fbpx
25.5 C
Macao
星期五, 29 3 月, 2024

[進修] 舞台證書 – 音響技術的最後一堂

0
(2006-06-23 )上了最後一堂的音響技術課程,亦即是說一連三個單元(舞台技術、燈光技術、音響技術),歷時半年的證書課程,已經完結了,只剩下本星期六(明天)的音響技術考核。 其實呢個課程係首次係澳門出現的證書課程,每個單元都要考試呀!以前都出現過不少類似的課程在澳門出現,但從來沒有一個是有正式的證書,最多都只是出席率夠80%就頒聽講證書而已。而今次的有筆試及實習試,所以都幾恐佈呀! 未上音響之前我都已經知道佢係最難果科,因為自己唔係讀理科,唔識音響果d好複雜既原理,它比燈光技術難得多(我指原理方面),又要電阻、安培、伏特、聲音原理、電話原理......應有盡有的難! 而且今次仲係完全冇範圍,tips都冇,今次真係大家一齊死啦!都唔知要溫d乜,連實習試都唔知係實習d咁果度先死!祝我明天好運吧! 下圖是上課時解釋一個band show的音響線擺放方式及位置! 下2圖是阿sir叫我地學收音響線同放音響線的實習時間~~ 下圖是一條 "斷背線",即兩個公插頭的線!haha~~ 編:阿乃攝:Dilys 本 著作 係採用 創用 CC 姓名標示-非商業性-禁止改作 3.0 授權條款授權.

談談 Life In 澳門 (2008國語版)

