fbpx
26.9 C
Macao
星期五, 29 3 月, 2024

《06’真夏東京》(35) – 東京迪士尼海洋 Part IV 阿拉伯海岸

0
從驚險的失落河三角洲出來,直接行去中東風情的阿拉伯海岸,這裡以小朋友機場遊戲為主,那我們只2個arm大朋友玩的項目,先來看看第一個《辛巴達七海航行》。 這就是門口啦! 這個辛巴航行呢,就好似小小世界咁囉!不過就換哂所有都係中東人囉!呢d係o係航行期間影ga! 睇完之後,我地就出返來,入左一間shop涼空氣,因為當時係正午,熱到顛呀!而阿拉伯海岸,大家會聯想到邊d迪士尼卡通人物呢? 沒錯!你地arm啦!除左辛巴之外,當然仲有阿拉丁、茉莉公主、國主同燈神啦!so~~呢間shop就係以阿拉丁人物為主,當然勁多燈神啦!仲記唔記得佢有幾多個爆笑造型呢?呢度都有齊哂! 嘆完冷氣之後,大家都頂唔順,開始脫衣!而且係呢個烈日當空影返夠本先,因為呢度好多靚景!好似有阿拉伯式雕花拱門~~ 阿拉丁國宮門~~ 又有好多燈神怪造型~~ 又有阿拉伯堡壘~~(好似準備緊一陣個show,話哂都係第一次開show,係要緊張d~~) 呢個就係我地睇《3D神燈劇場》既入口,我地去左get fast pass,之後仲有30分鐘先on time,咁咪等下囉!Lucky~~ 又熱又肚餓,get左fast pass,咁arm見過附近有個車仔檔,買雪糕批,咁我梗係買來食啦! 頂一頂肚都好呀!你看看個雪糕批,係Tiramisu味ga~~Yeah~~500yen,係樂園黎講,都算平ga啦!而且都好大個ga! 食完之後,都未夠鐘,咁就繼續影相先!今次同茉莉公主影相,隔離企左枝 "火柴人" 咪就係我囉! 我一定比茉莉公主瘦啦!鋼條人咁~~ 之後我又走去攪人地個廚房! 影完相,我地就入去排隊啦! 都有唔少人排隊ga!由於係fast pass,我地快好多囉! 入得啦~~入得啦!(呢個係富士攝影贊助技術的,所以有佢個logo係度,而家日本d樂園好興ga,一可以減低成本,又可有合作關係,互惠互利,一個不錯的idea) 我地同服務員講唔懂日文,需要導賞器,咁佢就安排左我地六個同一對外國情侶坐係d靚位度,前面冇人阻住ga!之後每人派一個導賞器! 由於係一個環境劇場,有好多野都係立體及影像,我地只需要看一看導賞器,就知佢講緊乜!雖然係用英文,但d字好淺,好易明ga咋! 睇左10分鐘左右就完啦!之後我地又出來影相!並且行入阿拉伯皇宮門,過橋去美人魚礁湖呀!呢張相係咪令你覺得我真係去左中東呢? 我地影相圖中,我見到飛機飛過,所以咪影左佢囉!嘩!你看看,皇宮門的左右都有燈神呀!呢個係王子造型! 呢個係茉莉公主造型~~佢既拐女人幾時都係咁嚇人,成隻山東婆咁~~ 同場附送各區旗幟整合:呢個係阿拉伯海岸的旗幟,用上阿拉伯的吊燈配華麗軍旗的造型,特顯氣派呀! 呢個係聒與區之間的過渡橋位置,以米奇頭基本型的旗幟燈柱,成個sea淨係得呢個位先有,因為呢度係唔屬於任何一區,所以只用上迪士尼海洋簡約裝飾。(待續:東京迪士尼海洋 Part V)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權  

《06’真夏東京》(10) – 拉麵博物館 Part2 [DAY2 午餐]

0
上回講到我地都好肚餓,需要用餐啦!咁我地就係博物館內揀左一間九洲博多拉麵的食店!大家看看下圖,係咪好熟識呢?冇錯,又係自動販賣機,只要入錢出TICKET 畀老闆就得ga啦~~ 這是店內的環境呀!都幾唔錯ga~~光光猛猛,而且剛剛好有人走,有張六人檯畀我地~~haha~~ 呢度係吧檯範圍,食過壽司的人應該唔會陌生咁樣既格局ga啦! 而這店的老闆好nice咁出來話比我地聽每款拉面的特色,因為完全都係日文字,我都只係識一半,另外有d都唔明,要老闆解話。 其實我地大家都睇中左佢個叉燒拉麵,但有價格之分,之後又有3個片假片拼音唔識睇,跟住我就問老闆有咩唔同,佢話個3個拼音原來係 "雲吞" 的意思!之後我地6個人,有5個都叫呢個 "雲吞叉燒拉麵" (900yen),淨返果位人兄就叫 "叉燒拉麵" (1000yen)。 這是"雲吞叉燒拉麵" (900yen = mop$59) 這是 "叉燒拉麵" (1000yen = mop$67),因為佢有好多叉燒,所以貴100yen~~ 呢間店個拉麵真係好好食,而且d拉麵絕對唔係港澳果d,佢彈牙好多,而且湯味濃郁,叉燒亦非常好味,好"林",而地方尚算寬敞舒適啦~~不錯不錯,可以畀佢 9分。 其實係我地d麵未黎之前,快快就take一兩張photo先啦!呢隻相好明顯係N小姐男友--C先生jar機啦~~而且拍下我比K小姐襲擊,我地擋住佢~~hehe~ 這張係老闆幫我地影既,六個人的大合照。(我有個friends成日話呢d叫合體照,笑死人!都唔知點合體,應該係集體照、大合照arm d,果位朋友要注意唔好再錯啦!) 食左野,我地充夠電啦~~係時候要上返去地面果層既 "日清展覽館" 度整杯面啦~~ (待續)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

激安第一炮 平住酒店

0
第一激安: 自助遊日本不能不知的住宿好康!日本有一間叫toyoko inn,於全日本都有分店,形式似holiday inn咁,以本地商務客為主,遊客唔係好知。佢最大特點就係平,而且大多近地鐵站,客房非常清潔且地方大,大堂有24小時免費上網及打機印供大家使用,有100yen打3分鐘的國際長途電話,有免費早餐,價錢單人房要400港元左右。上網訂房(不用付任何款項及visa),到酒店才付款,對我們又有保障。不過就要2個月前訂,否則通常都客滿。網頁有中文、英文、日文三語。  http://www.toyoko-inn.com 亦有其他的日本商務旅館,如superhotel等。另外亦有民宿可以供各位選擇,價目比上述的商務酒店都平,但距離大部分都較遠!很多都是台灣人在日本開設的,所以可以用國語溝通,如網上很多討論區都有提到的池袋之家,我有friends去過都話不錯呀!文:阿乃

《05′ Expo 名古屋『愛‧地球博』紀行》- 十一回:全球展區3

0
草草咁又左幾個館,門口影影相,stamp埋d chop就快快離開全球展區3啦!不過真係好多人,你地睇上一回d相都知啦!人滿為患,一些西洋大國跟本排都排唔到tim呀! 跟住就來到全球展區3,這裡有的是西歐、中歐及愛琴海的國家,包括了:希臘、意大利、克羅地亞、西班牙、土耳其、突尼西亞、波斯尼亞、保加尼亞、法國、德國、摩洛哥、約旦、利比亞。 這個區我就真係要讚,地區空間最少,但好多館都好有特色,例如我最喜愛的希臘館,本blog的background都係用希臘館內影的一張相呀!館內設計得好科幻,而且講好多生態、地球的東西,燈光、擺設都非常之美觀,也有潺潺流水,真是非常美麗的一個館。 另一個我要讚的就是意大利館,雖然要排成15分鐘先入到去,空間比希臘館大一倍,一進入的感覺與希臘館相似,但內裡以河流及小橋作設計風格,行於強化玻璃橋上,下面就是水藍清澈的流水,好好的感覺,而且內裡亦設有舒適設計的坐椅,燈光運用得宜。走到盡頭有間房仔,寫明不准攝影,究竟是乜東東呢?原來係一個意大利出名的雕塑-----"大衛像" 的複製品。另外走廊上亦有好多繪畫的新角度及劃時代作品,令人重新審視這個藝術之國。  再來就是摩洛哥,摩洛哥內裡設計成一個皇宮大廳的感覺,真係好華麗,而且非常名貴的水晶燈,帶有中東品味的擺設及吊飾,牆身大部分用金漆塗裝,盡顯貴派!而且仲有華麗燈具、擺設售賣,真的不錯呀! 另外仲有一個唔知乜國家的館就更巴閉,點巴閉法?佢樓高3層,2樓係可以容納人係一個都幾黑既人造泳池度游水,但要登記先可以,我就係搭lift係3樓的架空橋行過往下望先見到有個外國肥佬係度游水,後來回到1樓先知,原來佢係約旦,以死海為saling point,人係果個泳池度會浮ga!而且1樓就有好多死海護膚產品賣囉! 其他果d就冇乜特別,但遺憾的是法德聯合館、西班牙館都因為太多人而入唔到去,其他的都入哂啦!(下圖西班牙館) 其他的館: (待續)還有其他相在相簿內,查看攝影詳情也請到相簿。 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《06’真夏東京》(33) – 東京迪士尼海洋(五週年首日) Part II 地中海港灣

