性的寫實相片展，這麼有意義的活動應該在澳門加大宣傳，讓更多人知道外面的世界，不一樣的天空！ 最後亦謝謝本會的各位會員同事、幹事、朋友的幫忙，有你們，展覽才精彩！及後至6月5日，大家繼續努力啦！ 連結：5月27日 佈展。今天 編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.

06年1月15日(星期日)   晴本人當日需要當藝術團的領隊，帶20多人一起由澳門出發到香港參觀 "伙炭藝術村開放日"。 當天7:30am就起床了，梳洗一返，帶備身份證、往港證、船票、錢、八達通、心愛的電話以及其他所需物資，8:00am就駕車出門了，還不忘去OK買返隻熱狗同飲品上船開餐。到達碼頭就是約定集合時間8:30am，已見有多位團友在等待中，就快快過去進行點名工作，看看有誰未到，需要通知誰人呢？哈哈！8:45am就齊人入閘了！ (在船過了一小時......) 到香港已經10:00am啦，又要再點名點齊人數，畢sir有野講，講完之後行程就正式開始了，我的工作亦正式展開了。我們一行人到上環地鐵站搭地鐵到九龍塘站，很多人沒有八達通，所以要買飛啦！之後大家就要開始快步起來(畢sir話齋，在澳門是休閒速度，到了香港就會立即進化為港人速度啦~~~恐怖呢！)由上環-->中環(轉紅線)-->旺角(轉綠線)-->九龍塘，之後到巴士站等80M去火炭。 到達火炭已經是11:45am，下巴士時有關組織人已經等緊我地啦~之後立即去左佢地個studio先啦！(下圖)    (之後去了吃午飯，飯後繼續行程。) 飯後已經2:00pm，我們就向華聯工業大廈出發，這工業大廈不得不提，因為它是本次開放日之中，最多藝術工作室的一幢工業大廈，有13個藝術工作室開放，今次我地去5個。首先A座6樓21室的 "LOFT21"，本人一到就被那件大大的裝置及牆上特別的畫作(下圖)所吸引，作者係盧玉燕小姐，展覽的題目是虛幻，作者說創新來自道家思想提倡的清靜無為，簡樸人生。作者嘗試在畫中把道字用作一個符號，帶出它在社會上多元的象徵，同時借它反映傳統與現代對立的文化和價值觀及其產生的矛盾。   之後就去了同一幢的15樓，這裡有3個藝術工作室開放喲！  (待續)文：阿乃 本 著作 係採用 創用 CC 姓名標示-非商業性-禁止改作 3.0 授權條款授權.

07年10月29日這是很特別的一天，因為我今天幫澳門明愛做一天舞台工作人員！一早6點多就起床，駕車找另一位同事之後就趕去工作地點，工作地點是位於台山的 "澳門明愛何黎婉華庇道劇院"，今天的任務是需要擔任全日的 "舞台燈光控制師"，好開心，因為自從06年9月開始不再擔任戲劇導師之後，也沒有機會再接觸舞台的工作， 但今天的不是戲劇、音樂、舞蹈等節目，而是MGM(澳門即將開幕的新賭場酒店)的迎新會！而且是早上一場，下午一場，共2場！(程序兩場一樣的！)我們8點到埗先食早餐，之後就工作，我先試一試所有燈光的控制桿，因為今天用的燈光技巧沒有太特別，普普通通的世界光、HOUSE LIGHT、FACE LIGHT、SIDE LIGHT之外，並沒有特別要求，尚算輕鬆的工作！而另一位同事就只需在後台的SM DESK看MONITIOR，MGM有什麼所需，她就用WALKIE TALKIE跟我說就行啦~~非常輕鬆！