0
地球上一個很渺小的國度,一個經歷過繁盛興衰之地方。充滿南歐文化的中國領土,文化遺產高度密集的小城市。澳門!(阿乃題字) 上述一首對子是本人以前所交的旅遊報告中的題字序言,這個對子正正反映了我對澳門的認識及感覺。本篇是分享本人,生於澳門,居於澳門的感覺及看法。 澳門在地球世界中只不過細如塵埃的size吧!比新加坡還少了一個size,一個炮彈飛過來就已經在地球上消失啦!其實很多人(包括很多澳門人在內)都不知,澳門其實於17-18世紀很厲害的,當時的世界地圖,甚至古西洋地圖都有澳門的地標,是當地亞洲中國的一個著名港口,由葡萄牙人統治的自由港,所以進入中國的船都會經過這裡,而且當時香港並未出現(還是一個小漁村)時,澳門已是外國商人及貨品的集散地。 澳門亦創立了很多的第一哩,如亞洲第一間西洋學校、亞洲第一所西式醫院、亞洲第一間大學、亞洲第一間神學院、亞洲第一傳教士培訓基地、中國第一個博彩合法化賭場、中國唯一一個南歐與中華文化交融的地方......自從香港的堀起,澳門也因海港較淺的關係而逐步衰落至1999回歸前,仍是一厥不振,也慢慢被香港所取代,新版的地圖已經沒有澳門,而出現了香港的地標。現在又因賭權開放、成功申報世界文化遺產(多達22個景點),經濟再次發展,慢慢又追上國際水平了! 另外有一件事希望在這澄清一下,為各位台灣及其他地方的人士說明一下,因為世界上很多人都弄不清,只有中港澳的人才清楚,就連台灣人都不太知道呀!就是 『澳門』 是中國的一個特別行政區,全名為『澳門特別行政區』,英文是 Macao, S.A.R.,葡文名是Macau。為一個高度自治,澳人治澳的區域。跟香港一樣都是中國的特別行政區。中國有兩個特別行政區呀,連區旗都不同的呀!所以 『澳門』 並不是 『香港』 的一部分,不要攪錯,大家都是獨立、不同,相互平等的地方。因為常常被人誤會澳門尤如九龍、新界一般,另我們到外地常不知好何解釋,只說澳門在香港的隔壁,不屬於香港,你說解釋都花了不少時間跟口水啦~~不過現在好多了,很多人都知道澳門在哪,不用再解釋那麼多了。 生活在澳門廿多年,從出生到現在,澳門一直給我的感覺是好悠閒、憩靜、舒服的地方,人友善,街坊大家會有說有笑,逛街見到鄰居,甚至相熟的店鋪老闆都會閒聊一下,生活節奏很好,不太快,人也不太多,有什麼事都會互相幫助,非常好的感覺。加上環境優美,還未成為石屎森林。引用龍小姐的一句話『澳門給我的感覺是溫暖的,像紅色一樣,熱情好客,人情味濃。』這亦是我的感覺。 但近年的高速發展,慢慢打破了澳門和諧平穩的社會,雖然經濟好轉,但衍生了好多社會問題,而且消費指數高但收入少,病態賭徒及青少年因賭場高薪而輟學,工人小小暴動事件,連社工老師等都要上街遊行,讓這個平和悠閒的小城一時間變得複雜。而且經濟好其實是一個假象,我們仍有好多人是月入8000mop以下,正是一個畸形經濟結構,『高學歷低收入,低學歷高收入』,就是我們的心聲。因為有好多中學生或學歷不高的人士都去了賭場做荷官,但我們也有很多大學生不願進入賭場工作,覺得它是一個不太好的地方。 我現在星期六、日及假期都儘量不出去,因為街上太多人,我並不喜歡同人擠,而且出去的話,如非必要我都不太願意去議事亭一帶,因為太多大陸人啦!我不是歧視他們,其實很多年青一輩的大陸人都不錯,但有一部分大陸人常在街上吐痰、吸煙、煙蒂周圍丟、街上蹲低、說話又大聲+ 髒話、喜歡打尖不排隊,又鄙視港澳人(認為自己來幫助澳門,沒有他們消費,澳門能成嗎?),嚴重降低自我品格,也直接影響我們對他人們的看法! 現在他們可以去其他國家旅行,使很多國家都不喜歡黃種人,在美國、日本及澳洲都有某部分酒店列明不歡迎中國人入住,你看看,嚴重影響外國對中國人的評價呀,間接連累港澳人呀!所以我們澳門人都喜歡稱呼自己是澳門人,同他們是有點分別,免得給人歧視。(而且我去外國、日韓等地,他們都以為我是日本、韓國人,那我當然沒有問題啦!) 說真的,我不喜歡現在的澳門,因為已不再悠閒跟舒服寧靜,慢慢變成都市化石屎森林,雖然澳門政府做了好多保護文化及遺產的措施,亦積極改變澳門人生活品質,但成效不大,還越來越差,一時間好難適應,需要有待消化! 看完了,大家可以發表一下意見啦!不論是台灣、港澳及其他地方的人士!對澳門的感覺?或是上文所提的其他方面? 文:阿乃