0
終於買完票,正式進入Disney Sea既入口啦!由於係五週年慶典首日,所有入場人士獲得紀念品一份!yeah~~ 一入到場,先有一個大大廣場,廣場有一個大噴水池,水池中間有一個大地球,haha(唔好誤會我去左大阪既環球影城呀!)不過就真係好似好似環球影城果個地球囉!只係冇左個名之嘛! 五週年就係水池邊加左一d靚靚雕塑做裝飾囉! 呢個就係迪士尼果個站呀!上一篇講過ga啦! close up個大地球比大家睇! 影完相,大家就準備正式進入迪士尼海洋囉!(你睇下!都唔少人ga~~) 呢個就係正式進入迪士尼海洋第一個區的入口啦! 入左去影返出黎!好古典的感覺,冇記錯既話係屬維多利亞式的宮廷建築風格!呢一區係入迪士尼海洋必經的首區,叫地中海港灣,(就好似迪士尼樂園果邊既美國大街咁!一定會經過~) 看看周圍的風格估唔估到係邊度既建築特色呢? 再close up比你地睇睇,估唔估到? 估唔到呀?咁我開估啦!係南歐風格的民房建築,主要以高聳、窗長,一棟棟緊貼於一起,給人壓迫的感覺呀!(代表地有:意大利的那不勒斯海灣),之後再配以意大利各處的休閒騎樓及cafe的地下層,好特別!果然係地下海港灣,取材非常貼近呀! 之後繼續企係入口處附近影相,點解?因為仲有唔夠10分鐘就會上影5週年先有既第一個show---里多島歡聚與笑顏,歷時25分鐘ga!所以個個都不急於玩game,企哂係度等!(仲有每日只係得10:00am一場 咋!) 呢個對地中海港灣面向的火山,晚上做show時會噴火ga!(絕對比澳門漁人碼頭果個勁~~) 呢d就係海灣邊的破爛之屋,好有特別,勁似古羅馬時代的遺址囉!haha~~ 呢幅就係我地霸到既海邊位影相! 再來一張zoom埋去影個火山同里多島~ 我地霸到靚位睇show呀~~個show正正十點就開始啦!隻船都係5週年~~上面企哂大部分迪士尼既經典人物(之後你唔會再見ga啦!因為佢地要返去迪士尼樂園果邊,此終海洋呢邊唔係佢地既地頭,老鼠邊識遊水ga?都係畀返小魚仙、海底奇兵、高飛、唐老鴨佢地jar fit啦) 嘩~~你睇下距離我幾近~~我影得好清楚呀!仲見到松鼠仔、唐老鴨女朋友(唔知係咪已經係老婆呢?)haha~~ 之後仲落頭同大家打招呼tim~~不過唔好意思!我冇理到佢地就立即飛奔去搭船入失落河三角洲,因為要玩2個game,同11點睇第二個show,haha~~我set得好密ga,如果唔係睇唔哂! 行過去碼頭的途中...... 呢度係行去搭船既途中有一座好天文台feel既可建築~~係郵局來的! 又一幅藝術性好高既相~~10分~~ 呢隻就係我地將要搭的跨區渡輪啦! 其實係迪士尼海洋,除左度度都係5週年既logo之外,亦花左好多心思係d週邊配件果度ga!最吸引我既就係旗幟呀!因為每一個區域都有配合該區唔同特色的旗幟,而且顏色、形狀、花紋都完全唔同ga!大家看看以下的一部分先啦! 入口廣場的旗幟!(以星星燈 配 棗紅色長方形旗) 地中海港灣的旗幟!(以綠色圓筒形+金色旗仔,古典式街燈)(待續:東京迪士尼海洋(五週年首日) Part III)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

《06’真夏東京》(23) – 東京都巡禮之時尚銀座

0
係上野行完,好快咁就黎左銀座! 好例牌咁都要係和光鐘塔呢個銀座地標度影返幅相先得ga! 呢間就係地鐵站出口的鳩居堂啦!好似係好出名ga~~不過唔記得左係點啦! 嘩~~日本國的麒麟啤,不斷咁賣緊廣告呀! 影左一陣相,阿K小姐、N小姐同C先生就畀間Adidas Orginal Shop吸引住入左去,行左近半小時呀!之後我就要過去隔離果間Uniqlo度買野,因為我知道呢間係最大最齊同最多新貨既東京Uniqlo店呀~~我一直都話要去掃衫,咁我又點會錯失呢? 我係裡面買左好多衫同褲,近20000yen左右呀!用左4個字,冇錯因為時間緊迫,只有4個字時間,我都已經兩大袋出返來,應該係一睇arm,價錢OK就立即拎起比錢啦!而S小姐、K小姐都有一齊入去買野,都有斬獲呀! 之後又影下d名店先!早前係新暫影左幾間,現在我影埋PRADA、GUCCI! 之後阿K小姐話要幫人買Fancl,咁我地就入左呢間樓高8層的Fancl啦!佢地都有買野出來啦~~ 跟住出到來已經成6點啦~~天都開始黑,而且有少少微雨tim~~不過我都冇理,照影銀座的Shiseido店門面囉! 之後就要入去Burberry,因為阿K小姐上次係台場冇買,要來呢間買,我又要幫個friends買一個佢指定既手袋囉!最後我好快就買左,而阿S小姐同L小姐都忍唔住名牌的誘惑,失手買左個袋!d職員好叻咁幫我地包裝、入袋,仲加多一個透明膠袋笠住防雨水,真係果然係名店,服務係唔同d! 買完都已經為7點3左右啦~~L小姐一定要去地鐵站附近既不二家買糖、餅做手信!而我就因為太肚餓,就係不二家買左一個班戟千層蛋糕食,頂住個肚先!就在那時,昨晚台場返到池袋已經係8點,N小姐去唔到Sanrio,今天N小姐無論如何都要去,所以就一直咁催我地走!(但我地成日都話日日住池袋,你幾時去都得,而且我地plan左最後一日去呀!)但佢就一定要去左先,所以我地個個都係度趕!我承認我當時係嬲ga~~因為我未試過係街度冇哂儀態咁以9秒既速度食完一件蛋糕,仲要係有忌廉既,食都成嘴都係cream,仲要面壁食(唔想比人見到我咁狼狽,因為地鐵唔比食野!),最後真係呢咁hea囉! 之後返到上野駅,N小姐同C先生一拎返d野,我地就叫佢行先,唔駛等我地!我地就慢慢咁先返池袋!因為大家都拎得太多野!梗係要慢慢行啦~~而Sanrio,佢地都明白最後一day都會去,唔急既~~ (待續:瘋狂後遺症)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

2004關西東之旅 (4)—關西奈良及環球影城

0
DAY 3   2004‧8‧17  (關西)大阪--> 奈良 (文化遺產) -->大阪環球影城 -->大阪 同第二天一樣,一早起身吃個大飽的歐日式早餐,之後整裝出發啦!今日早上要去奈良睇文化遺產同探下D鹿仔(我中學時去過,記得好多鹿周圍走ga~)所以又要搭JR去奈良,車程約1小時15分。大家亦不忘睡覺,而我又係唔sleep,欣賞下車廂外由繁囂都市建築,慢慢變成傳統日式獨立屋,好像穿越時空似的,我覺得好有趣!不知不覺就到了奈良駅。 循例又係先去觀光案內所,一進去他們就很欣切地招待我們,亦細心地為我們解釋,而且有服務員又識國語,那我們就用國語溝通囉!仲建議我地可以book佢做導遊,帶我地遊奈良2小時,但我們權衡過時間,所以婉拒了,因為我地要3點左右回到大阪並進入環球影城,所以只想在奈良行一行,感受下古城的悠閒而已。 10點半左右就正式開始奈良之旅,當天的天氣不太好,早上有微雨,到奈良時就密雲,攪到我地都不知幾擔心,因為今天全露天活動呀!一出觀光案內所就去文化遺產---奈良公園及興福寺周邊景觀建築參觀,一到門口就已經見到好多鹿,唔知點解d鹿一直對的個friends好有興趣,唔知個friends身上是否有食物,所以一直走埋去,haha~~擾攘一返才可以入去,由門口到公園一直都好多地雷,大家都小心奕奕,以防中招。 欣賞了日本的文化遺產建築---奈良古建築群,它有著古代日本的濃厚風情及人民科技結晶,也擁有著中國唐宋時期的建築韻味,突然有一感覺,為什麼日本保有那麼多中國的傳統(包括茶藝、花藝、建築、博奕棋藝、建築、騎射、武術御劍、文字、民間工藝)?而反觀現今我國有多少能傳存至今,又看看日本將其發揚光大,轉化成自身大和文化,亦成為了聞名於世的日本劍道、日本茶道、日本柔道、日式建築、日式亭院、盤景藝術、日本包裝......那有什麼人提到中國呢?那些不是中國的嗎? 好容易就明白,日本是"捉到鹿懂取角",計仔又多,在資源貧乏的國境,只能精益求精,創新求變,豎立大和民族成為一個強國,用科技及國產以經濟手段進軍全世界,他們於戰後的努力,他們成功了!現在有邊一個家中沒有日本的產品,電飯煲都總會是日立啦! 言歸正傳,建築真的很中國,而且還有藏傳佛教的完素在內,所以非常可觀的一個文化遺產(所以本澳被列入文化遺產,真的是很有價值才能成功呀,各位來澳一定要去睇下啦,了解埋背後的歷史,這樣才是參觀一個文化遺產的態度)。等到大家都參觀完公園及寺廟之後,在市內逛一下,又影下相買下手信之後就準備回大阪,向環球影城出發了。 到了環球影城,買了票入場,而天色又更差了,還下著微雨,不過並沒有因而掃興,入場內玩了不少遊戲,唯獨每個都要排成個鐘頭。 一直到了晚上7點左右,我地正排緊一個史力加4D電影(下圖) 時,突然來了一場大雨,最好笑的是我們以為頭頂的帳篷可擋雨,原來它是一個紗網,所以看似密封,原來......結果所有人都走避,有雨傘的人急忙好傘擋雨,好彩我地6個人有3把雨傘,所以不用離開,還可以排前一點。 正當我們終於可以入場了,工作人員就說因為暴雨及狂雷的關係,驚雷電打中建築物為由,現在開放給你們只為了避雨而已,史力加個4D電影不會開始,直至雷暴結束為止,當然在場人士包括我地真係全身濕透啦! 最後就去了紀念品店,又拍下照,食個吃晚飯就係10點左右離開了universal studio啦!(當然最後都冇睇到果個4D電影啦!有d遺憾囉!) (下一期:第5篇 關西東過渡)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《05′ Expo 名古屋『愛‧地球博』紀行》- 十三回:決戰傍晚