第一場是由9點至中午1點，第二場由2點至5點多，其實我覺得MGM都只是花人家時間而已，因為根本不需要那麼久！他們是怎樣迎新的呢？就是先播一段片，老闆及企業介紹，老闆講話，儀容要求，福利解說，發問及工作安排。這些東西需要用接近4小時，好恐佈的慢呀~~而第一場與第二場之間只有1小時不夠，我們又要趕回來STANDBY，只有40分鍾去食飯，我們真的是極速吃呀！但我們只走開了30分鐘左右，MGM的人員已經覺得不行，說他們準備時，沒有太多燈及沒有CYC投影，我只想說，我們整個上午，連去個TOLIET都沒有，現在去吃個飯都只用20多分鐘，你想怎樣呢？我們不是機器，我們也需要休息，我們也不是你的員工，因為你們租了場，所以我們才提供服務，但我們亦需要休息的，下午一回去，就已經聽到有人說服務不佳！聽下去是不滿意我們去吃飯，因為你們需要於1點至2點做準備，但你的員工之前已經吃了中飯，亦休息了！(但我們並沒有~~出去吃個飯20多分鐘並不過份~~)最後於5點半的時候才完成整天的工作！當然我亦拍了照給大家看看我工作的模樣及環境！大家看看吧！今天工作的崗位！(燈光控制室)工作準備時拍下的，正在試運行及檢查有沒有問題！工作即將開時拍下的，因為已經關燈，所以要用閃光燈！工作時的調光盤及電子儀器！需要操作的燈光控制盤！MGM的迎新會一覽，我在控制室拍下舞台及座位的環境！很多員工入場需要登記！文：阿乃攝：阿乃

(上圖：演藝學院門口大合照) (Louis攝~) 其實我係2006年的10月15日又帶了一班澳門的朋友去香港進行參觀活動呀！不過早排比較忙，未能及時post出來囉！等到而家先post出來~~不好意思啦！ 講返先，其實今次又係本會(澳門藝術事務學會)所舉辦的 香港舞台設計之旅，一行共15人，本會幹事成員佔一半，另一半就是朋友、對舞台設計有興趣的澳門人，而隨團的有本會顧問畢子融教授，亦有香港的舞台技術及設計人員協會的主席李瑩小姐隨團導賞。 當然仲有本人啦！今次都係做領隊一職，亦有學會的Amy、雯雯兩位幫手。 一行15人 10:45am到達香港演藝學院，進行參觀活動~~一到門口就有演藝學院的人員接待我地啦！佢叫Louis呀~~係我地參觀演藝學院既導賞！之後係門口草草影了張合照就入內參觀，因為時間太緊迫啦！ 一進去就係學院的大堂位置，(下圖)Louis為大家介紹學院的學系及概況。 之後大伙兒步上樓梯，進入樓層內，相中的是學生們的Locker，而紅色的門就是戲劇系的同學上課的課堂啦！ 呢條路既每一間課堂都係有集團or人士贊助的，所以每間都有個銀色牌寫住。(好似d節目咁，xxxx集團特約 xx室) 跟住就去到一個大平台，有一幅不平凡的牆呀！叫演藝星河，如果用心睇，你會找到好多好多明星及名人的名字在上面呀！ 大家都係度搵緊呀！haha~~ 係演藝星河隔離有一幅玻璃幕牆，覺得好靚就影低左佢！ 以下落黎，有好多都係經過特准才准許拍攝，其他人入到舞台都唔可以影相ga！大家請記住！亦據Louis講，我地都係第一隊人可以入去一d其他參觀團從未入過既地方！都係經過特准ga！ 呢個冇記錯就係大劇院啦！有隔火帳ga！相信讀戲劇、舞台既一定會知啦！唔駛我多解釋！相中的是人，不是鬼影，大家都唔駛驚！ 呢個係大劇院內的樓座燈bar位~ 一轉眼我地就去左Black box啦，呢d係專做實驗劇為主的劇場仔，可以因應不同話劇，隨意調動位置ga！ Black box台上的四方燈bar位，係咪有d似演唱會feel呢！ 又來一張合照，由於比較黑，請見諒！(Louis影ga) 呢度就係Black box既燈光控制室！ 再一轉眼就來了歌劇院啦~~"新傾城之戀" 呢d都係o係呢度做ga！ 呢度就係歌劇院舞台範圍的SM desk，由李瑩小姐為大家解說中~~ 呢個係歌劇院的棚頂，上面有人做緊野ga！ 放置於旁邊的燈具~~ 之後又到了另一個劇院的後台準備室參觀！(Louis就係最左畀我cut左一半身果個人) 呢度係入去製作工場的內走廊通道，我地係第一隊可以進入的參觀團呀！ 這是工場的塗漆材料區！ 這就是製作工場啦！現在係度整緊一d畫同一個台板呀！ 拿~~呢張清晰d，見到成個Louis啦！(相中間，棕黃色系服飾，笑笑口果個男仔)係工場為大家介紹緊！ 呢張係Louis爬上一張梯度，幫我地影返落黎，全體大合照！(Louis~~唔該哂！你都辛苦啦！小心d，唔好跌落黎呀！) 呢度就係出路啦！如果唔係跟住Louis，我諗我地一定走唔出呢個迷宮囉！ 出口呀！呢幅牆就非常正，立即影低左佢！好快地就完成了香港演藝學院的參觀活動，用了約40分鐘，非常的趕，走馬看花，Louis都趕得好辛苦！在此借呢度再多謝一次Louis為我地導賞整個演藝學院，讓大家對香港演藝學院有個認識，亦讓大家知道，我地澳門的演藝場地及有關學院是相當的渺小呀！由於Louis唔會跟我地一齊過去尖沙咀睇舞台設計展，所以在門口就交換左卡片，留上聯絡方式，再一次多謝Louis，希望Louis下次來澳門，我地再帶佢遊下澳門啦！ (待續：Part2 舞台設計展) 編/攝：阿乃攝：Louis 本 著作 係採用 創用 CC 姓名標示-非商業性-禁止改作 3.0 授權條款授權.

上回講到我地好快咁參觀完香港演藝學院，我地就要由演藝學院走去灣仔碼頭，搭渡海小輪去尖沙咀文化中心呀！ 你睇下我地有幾趕！(我地呢幾個團友已經係飛快咁落船ga啦！) 我地上哂船，船就起板出發啦！ 你睇下我地既會員幾happy~~好似未搭過船咁呀！haha 跟住好快咁就到了尖沙咀啦！我地影返個鐘樓先啦！代表性丫嘛~~haha呢個係文化中心外的一個雕塑呀！又係留影時間，我地參觀香港舞台設計展時留影！ 看看，好多香港舞台技術及設計人員協會的會員都來為我們導賞，以及與我地食個午餐啦！仲有舞台技術課的miss都有來呀！非常多謝你地呀！ 呢位就係為我地擔任導賞的袁玉英小姐，佢係專程來為我地進行講解ga！多謝哂！香港既舞台朋友，應該都認識袁玉英小姐啦！(近期我睇既十二怒漢都係袁玉英小姐做服裝指導ga！)而且亦有多套她所設計的服飾有展出呀！ 大家看不看到呢衫既設計呀！馬賽克格仔，遠看其實是一個人面的畫像來的！之後就到另一位香港舞台技術及設計人員協會的會員為大家講解舞台設計的部分！大家都好用心聽呀！佢亦會係澳門明愛黎緊既舞台設計課程的導師！ 下幾張圖都係舞台設計展的部分舞台模型作品！最後我地參觀完，就全部團友，再加上香港專程趕來的朋友一同食午餐，大家在席上都問了好多問題，傾了很多的問題，讓大家都有交流的機會啦！是次活動於下午2點半完滿結束！ 至於下午2點過後，我地梗係去shopping啦~~而且我地約左香港果3隻嘩鬼呀！ 編/攝：阿乃 本 著作 係採用 創用 CC 姓名標示-非商業性-禁止改作 3.0 授權條款授權.