八佰伴貴賓日又至,居民瘋狂購物

0
近年居民收入增加,每逢佳節均是消費旺季。本澳現時唯一的大型百貨公司新八佰伴看準商機,每年設兩次貴賓日,每次反應均非常爆滿。 昨日是新八佰伴今年的首個貴賓日,情況更是熱烈。一大早已有大批消費者到場“搜刮”戰利品,瘋狂消費場面相當墟冚,不少人埋單動輒數千元。 分流入場排隊付款 大減價是貴賓日的招徠之術。七折、五折、三折的商品隨處可見。為免“執輸”,不少居民提早排隊進場,貴賓日上午十一時才開始,但門口早已迫滿人龍,因客量太多,要分流控制場面。 場內整日人流擠迫,收銀處人龍不斷,高峰時每條人龍超過五十人。消費者購物慾非常高漲,商戶要不時補貨,有商戶一小時內要補貨五、六次,銷情相當暢旺。儘管要等近句鐘才可進場,付款亦要等候一個多小時,但消費者依然樂此不疲,不少消費者每次貴賓日都會捧場。 有多次“搶購”經驗的陳姓居民指出,要購得心儀物品必須“早早入場”,否則買不到好東西;陳女士每次貴賓日均會花費三、四千元,主要是購買護膚品及生活用品。她指向來喜愛品牌產品,但價錢昂貴,故每逢大優惠就會“趁低吸納”,“加加埋可以慳唔少!” 大部分消費者埋單數千元,不少孝順仔女看準時機,為即將到來的父親節入貨,當中以男士護膚品及家庭生活用品最受歡迎,因一家大細都用得着。 自由行加入戰團 亦有不少自由行客來澳後加入“戰團”。有遊客指出,平日來澳購買護膚品經已很優惠,貴賓日就更便宜。不少消費者更順便購買行李箱,運載“戰利品”。 至於商戶亦採取不同的引客策略,護膚品店採取“替客付款”,令客戶購物時更舒適;亦有商戶出動五折的吸引,開門不足兩小時已售罄。為免流失商機,唯有先付款後取貨,此招果然奏效,幫助不少“斬獲”豐富的消費者減輕輪候時間。 (轉載自澳門日報06.06.15) 後記:我記我上一次的Vip day係多人多車到不得了,淨係jar車入去果個區域已經要塞2小時才可以進行附近停車場,到場內就簡直好似雜貨店+街市,人滿為患,認真恐佈,再者下午3點左右去都已經冇乜野買~~非常唔掂! 其實昨日的VIP day我都有去,我係下午3點左右先入場。今次我好醒選擇搭巴士,而且值得讚既係八佰伴以及市民大眾都吸收了上一次的經驗,大部分棄車乘巴士,所以今次交通大致正常,唔會再有塞入去2小時,塞出來也要2小時!而八佰伴方面都好值得讚就係好多都可以轉為期貨(即後取),如果冇貨都可以繼續買,唔會冇得買。當然有一些枕頭、電器係例外啦!我今次去就買左一組行李gip,一大一小可組裝,裝備帶去日本旅行用,haha~~另外亦買了一些jockey的衣衫等,因為買一送一(即係半價~~hehe~~),仲有一d男士護理套裝等!我好快就買完,而且我所買的東西全部都唔駛排隊~~d sales好好人,個個都話可以直接比錢佢,唔駛迫排隊~lucky~~另外同行友人就冇咁好彩,佢買左一對枕頭、三Set床舖系列都要排餐死,之後又入左去八佰伴超市買日本零食,我係超市冇買野,但我個friends就買左唔少野,都只不過係有九折,仲有排左1小時才可比錢 (所以我發誓我以後的VIP Day都唔會入超市),真係貼錢買難受!之後我就搭巴士走囉!個friends有男友電單車車走,haha~~不過5點過後的八佰伴就越來越多人,真係幾恐佈ga! 我想今天的八佰伴又回復平靜,變回一個舒舒服服,唔係太多人的澳門唯一大型百貨lu! (後記)編:阿乃