0
於7:00左右終於行完全球展區2啦!亦即是說我的 "地球博之行" 進入尾聲了,總結一下我兩天於萬博會場內的行蹤先:day 1  - 6個人氣企業館、全球展區1day 2  - 1個人氣企業館、全球展區6,5,4,3,2沒有時間去的是:瀨戶會場、森林體驗區、中心展區、娛樂文化區 如果我有3天逗留係會場的話就可以去得哂,不過去左會場的7成區域,我已經好開心ga啦!黃昏時拍了一張美美的圖,就給大家看看啦! 之後所有的在場人士目標都好一致,就係衝擊會場內各出入口的2間 "公式紀念品館" ,入內買野及付款要排一條好長的隊,而且商店裡面人滿為患,要死迫先可以迫到去d商品面前呀! 係咪人多得好離譜呢?又一次證明日本人係一個耐力高且好鍾意排隊的民族!不過因為商店內有好多 "會場限定" 貨品,就以北口的2間的貨品最為齊全!而且貨源不斷補給呀!大家可以看看下列的11幅小圖,這只是一部分的喲!還有好多貨物種類,但因為太多人所以都冇影到!而下面11幅都係從其他網借來用的! 買完哂野都已經成8:45分,我又要趕9:10分的車,所以又迫迫咁跑返去東口搭巴士返名古屋市啦!咁我當然又係買左好多好多野,其中有好多都係手信~~我見到好多friends而家仲用緊呀,包括自己。例如d手機繩、pass套、folder夾、筆、杯......太多了,不能筆錄呀!實行上車sleep,返到去放低野先食野都影下名古屋的夜景!唔講大家唔知,其實名古屋不像大阪、東京咁熱鬧,名古屋只得幾條大街係旺ga咋,而且人流唔係好多,最好就係名古屋駅正門對面的幾條街囉! (待續:名古屋夜景) 編/攝:阿乃ps.公式紀念品館內11幅有關食物及貨品是從多個網頁或官方網頁借圖而來! 本 著作 係採用 創用 CC 姓名標示-非商業性-禁止改作 3.0 授權條款授權.

《05′ Expo 名古屋『愛‧地球博』紀行》- 第三回:晨光的名古屋市

0
上回講左DAY1,今回就講我DAY2的名古屋之旅啦! 我第二日5點幾就起身,快快出門口就去車站排隊啦!雖然首班車係6:30先開,但駐酒店的『愛‧地球博』服務員強烈我一定要晨早出門,如果唔係你絕對排唔到D企業館呀! 咁我當然聽佢的指引啦!5:15已經出門,準備好早餐及水於排隊既時候食!當我一出酒店,我被街道上的各式各樣街頭雕塑所吸引!其實我所在酒店的街道叫 "廣小路通",係名古屋市係一條大街來的!當然我二話不說由酒店開始,一直影到去車站啦~~ 這是廣小路通的巴士大站! 廣小路通的舊款電話亭,但內裡絕對不舊呀! 廣小路通 的 街頭雕塑之一 (我改的名:躊躇的危坐)廣小路通 的 街頭雕塑之二  (我改的名:城市之腦) 廣小路通 的 街頭雕塑之三  (我改的名:UFO) 途中所見的宣傳牌~~ 廣小路通旁邊的海洋塗漆大廈外牆 街頭雜亂路標~~ 廣小路通經過的一條小河,晚上河邊有好多車仔檔,以及有駐唱居酒屋仔ga! 廣小路過橋前的大環境~~都幾靚ga! 這間是西洋式的建築,係 "加滕商會株式會社"。 咁樣影下影下,行下行下就到車站,時間已經係5:35分,都好多人啦!想繼續知?請看下回分解啦~~ (待續:衝入萬博會場實況報導)可到相簿查看拍攝詳情資料 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

《06’真夏東京》(41) – 東京迪士尼海洋 Part X 『 BraviSEAmo! 』(含Video)

0
去完哂整個迪士尼所有區域,都已經係6點半左右了!咁我地就好快咁返去神秘島買返果個大肉包做晚餐先啦!準備霸位睇show啦!因為呢個show係全個迪士尼海洋最勁最好睇既show,每晚準時演出ga!唔講咁多,先去相,後去片! 呢個係我地霸到既view (正面近海面第二層,算好唔錯ga啦!)不過可惜有好多燈阻住前面視野囉! 已經入夜的海邊啦!個show準備要開始啦!而且我地已經食完個包,準備等睇show啦!大家看看呢一幅,已經係個show既中段啦!呢個係尾聲的和諧啦!呢個係完場時停係度比人影下相既時間! 睇左少少相,大家想唔想睇下個show呢?眾人:想呀!好似唔夠熱烈播!大家想唔想睇下個show呀?眾人:好想呀!(被阿乃迫住要扮大聲)各位,非常好!我而家就去片,你地留意看啦!(由於我拍的影片太大,不能放出來,只能放同行朋友所拍的分段式影片!) 『 BraviSEAmo! 』開始:火山之爆發http://us.i1.yimg.com/cosmos.bcst.yahoo.com/player/media/swf/FLVVideoSolo.swf 『 BraviSEAmo! 』中段:水火鬥法http://us.i1.yimg.com/cosmos.bcst.yahoo.com/player/media/swf/FLVVideoSolo.swf 『 BraviSEAmo! 』高潮:大廝殺http://us.i1.yimg.com/cosmos.bcst.yahoo.com/player/media/swf/FLVVideoSolo.swf 『 BraviSEAmo! 』尾段:大團圓http://us.i1.yimg.com/cosmos.bcst.yahoo.com/player/media/swf/FLVVideoSolo.swf(比大家睇哂成個show啦!大家滿唔滿意呢?)(眾:我想睇埋煙花呀!) 睇完哂個show,之後其實仲有一個海洋煙花表演,但因為天氣不佳而被迫取消了!咁我地當然有少少失望,但大家都多左時間去d shop度買紀念品呢!下一篇就係迪士尼最後一篇啦~~寫到呢度,行程已經來到第6天尾聲!遊記剩下第7天就完畢,我要繼續努力寫完呢個遊記,咁大家就可以睇到最新既韓國遊記同新加坡遊記啦! (待續:東京迪士尼海洋(五週年首日) Part XI)詳盡相片資料及其他沒貼文的相片於 內。編/攝:阿乃影片:C先生 本 著作 係採用 創用 CC 姓名標示-非商業性-禁止改作 3.0 授權條款授權.

《06’真夏東京》(32) – 東京迪士尼海洋(五週年首日) Part I 入園篇

0
haha~~終於黎到第六天東京之旅啦!明晚就要回澳門啦!真係有d唔捨得呀~~不過值得開心既係,我地專登plan係今日先去迪士尼海洋係有目的ga! 點解?上一篇我已經有透露過,就係2006‧7‧14係迪士尼海洋5週年慶典既第一日,所以勁多show,而且係出發之前,我已經plan左一個玩盡全sea既計劃,睇5個show,玩哂所有機動遊戲tim~~ 唔講咁多野~~去片! 首先,我地一早就從池袋出發,搭山手線去品川再轉車搭舞濱線去到舞濱站下車(東京迪士尼、東京迪士尼海洋、迪士尼渡假中心的所在)。 出閘後就發覺好似去左另一個世界咁!完全都東京都個feel唔同,有d童話,有d歐陸feel咁!(但其實睇d旅遊雜誌,香港果個抄日本呢個,差唔多一模一樣呀!)說時遲那時快,就會一架迪士尼專鐵行過,我地立即影影影~~~ 呢度就係JR舞濱站出口,需要步行3分鐘過對面的Disney resort line~~ 對面的Disney resort line呀! 呢個就係迪士尼線既入口 又有一架列車經過啦!今次係黃色呀~~ 入左去迪士尼線的車站,影左幾張隨意拍! 係車站已經裝飾左好多好多5週年既相關野啦~~(大家記住,只係sea果邊有慶典,land果邊完全冇任何慶典ga!)下圖係車站有慶典限定的迪士尼手繩,有儲值功能ga!呢度就係車站的自動車票售票處,已經佈置左5週年既banner,真係做得好一絲不苟呀! 你看看~~勁多人囉!雖然係首日,都唔好咁好日本人黎先得ga!你地慢慢黎啦~~咁近~~留返d位比我地d外國人好播! 呢d係紀念車票,有好多唔同既款~~ 入閘口~ 入左閘呢,兩旁都係好多好靚既壁畫,亦有好多新加的5週年雕塑公仔! 呢個就係迪士尼線既站圖! 又一幅壁畫! 大家謀殺菲林最多的地方就係呢度!米奇佢地以車長的服飾示人呀!我等左好耐先等到冇人走埋去影相!(得2秒鐘左右咋!) 呢個列車的安全門,佢地係半身高的,唔係香港果d成幅玻璃牆咁! 列車內部~~係咪激似香港果架呢? 終於來到第三個站 Disney sea站啦! 有過有得意既銅雕,梗係要同佢影返將相先啦! 呢度就係SEA既入口及賣飛處! 他們已經唔等我,一支箭咁標去買飛啦!(咁我鍾意影相丫嘛!大家等等我啦~~) 睇下D飛,有3個款ga!完全已經轉哂5週年做background啦~~(待續:東京迪士尼海洋(五週年首日) Part II)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

2004關西東之旅 (12)—最終回:池袋大暴走,喪買到上機!

