24.6 C
Macau
星期五, 四月 19, 2019

直擊報道 威尼斯人渡假村!(完整版。含Video)

2007年9月2日下午,約了朋友進入剛剛於四天前才開幕,威尼斯人渡假村的大運河購物中心參觀。 下午3時就出發,首先到各點接載各位朋友,然後才一起過去!一到 The Cotai Strip (金光大道),見到好多好多車呀!之前已經有朋友去過,  他說基本上進不了停車場,因為太多人啦!那我們今天一到就先試試能不能進去!結果,真是不能進去,在門口已經放了一個 "滿" 的牌子! 之後我們就嘗試再後面的會議中心、酒店南翼入口及發財巴總站那邊的大馬路找尋,整條街都是非法的泊位 (因為那區是新開發的,而且並沒有停車場),所以所有人都只要泊在街上,整條馬路差不多泊了70多台車,而且附近的馬路也變成泊車的地方,還有附近的合法的泊車位是完全full的~這個威尼斯人效應好恐佈! 正當我再次折返這條馬路的時候,剛好見到有一台車去完威尼斯人,要走了!我立即去等他的位置,有些不守法的駕車人士想搶桿呀!(ps.澳門其實好多人常常搶他人的位置,還不禮貌的明搶的,尤其是那些不守規的Benz及BMW的新移民)最後我所泊到的是最近發財巴入口的位置! 當我們下車,行到入口處,我們開始發現它的恐佈之處,因為人太多啦~~來自拱北關閘的、市中心的、蓮花關口的、碼頭來的......那些發財巴好恐怖,台台都是滿座的! 一進去入口,嘩!人多得太恐佈啦~~而且我們也知道有一大段路才可以到今天的目的地!我們今天的目的地是位於澳門金光大道,首間開幕,世界第二、亞洲第一大的威尼斯人渡假村,裡面的大運河購物中心! 我們進去威尼斯人的範圍,就發現人多得太離譜,非常怕裡面會更多人呀!好的,前面的鋪陳太多了,現在就帶大家以圖文+影片的方式為大家直擊報道!(不過場裡面實在太嘈雜,所以大家儘量聽吧!我的聲音應該被掩蓋吧!)Let's Start!   這就是南翼入口處!(並不是正門口!基本上如果你不是乘Taxi去的話,都不太會在正入口出入) 這是南翼入口的電梯!(這是去大運河購物中心 / 會展中心的方向) 從電梯上來之後,你會見到Duty free,就要向右走!(直走是去其他地方的!) 大家看看以下的2個Video就知道,向右走的方向!http://mymedia.yam.com/@/1500489 http://mymedia.yam.com/@/1500515 這裡好美的巴洛克式華麗風格,這處有一間叫藍蛙的Bar,見此bar的話,你就知道要用行人電梯再上一層,才可以到購物中心啦! 就是這條又長又高的行人電梯呀! 在這先跟大家報告一下!正式全面開放的時候,這裡有多達380間的店舖及食店!現在大約只有180間左右開門了!而且因為太大的關係~~基本上大家如果迷失了路的話,可以在聖馬可廣場or瑰麗堂集合!因為聖馬可廣場是整個購物中心的地標!而瑰麗堂是正中心位置! 首先看看地圖吧!(入相簿-->澳門賭城之美-->可以看大圖!)下面相片的位置就是地圖Level 3 這個角落的位置~~而它以不同的顏色分了多個區,並有7個區,分別有:聖馬可廣場、嘉德勒廣場、嘉利廣場、名都廣場、大運河區、馬可孛羅運河區、聖路卡運河區。