澳廣視的訪問

0
早於上星期接受了TDM(澳門廣播電視中文台)的訪問,這個訪問全是圍繞著本人的寫blog的。 其實他們做訪問的目的是為了TDM要製作一個關於澳門人使用blog的節目,恰巧,他們又找到本人在yahoo這裡的blog,所以就想約我做過訪問。當然,我上星期比較得閒,接受了他們的訪問。 而他們問的問題圍繞著一些基本的問題,如:(blog友一再要求,現在已經附上答案)為何會寫blog呢?--ans--> 因為從來都冇個人網頁,見好多friends都有,我又唔想整,所以咪用blog囉!寫了blog多長時間?--ans--> 2005年11月開始!你的Blog主要是分享些什麼?--ans--> 遊記、澳門人生活為主,自我工作及閒聊為副。寫Blog的目的或想得到是什麼?--ans--> 其實開blog並沒有想過要得到什麼,只想讓自己寫下旅遊及生活點滴!有什麼因素驅使你使用這Blog呢?(容量、版面風格......)--ans--> 因為佢係無限空間,申請手續簡單易用。仲有好多地方可以改進,版面及功能都唔係十分好!有沒有結識到一些志同道合的blog友?--ans--> 有呀,如馬來西亞、台灣、香港、甚至澳門本土的都有呀!好開心可以一齊分享旅遊體驗及心得!同blog的交流方式?--ans--> 主要係網上email、blog囉!並沒有約過出來呀!有時澳門區的blog友都會碰面,佢地話見到我,但我次次都見唔到佢地呀!hehe~Blog有沒有帶來你一些生活上的變化?--ans--> 有呀,成了習慣,每日check完mail就會check blog同睇blog友既blog,回覆及留言,日日都會做的例行公事。有什麼推動力讓你繼續寫blog呢?--ans--> 朋友 & blog友的支持囉!如果冇你地既話,我未必咁勤力寫blog同更新!你會否繼續寫呢?--ans--> 我會繼續寫,就算唔再流行我都會繼續,因為這是我個人的網頁,好似一本記事簿咁,將我想講的東西以圖文方式記敘下來。曾經都有blog有問過我,點解你唔將你d遊記出書呢?我既答案係:我都想,不過冇門路,亦冇咁多錢去支持印書費!等一連串其實好多blog友都考慮過的問題,我都知有好多blog在其第100篇blog文中,已經解答了上述大部分的問題了!對不對? 的確,初時我寫blog的目的,只是為了將自己的遊歷回憶記下,以及將自己影既相save低。而且我用yahoo blog的時候,它才剛剛出生不足一個月,使用的人很少,因為它是一個試用版。初初用了不夠一個月就被選為精選blog,其實我並不知道如何入選到精選blog,只是有朋友說見到,我才發現自己入選了!haha~~但慢慢都現在已經多了好多人使用了!對不對? 而亦是這樣就讓我結識到好多鍾意旅行及攝影的blog友,真的分享及交流了不少心得!就是這樣我就被訪問了大約半小時! 播映時間係:(2006年6月26日)上午8:00-9:00,以及中午1:00-1:30 (時段內播出)播映地區電視台:澳門廣播電視中文台(TDM) 雖然我今天要到香港覆診(牙醫),但我已叫我細佬幫我錄低,等我返來看看有幾多分鐘出鏡時間~~haha!因為除了訪問我之外,還有其他澳門的blog友,真的期待今早的節目~~(自戀1000分鐘......) 編:阿乃

想寫‧心情:觀點與角度,四季喻人生!

0
迷濛的天,下雨的天,我會愛放晴的天;灰色天空,密雲天空,我更愛萬里晴空。 冬寒冰凍,春溫濕潤,我偏愛夏炎秋風;名利如煙,友情如寶,常樂知足如天空。 文:阿乃

露台看夕陽!

0
今天澳門的天氣不錯呀!充滿陽光,只不過太熱了!成30度~~ 但今天看到好美的景色,所以同大家分享一下!有時係屋企工作都累,都可以欣賞下窗外景色,放鬆一下!所以今日我係介紹工作而外的美景,提下神嘛!其實我家在聖地牙哥酒店附近,即西灣跟媽閣交界位,面向澳門水道,對面就係灣仔(係大陸果個)。所以影低d相比大家看看,其實夕陽真係幾靚! 下圖:我家露台影去聖地牙哥酒店的屋頂,遠眺融和門(黑色果舊野)!下圖:我家露台景 一寫呢個topic,又諗起雯雯比我果首Eric Kwok唱的 "夕陽無限好",淨係得果兩句:"夕陽無限好,只是近黃昏。" haha~~ 不過那隻碟真的不錯呀~~全部都係寫完歌,出比d歌手聽住唱的demo,大多由填詞or作曲人唱ga,903都曾經播過ga~~ 唔講咁多,貼d美美夕陽圖出來先!下圖:我家露台影下來的夕陽及小船 編/攝:阿乃