0
DAY 9   2004‧8‧23 (關東)池袋 --> 成田 -->香港 終於來到2004的日本旅程最終回啦!今天係旅程的最後一天,其實只有半天,因為要坐6點的班機(ANA的NH911)返屋企啦! 昨晚大家都可以訓得好好,因為行程已完結,今天上午四小時就是讓大家瘋狂掃貨既時間,而且我地亦可以罕有地成9點半先起身,WHY?因為大部分的店舖都係10點或10點半開門,咁早起身都冇用呀! 9點半一起身,快快梳洗及執拾行李,PACK好哂D野,就落去食早餐!唔記得同大家講tim,我住的那些Toyoko Inn係有免費早餐(飯糰、面鼓湯、茶、咖啡)提供,而且又有100yen三分鐘的國際展途電話,更有兩部寬頻電腦置於大堂供免費使用,我就係日日都用佢來check天氣,找一些不足的資料,查最新情況及check mail,同sent sms比d friends及家人的好工具。都只不過係600蚊就可以住度一夜豪華雙人房,有偏廳、玄關、地方超大,仲有按摩浴缸tim~~而我地當中有一個係電腦人,佢咁厲害到install左個icq、msn係度玩,又install左中文輸入法,你真係吹佢唔漲呀!霸住部電腦~~真係有點兒讓日本人又覺得我地d黃種人不守規舉呀! 講返今日先,10點半大家出發決戰這個幾天都冇認真行過既池袋啦!有2位朋友因要買公仔就約埋去Sanrio;而我地trip既另1位團長就先去買電器再來Muji會合我地;咁我就約左2位女士一同出發去Muji,這間位於池袋地鐵站東口Parco地下的Muji,樓高三層,我地一入去就由頂開始掃,(其實日本的Muji有一大部分貨品係平過香港好多,大約係4折左右,尤其係佢d衫呀!)所以我買左幾件T-shirt,一對價值70蚊既鞋,仲有好多"淋審"野,之後又買左d文具,仲有買左一包24枝價值7蚊港幣的水筆(太平啦~~7蚊有24枝,變態ga~~),埋單就只不過係400蚊左右,抵! 之後我地就去左Toyku Hands,我一到就直去返昨日未睇既地方,而且仲買左一個細背包,這個背包係勁好用,分左好多個隔,而且善用力學原理,用盡背包所有空間,更厲害的是佢可以收埋我新買既兩對鞋同多件t-shirt等,而且仲有d mp3、相機......雖然係好貴成500蚊一個30cm左右長的小背包。(其後回到澳門就一直比d friends話我似小學生去旅行,背一個勁細書包仔!)而且我仲買左一d,攪到個個friends都驚既 " 號碼牙膏",當年好hit,好多雜誌都有賣,有32種口味,當中仲包括:咖喱味、可樂味、胡椒味等騎呢口味,有d friends仲講到而家,話我送d酒店牙膏比佢,其實真係要用錢買,有好多人以號碼買成生日日子來送比人,但我就進行了一個殘酷方法,就係抽禮物,如果抽中了咖喱味or屎味就非常不好彩啦~~嚇到個個都半死~~haha~~又買了好多得意小玩意,電話繩等送比人既! 剩下1小時半就集合,我地又去了一間和式精品店睇野,有位朋友已經要向我同另一團長借錢啦,因為佢已經買到冇哂錢,咁我地度過都認為應該唔會再大洗錢,之後就借比佢囉!(注意:係9出26歸呀,絕對係池袋的新勢力呀!haha講笑) 最後就去左Bic Camera買野,借錢度日的friends買左一部相機tim~~不過就真係好平,只不過係千幾港紙,仲有積分卡,佢仲急不及待係度試機tim!時間一秒一秒地迫近,在日本的時間已經不多了,已經要集合了!話咁快9日既自助遊旅程就要過去,返到去又要開始返工返學啦! 跟住我地揀左最平的方法由池袋返機場,就係京成特急快線1920yen,不過就難為了3位朋友,因為佢地買得最瘋狂!雖然只係一喼,但就成4,5個袋,連我隨行的斜狽袋、手提零食hand bag佢地幾個都借左去用,而我只係一行李、一手提袋及那個勁細背包,haha~~於下午1時半由酒店整裝後出發,到了機場都已經成4點左右,跟住有人要寄信,有人要退稅,而我當然就係負責check in、寄行李啦! 入到禁區,我走左去d商店就逛逛,睇下有冇野arm,結果我買左套和服比阿媽,當然都買左男裝和服比自己啦!之後去左小食鋪度買左呢幾日都有飲的日本獨家coca-cola C2,佢個味我好鍾意,因為氣夠、味唔甜,而且亦買了好多日本限定及夏季限定的零食~~haha~~ 可惜當時blog並沒有出現,所以冇影相呀!如果唔係就好似隔離台(雞絲汀娜果個台灣行)咁,引到你們流哂口水就唔好啦!我冇口水堅派ga! ---2004關西東之旅全部完結--- 編:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《05′ Expo 名古屋『愛‧地球博』紀行》- 第七回:企業館Part 3 + 企業館夜景

0
Day 3 (即第二日入萬博會場) 同樣地好早起身,好早咁搭車,亦好早咁排係東門,準備又跑到企業館區玩埋最後的一個筍館---"三井‧東芝館",我一開門就直接衝入去排隊,只需20分鐘就可以玩啦! 東芝館玩的是動感影院,但戲中的人物就是在場的觀眾 (我被分派做工程人員~~haha~~),入到去首先要到一間房影相,因為要拎你個樣植入去套動畫既人物入面,之後就要等10分鐘,等動畫準備之後,就可以入去睇下自己怎樣啦!呢個game很不錯呀!以10分鐘極速就可以將一些人的肖像完全植入戲內,咀型夾埋對白,非常厲害!之後出到黎見到等候的人龍好誇張,等待牌又出現那個可怕的等待時間-----240-360分鐘 (高峰係480分鐘) 企業館10個鋪,已經玩了8個,剩下電力館及大展覽車是小朋友野,太普通,所以唔玩了! 附送企業館區的夜景: 待續:全球展館2,3,4,5,6(觀看詳細攝影資料請到相簿) 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《06’真夏東京》(02) – 迷濛與晨曦

0
2006年7月9日是本次2006真夏東京之旅的出發日,因為之前還有好多野做,而且係早上係香港飛,所以要搭凌晨船去香港,而我們亦發現船公司原來唔係24小時運作ga,因為係凌晨4:00-6:00期間係冇船來往港澳ga! 那我們當然係要搭4:00am,唔想攪到咁趕丫嘛!於是大部分人都冇sleep呀!有d就睇電視等夠鐘,有d就sleep啦!而我就係上網上到夠鐘!各人於3:00am就互相morning call提大家起身,之後約定3:30am到碼頭集合。 我3:30am到達碼頭,結果我係尾二,仲有一個未到,咁我就去get張往港紙先啦!而我發現原來4:00am呢班船係好多人搭同非常之爆ga!好在我地有人一早12:30 am係葡京攪掂左d船票,如果唔係就慘啦! 匯報一下各人的行李狀況先(咁之後大家就可以對比一下返黎時候既恐佈情況):阿乃     -   一個 中型行李箱(裝住一個細既)  + 小背包S小姐  -  同我一樣 + 腰包K小姐  -  一個 PLAYBOY細行李箱 + 一細袋L小姐  -  一個細行李箱 + 一側袋N小姐+C先生  -  兩個中型行李箱 + 一細型行李箱 + 大背包 好啦~~終於到了香港碼頭啦!而我選擇了行大橋過去香港機鐵站,不過真係好彩揀呢個方法,如果唔係就睇唔到晨曦啦!看看下2圖,準備天光 5:20am 的信德港澳碼頭呀! 影完相就去左機鐵香港站,換返d機鐵ticket就上車啦!差不多到香港機場的時候見到好美好美的晨曦,我就快快用相機拍下數張,因為那個顏色真係唔係時時見到囉!下2圖呀!大家話係咪好靚呢? 之後6點幾就到機場,check in左先啦,事關因為好肚餓想快d攪掂就食早餐!我地今次選搭Jal的航班,航班編號係JL730,9:20am起飛囉!呢幅係好有feel的晨光初現呀!香港機場之美! so,攪掂哂d野都已經係7點多了,我地咪快快咁落去樓下食早餐,我選了我最愛的super sandwish,看看下圖啦!佢地都係我今次的同行者,仲有一個影唔到,事關佢係我隔離,而我就係影相者,所以我地兩個都冇入到鏡haha~~ 吃完早餐咪買左少少野,之後就入禁區啦~~係禁區仲有大把時間影下相~~ 但當天天氣其實唔係好好,好多雲,但仲未落雨,不過我諗都快ga啦~~最慘就係台灣果邊有個颱風,所以預計班機會好震好拋ga!你看看天氣差成咁~~ 好啦~~我地影駛相未準備登機囉!今次係45號閘,而且坐既係舊塗裝機!都算啦~~準備上機啦~~唔講住,下篇見! (待續)編/攝:阿乃 本 著作 係採用 創用...