大家冇聽錯,是有3條運河,它流經的地方就是一個區,這是一個創舉。(拉城的威尼斯只有一條)地圖中間的就是瑰麗堂!左上角的藍色就是大運河!上中間就是聖馬可廣場!Level 5 的據說是 古根漢博物館的分部!(但不知是不是真的!) 再來看看這幅購物中心地圖!圖中左邊至右下(紅色線區域),都是尚未開放,也用了相片上的Masking方法封閉中,進也進不去!還有Level 5 也未開放! 上去之後直走100米左右,就會見到頭頂有一個牌子,它寫著 "Di Moda Square 名都廣場"。下圖就是踏進去購物中心範圍的第一個區域!(因為暫時只開了55%的地方,其他還未開放的街道,以及店舖分別用不同的方式掩蓋,你是不會發覺的!)好像下圖,就是在10月中才開的區域,它用一個很特別的方法Masking它,所以大家以為是宣傳版。 這就是我們進入聖馬可的街道,有Guess、Nike、Levis...... 看看這段Video啦~~你可以再了解多一些啦!http://mymedia.yam.com/@/1500533 這是聖馬可廣場啦! 這個白色人像是真人來的!不是雕像呀~~詳情看下面的Video~~ 就在上圖的位置開始拍攝的!http://mymedia.yam.com/@/1500563 聖馬可廣場的餐廳區,好美的! 這就是聖馬可廣場未端,大運河的源頭呀!這些貢多拉船,每程約15分鐘,成人mop$120、小孩mop$80、包船mop$480(可坐四人)有船夫唱意大利情歌,格調不錯!但因為太多人圍觀,所以不太能感受吧!你看看下圖,成條河周圍人好多,目的跟我一樣,就是拍他們照~~我的朋友說,他們好像動物給人家觀賞~~haha~~ 穿越了整條大運河之後就來到第二個區域,這裡有間Bossini,其實還有很多店舖,但由於未開呀~~所以又用了Masking的技巧,讓大家不以為意! 這個就是Masking了整條街的入口!不知道的還以為是藝術畫的裝飾,初時我真的給它騙了!直到我看了地圖之後才知道~~ 這是這區的頂部,以及柱子的裝飾~~ 這是平面地圖呀~~很詳盡解釋購物中心的店舖!還有一些在運河邊的電腦地圖,它提供準確的資料,這由於太多人所以才拍不到照! 這是瑰麗堂頂上的壁畫,當然不能與外國教堂的相比!你一看就知道它好像是噴畫一樣,沒有油畫的質感的!而樓下就是賭場啦~~大家可以看看下面的Video~~ http://mymedia.yam.com/@/1500597 我們逛了差不多2小時了,也差不多逛完現在開放了的地方,這是美場廣場!不過東西實在是太貴了!但我又很肚餓,所以我只在仙跡岩買東西食!一份厚片吐司、一杯奇異果冰已經是40塊錢!真是見鬼的貴~~不過那個天幕已經出現黃昏的景色了! 看看最後一個Video,這是美食廣場的環境介紹。http://mymedia.yam.com/@/1500645 走的時候看到的天幕景,我好喜歡這幅呀~~ 這是在詢問處get到的一千零一份指南!這樣也是我最不喜歡的一個措施!(因為金沙集團只向錢看,跟永利不同,永利宗旨人才是最重要,所以永利有繁/簡體及英文) 文/相/Video:阿乃本 著作 係採用 創用 CC 姓名標示-非商業性-禁止改作 3.0 授權條款授權.