滂沱大雨下的保齡球記

0
昨日(06-6-11)11點多就起床,見天色不佳,心想又是一個下雨天,這兩星期以來一直下雨及陰天,好耐冇見過陽光啦!唔知幾時先有陽光呢? 今天其實我約了一班friends去tapia的漢城食午飯,漢城位於tapia的舊城區入口,逢星期六、日中午有mop$68一位任食韓國燒烤,我地就一早book左位啦!最早到的是stella,之後就是我、katy,其後就是Nicole、Samuel,十二點九就開始食啦~~我都唔知我地食左幾多條肥牛、豬頸肉、牛肋骨及菜、冬菇啦!當然仲有d丸類及粟米、芋絲......等啦!食到飽飽了,2點半就走人,向我地下一個目的地進發,就是今天的重點------澳門蛋的保齡球場! 一出漢城門口,才發現下著大雨,稍後更轉為滂沱大雨tim,你都咪話唔驚呀!不過咁樣都好,因為咁樣就冇乜人去d咁僻遠的地方,就可以快d有得打啦!haha~~一去到,泊好車就入去,快d去了登記,好彩真的因為大雨關係,只有2個名排隊,那好快就係我地就可以等到位!在等待期間就影下相先啦梗係!(保齡球場內的一景,地方都幾寬敞,都好乾淨呀!hehe~~)(下圖是Samuel同我合照呀!) (下圖是Stella、我、Nicole、Katy的合照,Samuel jar機~haha) 等左大約20分鐘,相都影完就有得打啦~~我地買左每人兩個game,位位mop$43(有3蚊係鞋),而球道就係15號~~haha~ 看看下圖就是我地條球道的colourful保齡球,我用9、10磅的Large手指位的球,而Samuel用10、11磅球,Katy佢地就用6、7、8磅的球~~ 下兩圖是本人打保齡時的動作,佢地話好優美喎~~haha~~ 其實人的打法及姿態基於各人都不肯公佈,所以我唔會貼出來ga~~haha~~佢地已經收到自己的攪笑相by e-mail了!haha~~在各人之中,打得最好就是Samuel啦~~成138分呀!佢就姿態好標準,亦都好優美!(以前去香洲打保齡,試過見過有人打完擺一個郭富城姿勢,都已經笑到肚攣啦~~之後又來一個天鵝湖,簡直同做show冇分別,亦比我地笑到而家tim~~)下圖就是第一局的總分,1K 就係Samuel啦,3B 就係本人~~好彩我第一局都唔係好差,而3位女士就係4字頭、5字頭之間啦~~唔好講係邊個~~係地會打死我ga! 第二局就慘不忍睹啦!我跌到去74分,出現了多個失誤;而Samuel就再創新高,打出143的成績,真係厲害,而女士們就由5至80幾不等,都好厲害!haha~~ 其實在打保齡的途中,d雨越落越大,係館內望出去,真係好似倒水咁feel,但人流依然好多,真係不愧係澳門最平最新最標準的保齡球場!haha~~ 之後我地就去了皇朝的東望洋餅店度食過下午茶,大家都肚餓了!如果係飲咖啡的話應該會好d,因為我地只係叫左d cake、包同三杯生果梳打!D生果梳打就麻麻~~雖然大杯,但冇乜味,尤其係菠蘿梳打!食完野之後就散去了! 後記:今次係第一次徵得各人不反對之下,刊登出朋友的樣子,佢地應該唔會收我肖像權費掛!hehe~~唔駛再打人地格仔啦~~haha~~ 編:阿乃攝:阿乃、Samuel、Nicole、Katy
- Advertisement -
Macao
小雨
25.5 ° C
27.6 °
24.9 °
88 %
2.1kmh
20 %
週五
25 °
週六
26 °
週日
27 °
週一
26 °
週二
26 °

社交網絡

12,638粉絲Like
1,228追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章