2004關西東之旅 (7)—關東‧箱根深度行Part 2

0
DAY 5   2004‧8‧19  (關東)箱根 (雕刻之森、大涌谷、蘆之湖、元箱根......) --> 東京-池袋 續上回的箱根深度行!雕刻之森參觀完後,我地就到車站準備轉乘登山纜車1號上大涌谷啦!為什麼叫纜車1號?因為呢隻纜車好似上香港太平山頂紅色果隻大大部,又斜又有樓梯比人行果隻囉。而且之後仲有2號同3號都係唔同ga! 上圖:毛毛細雨大涌谷纜車站外下圖:風吹開雲霧及細雨後的清晰景象,與上一張只有5秒左右的時間差,可見風之強勁 因為今天遊客都好多,日本、歐美、香港及我地澳門人都有,好迫人呀~~等了10分鐘才進入纜車,都只有站著。看著纜車一路上山,成日都驚佢咁多人會唔會跌返落下ga~~其實就唔駛驚,因為日本人好著重安全,纜車1號到了終點站,大家都下車,而係纜車站內有紀念品及雪糕賣,但我地都忍手,原因係驚唔夠時間,之後快步轉搭纜車2號(好似本澳的松山纜車or香港昂坪洲那種銀色新穎纜車,最多載6人。),搭2號纜車時有一位朋友表現出驚慌的樣子,原來佢好驚搭呢d,因為佢驚唔安全,而且我地仲係纜車內換位呀!影相呀!攪到搖下搖下,而且下面就是熱硫磺,就算唔跌死都會蒸熟同臭死,再者因為天氣不好,烏雲密佈且有雨粉,所以佢就更驚! 其實我地都有少少驚,因為驚大雨及大風,纜車停駛我地d遊客就pk啦!當然最後安全到達大涌谷,不過一出車站就大風到死死下,話哂都係高山,d風呼呼聲,有d日本人仲企唔穩tim。我地見到咁,當然二話不說,快快沖入去大涌谷影相、觀光,以及食了它最出名的《黑玉子》,它是溫泉蛋,因為有硫磺,所以蛋殼被弄成黑色。相傳食了一個黑玉子可延壽10年,兩個就20年,但如果吃了三個或以上就減壽20年。其實都係話比大家聽《小食多滋味,多食壞肚皮》,以及唔好貪心而已。下圖為工人取回黑玉子情況。 在排隊買黑玉子時撞見之前在纜車1號上我們讓坐給他們的一對老夫婦,他又給了名片我們,大家又一齊拍照留念,回澳後我們照地址寄返相比佢地,當然佢地都一樣啦! 拍照後買了少少手信,原本諗住搭纜車3號(好似海洋公園最舊款果d成個鳥籠,好危險果d feel) 直接下山去蘆之湖,本身我係咁樣安排ga,但因為天氣差、風太大的關係只好原路回程,回到之前有雪糕賣的纜車站食左雪糕之後就搭返纜車1號下山,之後轉乘較費時的巴士(唯一可行辦法)到蘆之湖。下圖為蘆之湖,直望應可見到富士山,左邊為停泊之參觀船,可惜天氣差唔開。 到達蘆之湖後當然亦感受到強風,而且因下微雨關係,看不到遠處的富士山,留下少少遺憾啦!當然我們又影下相先啦! 之後步行去到元箱根,元箱根是以前出入江戶的必經關口呀,亦有好多古時的遺址,又有一個關於當時事蹟的博物館,所以駐足時間比較耐。 下列的各圖都是元箱根的資料圖、風景及博物館內拍下的。 最後回到蘆之湖車站手信店買了好多食得的手信,如溫泉饅頭、溫泉餅、豆沙餅、草餅、日式和菓子等等,因為呢度既售價好平,比出面平20%,可能因為比較遠的關係,但都買到箱根的手信,haha~~ 之後就搭返巴士回去電車站返酒店取回行李,準備出返去大城市啦,開始我地既東京玩樂啦!我地下榻的酒店位於東京池袋,池袋駅北口東橫INN,於網上預訂的,非常經濟,長年爆滿的商務酒店,真係用一個正字來形容。因為用4百多元一晚的價錢,有一間套房,包括按摩浴缸及客廳、雙人大床兩張,絕對正到死啦! 由於又係搭最後一班車回東京,所以到池袋時已經6點多,check in完出返黎已經成8點,晚餐食左日式漢堡扒餐,係池袋60階通內一間地下室餐廳。之後行一陣就回酒店,因為好多shop都開始close door呀! (下一回:東京觀光行)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (8)—關東‧觀光東京

0
DAY 6   2004‧8‧20  (關東)池袋 --> 淺草雷門 --> 上野 --> 銀座 --> 澀谷 --> 原宿 --> 新宿 --> 池袋 上一回剛從箱根回到東京,今天才是正式的東京觀光行第一天,不過大家都說:『阿乃,你是否plan得太多行程呀!一日行唔行得哂ga?』但事實證明係行得哂ga! 一早8:30出發,先到淺草,雖然我已經黎過2次,但因為有4位未黎過,所以就帶大家一齊去啦!再者咁早就未有鋪頭開啦!係咪?到了淺草,大家一定會諗到指定觀光點,對!沒有錯~~就是淺草寺、雷門大燈籠、大草鞋,以及手信街,最後就是淺草的落語傳統技藝劇場。 因為時間緊迫,所以大家都快步行走,一到淺草寺,已經見到好多旅行團各據一方霸地盤,我地去度已經人山人海,只不過是9:00左右,D鴨仔真係好勤力呀!到寺院門口,我們個個都去左求籤,而日本人有個好得意既習俗,就係求完籤自己去取籤紙,睇完之後默默禱告,之後將籤紙打結繫在附近的祈福架上。當然求籤要自動自覺畀錢呀~~(日本人是很自律的,而我們也不可以影衰我地港澳人,對不對!) (大合照) 之後大家觀光一返,拍下照,之後就到寺院前的仲世見通逛一逛,不過d野都幾貴,想買都買唔落手啦!最後係雷門燈籠留影,這個是必做動作啦,還叫一個日本婆婆幫我地手tim,佢好好人立即答應了! (個人獨照) 完了淺草雷門的行程,我地好快落返地鐵,向平價天堂集中地的上野進發,到了上野尋找廣小路出口,一出車站,我們見到一間七層高的玩具店,它叫YAMASHIROYA,是較大型的玩具百貨,不論食玩、扭蛋、公仔、模型、電子玩物至主題玩具都有,真係男女都ARM行既toy shop呀!我們逗留左成個幾2個鐘,因為太大啦,所以要搵返佢地都好難! 終於買到一袋二袋離開YAMASHIROYA,轉入橫街走入『阿美橫町』,就是我所說的平價天堂,在此個個大有斬獲,女士們竟然在一間鞋店內狂殺價,最後她們每人買入一對日本布鞋,以港幣$12.5一對的價錢,而我亦以港幣$60的價錢買入一對gen皮男裝布鞋,之後仲有8折優惠卷送返比我地,真係成為佳話,我真係講到而家呀!之後之去了二木の菓子掃零食及手信。最後去了位於街內的一間壽司放題,一個價錢吃得飽飽,只不過是1070 yen。(但各位到日本要注意,叫的東西一定要食哂,唔可以剩下,否則要支付雙倍費用呀!) 雖然只在上野逗留了4小時多,但我們已經買了數十袋戰利品啦!不得不回酒店卸下行裝。 回酒店卸裝後,我地前往銀座的中央通逛一逛,以及在和光鐘塔前留影。其實銀座因為高樓大廈太多,所以街道沒有什麼陽光可言。之後到了澀谷,一出車站就感受到擠迫,人太多了,而且那些縱橫交錯的斑馬線,我仲特登爬高影低d人流,真係幾恐佈ga~~ 上圖:銀座中央通的和光鐘塔;下圖:銀座中央通 行了數間商場,買了TACO燒食,之後就去原宿啦!原宿的竹下通,我們訂好只停留1小時左右,大家就立即去買自己想要買的東西,女士們一到此又有大斬獲啦!又衫又袋,但我地呢d男士就真係冇野arm買,why?賣男裝的鋪頭都係以滑板裝那些潮服為主,我又點會arm呢?之後我就去左全日本連鎖規模最大的藥妝店幫d姨媽姑姐搵藥膏,以及睇下d gel及洗面用品。跟住見仲有d時間咪去左吃班戟才回集合地點,等齊人就出發去最後一站新宿啦! 上圖:澀谷地標109;下圖:澀谷車站內的斑馬線 到達新宿已經是晚上7點左右,我們去行下d商場,因為有好多都準備關門了,所以草草一逛就算。之後就去了思出之橫丁找食,但好像沒有大家的心水,最後大家都係決定買松屋ga,因為有人已經餓到死死下,所以都冇點樣繼續去搵,食返我地最熟識的飯店吧! 上圖:新宿街道 食完飯就去了新宿的歌舞伎町見識下,當我們一入去,見到好多黑人,我們初時以為是遊客,但原來佢地係"扯皮條"(原來日本都有輸入外勞,不過佢地d工作都幾特別播!),他們個個拎住一個牌係度叫賣。而且我地見人流好多,就想出返去,因為都幾恐怖啦~~正當這時,我們其中一位朋友(除了我之外,他是另一位帶guide),就比一位黑人扯皮條行埋黎摸佢個胸,而口中以英文講:"你應該有興趣,有需要吧!"。而我個friends就撥開那個黑人的手,快步向前行,當時我就係佢隔離,所以睇哂成件事的經過。(這件事都算係旅程中一段難忘經歷!) 最後我地以最快的步速離開歌舞伎町,並在一丁目的牌下拍照後,就回池袋啦!(其實新宿的歌舞伎野一丁目比較雜,切忌單獨進入,內有"泥捧",又有扯皮條,又有鴨店,所以男女進入都唔多安全,所以要一大班人行事,我地係門口影相都好驚,驚有人行埋黎偷野,亦都唔敢搵人幫忙影相,唯有我自己影啦!) ---------------------------------------------------------------------------------------(橙色字有hyperlink,可以連結到之前所說過的地方)日語教室:泥捧 - 小偷TACO燒 - 章魚丸---------------------------------------------------------------------------------------編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《05′ Expo 名古屋『愛‧地球博』紀行》- 第五回:企業展覽館Part 1

0
上回講到我好似短跑選手咁樣,其實一D都唔誇張,因為未去之前,在網上搜文時,好多已去玩既玩家給出來的結論是不論一日定兩日都冇可能玩得哂企業展覽區的十間館,原因係這裡雲集左最新的科技所製作成的遊戲及Show,所以勁多人排隊玩(又一次見識到他們的排隊功力。)上圖就係果條路既其中一截! 我一跑到企業館展區範圍,就立即排埋去日立企業館的Fast pass隊,取時間快證。(唔咁樣做的話係絕對冇可能玩到!)最後取得1點左右的票,就要快快離開,晏d先返來玩!現在就去排其他的館玩,因為每次只可get一次fast pass呀! 之後來到山水夢境及煤氣館排隊直接入場,因為這裡排隊的時間比較小,只需30-45分鐘!相比起人氣第一的三井‧東芝館雖要排240-360分鐘,簡直係小兒科啦! 最先玩的是山水夢境內其中一個game,係睇一d科學實驗既,要帶上立體眼鏡看立體電影,之後又拿一枝零下5度冇結冰的水,一搖就變冰......不過呢個game一般,唔算好唔算差! 之後又排左煤氣館果個show,都係30分鐘左右,呢個比山水夢境那個好一點,講一個法師及火的魔法show,有d睇頭! 跟住就去get左山水夢境另一個Show既Fast pass,係12點就可以睇,就去左JR東海磁浮列車館睇野。裡面有2 part, 一部分係參觀車廂設計,另一部分係進館內了解超電導的運作及模型試行! 買過冰食下,休息一下,就到附近的OK便利店買中午飯食。 食完就夠鐘睇山水夢境的大show,這個show d特技、電腦效果同燈光都做得好好,但內容就冇乜睇頭,亦冇特別驚喜! 夠鐘睇日立企業館啦~~佢係人氣第三的館,主要係玩最新既hitachi科技,今次所有的入場卷都植入了一粒細於芝麻的晶片,用於記錄及其他有關資料,而且有好多game都要有這張門卷才能遊玩ga!入內首先就係每人派一部機,你只要在行走期間將部機靠近植入IC晶片粒,部機就可以顯示相關資料及訊息,好犀利ga!之後要還機,進入另一區坐一部車,在車上需要帶上特製眼鏡同手套,眼鏡係比你睇到立體互動的影像,而手套係比大家憑空接觸到虛擬的香蕉,用來餵monkey ga!仲有就係每個人可以揀一隻輔助員,同選擇語言。(我選擇了貓頭鷹,中文),之後我就通過佢既領航做哂一連串動作,當然包括飛3隻虛擬香蕉比d monkey食 (其實好難用文字告訴大家那個感覺,總之就係正啦!)出來既時候係2點鐘! 下圖是企展館展區一邊的景,包括了Hitachi、Toyota、Gas及山水夢境、三井‧東芝,五個館! 下回再講 day 2的後半日行程!想看攝影資料請進入相簿內查看~~編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《06’真夏東京》(46) – 踏上歸途2 [飛機上– 香港]

0
終於上機啦!真真正正咁暫別日本啦~~唔知幾時又會再來呢? 現在係航機飛左三分一既時候,我又來影相活動啦!haha~~今次的舊JAL機,全部換左新設施,所以經濟艙每人都有電視!YEAH~~ 看看,現在係鹿兒島上空啦!(唔會日本沉沒掛!睇過呢套既人都知戲中的總統就係鹿兒島上空.....) 你看看我地D座位!真係好唔錯GA!我去日本選搭飛機一D都唔市儈,通常選搭ANA、JAL,其次就係長榮、CX、澳航,絕對唔搭"危機"如華航、西北囉!貴就貴d,但安心丫嘛!而且我係一個安全意識好高既人,唔安全絕對no way~~一句到尾,怕死! 寧靜貴d安心d啦!(我可不想空中解體呢!) 呢個就係JAL既個人電視系統,有game玩,又可以填意見問卷調查,仲有好多功能tim! 呢兩款係JAL今轉既飛機餐呀!(味道其實都ok囉!但個飽就好凍囉!)不過唔知點解,我大大話話有成廿幾年左右既外遊經驗(對,大家冇聽錯,我歲半已經開始坐飛機),我最like就係長榮航空、ANA航空同新加坡航空d飛機餐!尤其愛長榮飛溫哥華的飛機餐,最記得早餐有稀飯中式早餐,亦有歐陸西式早餐,簡直滿足哂你所需!唔知大家覺得邊間航空公司d餐有特別印象呢? 在機上,想著想著,回到香港仲有搭船回澳,絕對係一後艱辛之舉!好多香港朋友可能唔知,但澳門的朋友一定會認同!就是有排辛苦,就算搭機鐵去香港站,再轉搭的士省了一段天橋路,最後都要捧行李上落碼頭囉!(但各位朋友記住,如果有行李,係可以係劃位時要求搭貨lift落,唔駛行樓梯ga!)都係因為香港上環碼頭衰,冇扶手電梯落船,難為了旅客的我們! 到達香港機場的一刻,大家排隊過關,阿L小姐引發了小插曲,事關佢嫌訪客海關慢 (原因係前面全部都係大陸人,咁慢囉!)所以佢用香港身分證過關,咁就比人"周"啦! 另外我係排隊其間係發現了前面的大陸人中,有位"表姐你好野" 咁既女士,用一個保鮮袋裝住成個飛機餐主菜,一直咁 "錠"住,我地同後面d香港人、日本人、外國人都見到囉!佢仲好得戚咁tim~~我地好多人當時的反應係笑,笑完之後,腦海彈出一句: "呢位小姐夠啦!你影衰哂d中國人呀!" (就係因為佢地d惡行,才令港澳,甚至外國人對中國人咁反感!)(我都現在都唔認我係中國人,相信好多人都係咁諗,一定會表明自己係澳門人 / 香港人......起碼係文明的象徵啦!放且我成日d人話我似日本人/韓國人,就算去到日本/韓國,連當地人就係咁當我自己人,咁我好無任歡迎ga!起碼可以行過方便丫嘛!) 前面的擾攘完一大輪,差不多2小時才過到關。我真係從未試過要咁耐囉!多謝前面班大陸乘客,以及機場的一條龍政策(因為唔可以自己揀排邊條line,只係排一條,到時職員再安排你!) get左行李,我又見返大家d恐佈行裝啦! 呢個就係我全部既行裝啦!相當少,但其實係好重,總數成45-50kg!(我都買左好多野,絕不比他們少,下一篇你地就知啦!) 呢幅係香港機場大家小休一會的情況!完全係水客feel囉!haha~~ 機場快線又比我地霸左一car車既行李櫃兩邊~~ 不過我相信大家都已經好似好累,由中午開始一直做緊搬運工!現在回想返,同大家去旅行係一件開心既事,有開心既,有亦唔開心,有意見分歧,亦有少少火,最後大家都係好開心咁去完,時間過得好快,現在又已經plan緊今年2007去一齊去北海道,但未諗好係 "自駕遊"、"火車遊"、定係跟團,因為最主要考慮的是市與市之間的交通問題,路程遠又貴! 大家唔好以為我個日本遊記完啦!其實有一d番外篇:戰利品、花絮、特式磚,石,柱三篇呀!本星期就可以趕工完成!之後就可以睇到大家好想睇既韓國秋葉啦! (待續:番外篇-戰利品)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  

向東京出發2006: 在日記事手稿

0
各位: 咁遲先update真係唔好意思,因為晚晚都好夜返來(有時成12點左右,但成3點先有得sleep),第二日好早起身(如7點、8點,最遲都係9點就要出去)。 今日我先有機會用酒店的免費上網電腦~~haha~~why?因為今日早返,明天要去迪士尼呀!如果之前有回應blog文的話,大家可以去check下啦~~我已經回覆左你地啦!再者,酒店部腦打唔到中文,所以我今日攪左好耐先打到中文呀!今天就等我一口氣將第一日至第四日的特別事簡單咁講比大家聽啦!不過相就欠奉,因為部腦冇得插card or usb.(返來先貼相比大家睇啦) Day 1  陰、雨其實冇乜特別,就是3:00am出去碼頭搭船過香港,之後搭機鐵去機場,而且我逛到生平第一次係香港睇日出,真係唔錯呀!之後就搭飛機囉!起飛時就下好大雨,而且雲層好厚,又要經過台灣海域上的颱風,所以成程就係咁拗到七彩,而我係好驚離心力既人,所以全程都好緊張!到了成田機場係delay左一個鐘了,又要趕去搭京成線,真係想死!去到池袋的酒店已經係晚上7點鐘,攪到8點左右先食飯,飯後行左一陣,去左夾下公仔,之後就回酒店! Day2   陰、晴第二日去左橫濱的山下公園、冰川丸同中華街,終於有返少少陽光啦!之後就去了新宿shopping,到夜晚先返池袋! Day3   晴、陰第三天到了台場,行了好多地方亦影下不少相片,(如:富士電視台、Venus Fort、Mega Web、Aqua City、Mediage、台場海濱公園......)傳聞話Venus Fort係女士的大商場,只有女裝,一入之下,原來有買男裝的店都好多,亦由於7月係Big sale大日子,佢的商店有好多有折,有d低至半價,我買了好多件衫呀!之後又去了Mega Web睇車,亦影了唔少相呀~~之後去了台場海濱果邊睇sony sinence Explorer參觀,又去左cocacola睇野,去圭其他之後就去了影rainbow bridge.之後就返左池袋啦! Day4  晴、陰、雨第四天一早就去了淺草睇神社,可惜有一部分裝修緊,之後就係仲世見通買左好多手信。跟住就去上野shopping,只用了短短4小時左右,6人總共買了超過40個大袋的東西,有的朋友仲要立即買個行李箱裝先行得到,你話誇唔誇張呀!(因為我帶佢地去既都係好平好正既購物點,絕對不是團去的名掠水貴價店,所以個個滿載而歸囉!)之後再去下一站銀座之前,需要係上野開4個大Locker先裝得哂D野,之後到銀座再Shop過!最後又要池袋,回酒店時6人總數係超過50袋野~~(遲d詳細請既時候你就知~~絕對係傳奇性的一日,挑戰哂人類既耐力、體力、臂力同腳骨力) Day 5 晴、陰、雨今天第一站去了原宿的明治神宮,求左平安符,亦影左好多相。之後係原宿的竹下通開始,一直掃落去表參道到南青山。(總共行了約5個半鐘啦)期間有一件事特別事,就係臨離開竹下通時,係一間鋪頭巧遇F4的Vanness呀!真人真係好大隻,一眼就已經望到係佢,佢身邊有2個助手跟住,而且佢應該係休息時間,見到佢,我d朋友梗係想同佢影相啦!專登係門口等佢,初時佢助手係門口等,之後佢聽到我地係度講,又係門口等,佢2位助手就入左去店內跟住佢,佢可能以為我地佢carzy fans掛,之後睇左好耐男裝衫就出來了,但最後佢助手唔比我地影,所以影唔到囉!傍晚大家去了六本木,天開始落雨,而且越落越大tim~~再者朋友經過昨日一Day的體力勞動,個個都變得容易發脾氣又唔想行,所以我冇勉強佢地,事關係我想去睇展覽同影下六本木d相,大家可以唔跟既~~佢地話好累,所以佢地一開始就坐係information門口,而我自己以探路為名就去了影左好多相,跟住先會合佢地先再上博物館同city view floor~~最後又回到池袋啦! 總結5日來,買左好多野又食左好多,但係有好多地方因為我地行得慢,睇得慢的關係,而刪除了一兩個地點冇去(東京皇苑、澀谷、秋葉原),其實我都去過,所以冇乜所謂~~hehe~~加上大家原來like shopping多過睇景,只有我一個like睇景同take photo,所以我都冇謂強人所難,cut咁一點行程,比多d時間大家買野囉! 好啦~~唔講住啦!明天要早起去迪士尼,所以現在要上房bath & sleep~~明天再傾! 編:阿乃(日本時間  2006‧7‧13   11:25pm)

《06’真夏東京》(36) – 東京迪士尼海洋 Part V 美人魚礁湖

0
從阿拉伯來到小魚仙、海底奇兵既駐紮地!一來到這區,佈置得好像海底世界feel ga!珊瑚、蚌、海螺......狀的建築,都幾唔錯!仲有就係呢度同其他區域最唔同的地方,就係全室內,一座building為主體,仲有一個室外過山車,就係咁多啦!唔講咁多,又係靚相時間~~ 佢地好想係呢個檔口買野食,買野飲ga!不過最後冇賣~~ 呢個就係N小姐、C先生去玩既小魚仙過山車! 就係佢地玩過山車的期間,我地就周圍行,周圍影囉!又來一張藝術相~~ 礁堡building!都幾特色ga! 呢個就係入口啦!仲有個服務員企係度搔癢tim~~ 我地梗係唔比佢有機會蛇王啦!haha~~我賤咁叫佢幫我地影幅合照!不過只有我地四個(從左):L小姐、我、K小姐、水貨女王S小姐另外兩位去左玩過山車丫嘛,所以唔見佢地囉! 之後大家會合左,入去礁堡內就已經有海神同佢既坐駕,海豚歡迎我地啦! 呢度係後面影返出去!(因為有d水泡不斷向上,幾靚ga!) 礁堡內,有好多d小朋友遊戲~~又係唔arm我地玩!d 咖啡杯、旋轉木馬咁囉! 不過裡面真係幾靚囉!幻彩配各種不同的燈飾! 阿龍蝦住果個礁石呀! 仲有好多八爪魚呀!龜呀既雕塑~~ 其實我地影完相之後,我地去左睇美人魚劇場ga!只不過冇影相之嘛!睇完野之後,我地係裡面食午飯ga!(下一篇介紹) 之後我地就去左美人魚既商店,係果度佢地都買左野!我都終於開齋買野啦!我其實一早睇中左隻毛巾,我每次去d樂園,都見d日本仔次次掛d毛巾係頸,又可以防曬傷頸,又可以抹汗!so我都買左一條囉!而L小姐晨早已經開始大買特買啦! 下圖係離開美人魚礁湖時的5週年雕塑! 又見到一d特色小攤檔,我地又玩盡間鋪,個個係度試d頭飾,我呢個梗係魔法師米奇啦!佢地都試唔少ga!我地試左,影下相,之後就走人,乜都冇買!haha~~買黎都冇用ga啦!對不對? 呢個係美人魚礁湖的旗幟!(加入左水的紋色,配以圓形的燈,蚌殼等裝飾!) (待續:東京迪士尼海洋(五週年首日) Part VI)詳盡相片資料及其他沒貼文的相片於 內。編/攝:阿乃

激安の第四炮:日本perpaid phone

0
不是煩惱在日本沒有電話用?3G太貴了嗎?借電話手續及租金都好麻煩?唔識用日本的入錢or入卡電話?大家不用擔心,其實有好多人都唔知日本的電話公司推出了一種叫Perpaid Phone,專for外國人用的。先講講有兩間公司才有此電話,一間係大家耳熟能詳的Vodafone,另一間叫Tuka。Vodafone的perpaid phone是全國通用,即是話在日本邊度都用得。Tuka的perpaid phone,北海道是不能使用的。(唔知而家得唔得!)當然仲有NTT DoCoMo,不果不常見。本人就推介買Vodafone的Perpaid Phone,原因是間間便利店都有佢既儲值卡買,而大部分的便利店更有佢既Perpaid phone買,建議買最平果隻叫"enjorno V102D",大概只需2百幾3百蚊就可以,另外再購perpaid card,有分3000yen、5000yen兩種(如去大目黑買會平好多)。另外大家亦可以在日本電器連鎖店SAKURAYA、Big Camera兩間都找到。(但一定要帶護照呀,人地要登記呀!不論係便利店還是電器鋪買)有英文介面及說明書都有英文,只需數個步驟就可以成功儲值。儲值後電話就可以使用啦!打返香港、澳門、台灣的通話費如下:平日8:00am-7:00pm 每分鐘 130 yen (即7蚊左右)星期六、日及假期,以及平日7:00pm後至翌日8:00am前  每分鐘 72 yen (即$4.5左右)相信這比任何跨域及流動電話的都平,比公眾電話亭稍貴少少。但公眾電話有好多人都唔識打。小貼士:1>> Perpaid Phone的電話Number是跟機的,買電話時已經在盒上印住,而且手機內都會載入no.唔駛驚唔記得啦!2>> 如一班人去日本自助遊的話,通常都會散開黎買野,有時搵唔駛你d鴨仔,買個手機用來通訊也不錯,又可打返香港澳門,又可在地通訊,更可帶回當手信(當手信就要買個有相機功能的啦,約700港元左右)3>> 充電器大部分都是110-220v,澳門香港都用得。(需在港澳不能打,但手機內的功能都可以用呀)4>> Prepaid phone是有期限的,儲值後有60日使用有效期,當你不斷充值使用有效期會繼續加比你。當過了使用有效期之後半年會保留你手機no,於這半年內不充值的話,電話就唔可以再打啦!5>> 如一年後先再去或更長時間再訪日本,最好的辦法就是借給朋友,教佢點用,那電話就可以繼續使用啦!咁樣既話,下次再去日本,你仲可以將條線飛去個日本電話度tim,平更多啦! 可以到 www.vodafone.jp 瀏覽呀!連現在最hit的sharp的sx833 (903sh)、sx313(703sh)都有介紹,亦可以去日本入貨返來解鎖改中文文:阿乃

激安の第十炮:無料旅遊小冊子,為下次遊日準備!

0
一本Guide book 對於自遊人來說應該是非常重要,是嗎?各位同意吧!通常我們自助遊時,都會到書局買一些介紹當地的旅遊書,又或是到網上找尋合適的資料來plan行程!有時你會覺得中文的日本旅遊書太行貨,而日文的又看不懂,又想去得有特色(如果唔係不如跟團)。但如果我告訴你於遊日時,可以順便拿到全日本地區的旅遊書,供你下次plan行程用,你相信嗎? 不到你不信呀!是真的!只要在遊日時,估計好下次的目的地區,然後走到當地的旅行社前的資訊架上索取有關當地旅遊的小冊子就可以啦!(它,圖文並茂,指示清楚,簡單易明,方便攜帶。)而找這些旅遊社,非常簡單,就在JR站(如新宿、池袋那些比較大的站)。而看到那些小冊子不是厚的就一定多資料,最緊要看合不合用,它們通常載有建議行走路線,亦介紹較出名的景點、餐館及地道商品/食物等。 將它們搜集完後,把有用的剪下來集在一本簿內,那就變成自家製作的,適合自己口味的遊日路線及資訊。至於那些旅行社,可以選擇一些較大及常常出現的日本旅行、近畿日本旅遊,及一間由JR同時經營青色招牌的ぴゅう (Byu)。 特別一提:小冊子雖是免費,但真的有需要才索取,共同支持一下環保啦!何必搬一堆沒用的紙回酒店/家呢? -----------------------------------------------------------------------------------------註解:自遊人-----自助旅遊的人士自助遊-----自助旅遊無料--------免費------------------------------------------------------------------------------------------ 希望以上資料可以幫助到大家啦!近月多了人瀏覽本人的blog,好開心呀!本人亦會不斷貼多些關於遊日的資訊啦!亦希望你們都可留言及回覆一下,增加本blog的資料性及讓本人可改善不足的地方! 阿乃

2004關西東之旅 (9)—お台場副都心

0
DAY 7   2004‧8‧21  (關東)池袋 --> 御台場 (未來科學館、Mega Web、富士電視台、海濱公園、購物中心......) --> 池袋 上回講左瘋狂疾走東京各區,今回就講講待了一整天在台場的day7。 一大清早起床,食過早餐就要快d去台場啦~~因為消息說如果碰上通勤高峰期就不得了啦!所以9:30已經到了"新橋"站,它是百合海鷗號的總站,在此可購買一日乘車票。一日乘車票包了一程觀光船及無限搭百合海鷗號穿梭台場各區,只需900 yen,好抵呀~~如果在台場花費一日時間的你,絕對要買! 一到新橋總站,已經見到長長的人龍在自動賣票機排隊買票,好誇張,好似過關咁~~(乜d人唔駛返工ga咩,咁得閒去玩ge),我地梗係快快咁排隊買一日乘車票啦,一買要買6張係慢少少,d人都好有禮貌,唔會催你,知你係遊客,有時仲有幫你,非常好人。 買左飛就梗係上月台搭呢ga百合海鷗號啦!它是一架無人駕駛單軌架空列車,經彩虹橋入台場。途徑台場各區,而雙線來回走向。台場係一個都市新試點,以人工島的方式填海出來的新區域,有d似我地澳門的皇朝區及新公佈的tapia兩個填海方案。 上到月台,見到好多人已經係度等緊車,心想應該都冇位坐啦!算吧~~後生仔企下冇所謂!我地第一站係 "船之科學館站" 落車。(下圖:船之科學館外觀) 步行去未來科學館,這個是我最想睇的館之一,因為有一個實時地球睇,非常有趣,它是由美國太空總署Nasa提供數據資料的。(下圖) 地球後面的凌空走廊像是衛星的行徑似的,那我們就像衛星看地球般似的,又是一個特別的經驗。未來科學館內有很多的東西玩,如動感劇院、科學原理、天文星相及氣象模型與實例示範等,還有防災屋、新型電汽車、新型JR......數之不盡,又有幾個劇場供人預訂入場,有幾套立體科學電影,亦介紹了好多未來新科技,當然唔少得日本出名的人型機械人啦。 在未來科學館頂層部分,見到佢有d好有創意既櫈,好得意,又有試坐!haha (下圖) 而另一樣就是屋頂的佈置,好像片片落葉,又像鏻光片片一樣,好特別的設計,一流design品味,於館內到處可見。(下圖) 離開科學館之後,去了後面的Wendy's姐姐度食漢堡做午餐,因為已經成12點半啦。去返船之科學館站搭返百合海鷗號去Mega Web,它是豐田汽車館,有真車試駕(當然真有國際車牌先jar得啦),又有賽車立體影院,仲有電動車試駕繞場一圈,好好玩的。而且仲有多部新款汽車任坐任試仲住影相tim~~之後行左d商場,見到有人係廣場度免費派"日清雞仔面",咪諗住去拎,點d條龍鬼咁長,就打消左個念頭。轉移去了附近的電子遊戲機中心,裡面有齊那上"根肉擋台"的game,又有d扮野模擬過山車、騎馬機及賽車等,及其他多款有趣玩意。 之後就搭車返去"台場站",去一去富士電視台影下隻藍色狗仔啦! 以及去附近的Aqua city、睇下野,之後就去了台場海濱公園等影下相,等日落的彩虹橋亮燈影相呀! 等呀等,終於等到彩虹橋亮燈啦!不過都未夠夜,唯有獨左呢張相,好可惜我用了ISO400,令d雜訊太多,張相既質素差左d,而且有趕住去搭6:45的尾班觀光船,所以不得不走啦! 搭船回日之出淺橋後,跟著人群行就回到百合海鷗號的站台,搭車回池袋啦!當晚係池袋的酒店附近食一間叫"お好味燒"的日式薄餅店,由於我地唔識整,所以店員幫我們煎個薄餅呀!因為已經太累,所以冇乜點影相,大家的倦容寫在面上(包括我),每日咁早起身,每晚又成1,2點先sleep,所以大家徹底比我玩謝哂,最後我決定未來兩日輕鬆少少,晚一點才起床~~haha~ 見大家都好累,所以冇提出夜遊池袋,早d回酒店沖涼sleep!明天準備去早上橫濱,傍晚回到池袋,話哂係池袋住咁多日都冇好好咁行過池袋,有點兒浪費呀! 遊完台場,我覺得台場好新穎,同非常高科技,建築又新,真係專登打造出來的區域,有自己的風格,行高科技路線,都幾好!只不過係旅遊區,所以d野都比較貴呀! 編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

2004關西東之旅 (6)—關東‧箱根深度行Part 1

0
DAY 5   2004‧8‧19  (關東)箱根 (雕刻之森、大涌谷、蘆之湖、元箱根......) --> 東京-池袋 上回講到進入了箱根,並於晚上浸溫泉添,雖然我都好想影下相留念,但溫泉內不准拍攝,所以並沒有偷雞啦!今朝一早就食個豐盛早餐,check out之後就快快出門啦!因為今天的行程好緊迫,而且天氣不太好,驚落雨嘛!(其實我地住既酒店係最近車站的。) 兩話不說,再次行橋穿過流水瀑布回到車站乘搭登山電車,第一站就是我地D藝術人好鍾意既藝術館,不過呢間藝術館好得意,係露天既公園之內,擺放好多好多雕塑及裝置,有來自世界各地的名家出品,例如畢加索咁啦!入場費一d都唔貴ga~而且入口處仲好靚添!而裡面真係有好多好得意的作品,有的攪笑,有的生動,有的令人目瞪口呆的美麗。 而且我地特登早一點去,爭取多一點時間在其他景點逗留,好讓時間充裕一點,所以去到時,館方還未開門。講左咁耐都未講佢個名,佢個名叫《雕塑の森美術館》,等我現在帶大家看看部分靚靚藝術品啦! 上圖:入口處的藝術性噴水池下圖:入口電梯一下去見到的第一件展品---《羊》 上圖:展場內另一展品,置於水池中,在紀念品店旁,好似遺址咁~~下圖:平衡之球,我地可以係下面的路穿過。放心!絕對唔會跌落黎~~ 上圖:呢個係我最鍾意的展品其中之一,叫《斷絕》,顏色及力學角度用得好靚下圖:呢件係我另一個最鍾意展品,唔知的話真係以為有人赤裸裸趴係度添!叫《密着》,close的意思,意指跟大地親近,是人的本質初型。 上圖:畢加索別館品牌下圖:《微笑塔》,可能外表不太顯眼,但內裡絕對讓你難忘!(往下看) 上圖:微笑塔內部,是否很美呢?這是我最喜歡的展品呀!下圖:微笑塔內部旋轉梯最頂層垂直拍下的景像,有種跳樓的感覺~~haha 上圖:《月光の中の太陽》,在月亮的角度上,太陽會是怎樣的呢?下圖:《交叉する空間構造》,解釋了男男女女之間的微妙關係,陰陽配合之法,你又懂得嗎? 上圖:《球型》,了解球型可變不同的造型及解構的角度,從而懂得球型!下圖:《空間力學》,說明了現今科技對我們的影響,一是力學改變了人,二是空間因力學而起了變化! 其實仲有好多好多相,大家有興趣可以去相簿內--(日本和式風情)內欣賞,在此只介紹一些我感興趣、喜愛的裝置雕塑。在此站我們逗留近2小時,因為太大,又有迷宮玩,又是露天的,所以好好feel,空氣又清新,我們各人都在此拍下好多相,至於我呢!在此站拍下近120張相,聽落都幾得人驚呀! 最後就逛一逛紀念品店,買了少少藝術品就起程去下一站啦!正所謂個個入到博物館,總會將博物館的經驗帶回家,而博物館內的紀念品館就是為此而出現的! ----------------------------------------------------------------------------------------------------(下一回:箱根part2)編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.

《06’真夏東京》(16) – Day3午餐 [台場玩樂購物行Part3]

0
Day3Part3  午餐於 Venus Fort 內 Penvue Parks 這間店好有歐陸式呀!好靚既裝修,而且仲有好靚tim呀~~最特別既地方,係佢畀狗狗入去一齊食ga!呢間店叫Penvue Parks呀! 呢個這係今日既set lunch 精選啦! 這度就係售賣counter啦~~我地每人都係食左 980yen (即66元澳門幣),都算係一個set lunch,一個飯加一杯飲品囉! 看看~~呢個就係我既餐啦!一杯蜜瓜梳打 + 一個咖喱牛肉湯飯味道方面都ok,不過d咖喱就稀左少少,但味都夠既~~ 店內環境係好好格調ga~~下圖~~ 牆上仲有靚靚圖tim~~ 呢個係另一邊既水吧位~~而日本好多食店都係客人會自動自覺執拾食完既野~~所以垃圾筒都寫得清楚,費事你攪錯丫嘛! 食完之後,大家見到一間夾公仔機既店,又蠢蠢欲動想夾,不過我同L小姐就冇乜興致,走左出去等佢地之際,比我地見到一駕買捲筒班戟的車仔,但由於佢唔比take photo (相中右面有個牌寫住),所以我就走到好遠,用相機6倍光學變焦的功能Zoom埋去影~~haha~~ 等左一陣佢地都出來了,咁我地就向對面的Mega web出發,我期待已久的toyata車展、電子車、F1賽車及遊戲我來了...... (待續:Mega web)詳盡相片資料及其他沒貼文的相片於 內。編/攝:阿乃 本 著作 係採用 創用 CC 姓名標示-非商業性-禁止改作 3.0 授權條款授權.  
- Advertisement -
Macao
薄雾
26.9 ° C
30.4 °
25.9 °
83 %
2.1kmh
20 %
週五
27 °
週六
26 °
週日
27 °
週一
26 °
週二
26 °

社交網絡

12,638粉絲Like
1,228追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章