秘密基地。試玩@漁人碼頭 2007/01/07

今天傍晚又去了一次漁人碼頭做愚人!本次目的係去玩我上一次除夕因為太多人冇玩既 "秘密基地" 首先我入去先玩果個虛擬動感影院囉!(mop $20,差不多有2分鐘)一次最多可以坐8個人,而故事係講述我地坐住一架吉普車內,在有火山的叢林裡探險!非常唔驚囉!我地幾個淨係狂笑囉!原因係佢冇安全帶(因為真係冇任何野),我由左"sir"到右撞到阿friends,佢地係後排既就狂笑!又話張椅好冼啦!又話有臭膠味(因為新)!最爆笑係d劇情~~比猩猩蝦囉!笑到傻呀~~ 之後我地每人又夾25蚊,共100元換錢玩,由日本最新到澳的 "祭之達人"街機版!好似老虎機原理,入錢,跌錢就係你!不過佢係遊戲,唔係賭錢!首先你見到機有10部一組,每一號有一條祭鐘繩及左右各一入幣口,於入幣口將幣入到風車阻擋的兩個口,就可以發動中間電視機出現老虎機,只有中三個同數字就會有錢飛出來,而儲滿333、555、777各一個,就會飛50個出來!如果你出現3個祭,就會有大獎! 3個祭的大獎就是那個設於10部機中間的大燈籠,將佢裡面的累積獎幣倒哂出來!咁你就贏唔少啦!我地試過4,5次,但次次都贏唔到,而對面的高手就贏左成2,3次!跌成幾百個出來呀!點解贏唔到,係因為要"fix"繩,而Fix得多係好累的,所以次次都唔得!下圖就係朋友在fix繩,我在後面偷拍! 其實我地開頭贏左好多好多返來,可以夠換空氣清新機!(因為佢以幾多金幣換乜野獎品)但最後我地fix繩真係好差囉!成日都lost左個大大獎!(之後就加碼左每人10元去玩) 其實我地就係志在玩下,試下新野玩,唔係想贏,只享受下過程姐!最後凡71每人用左20+25+10=mop $55就係秘密基地玩左成2小時啦!真係抵呀~~係咁fix繩,如有壓力去fix下就冇哂壓力,好明顯仲可以收拜拜肉tim~~佢地最鍾意!而且漁人碼頭今個月型2月做緊免費泊車,所以唔駛錢泊車~~yeah 下次再去,就要試玩 "頭文字d" 果兩部凌空吊住任你漂移的街機!只需9元一次,都抵呀!仲有好多新進的賽車game! 文/攝:阿乃

除夕倒數 @ 漁人碼頭

今日係06年12月31日,係06年的最後一日,同一班friends一早安排了一連串的活動進行。佢地係我日本的團友,唔知大家仲記唔記得啦!(雖然日本遊記仲未完)包括:N小姐 & C先生,K小姐 & Bf,L小姐   下午5點到澳門蛋打保齡,打完保齡去了雅廉訪的荷里活扒房食鋸扒,(在此嗚謝L小姐的Bf 幫忙去等位呀!)食克之後大約9回左右,就去左漁人碼頭啦! 漁人碼頭由於剛剛正式開業,開了好多我都未去過既新設施,今日一次去哂佢!不過冇玩,因為個個為除夕倒數,勁多人,而且Alan Tam 譚詠麟 係漁人碼頭有倒數演唱會,所以好好好多人囉! 我地泊車都好變態咁多人囉!首先去到既時候剛剛漁人碼頭地下停車場滿左,要U turn出返去!好失望咁再去前面新開既巴比倫娛樂場既停車場,見到d friends既電單車泊度係呢度,但係私家車又係冇位!Oh~No~~勁失望呀!點知我一駛出去,見到隔離個科學館地盤點解有車入既?唔通有位泊?咁我又跟住又去啦! 原來真係有得泊呀!唔知漁人碼頭點解咁勁,竟然可以借到澳基會個科學館地盤比我地泊車,重要係好大,好好車都泊得落,兼且最最重要係免費! Yeah~~ 跟住我就好快咁會合返佢地!就準備 第N次 遊覽澳門漁人碼頭(不過今次係睇d新野囉!)唔講咁多,我都知大家好心急要我去片睇相ga啦! 首先登場既係巴比倫娛樂場。 仲有火鳥角子機中心。 之後就係巴比倫對面的 "箂斯酒店",間間都有獨立露台ga!仿十四至十六世紀英國古式酒店的設計,內堂極盡奢華呀!再加上白色宙典旋轉樓梯,豪住海景之選! 東西匯聚的 "勵駿大道" 呀!(多人多都爆!而且倒數既時間所有人都係哂呢條大道,排滿哂d人!) 葡萄牙館的 Rainbow大樓後面的 國際旅遊展!(有好多免費旅遊資料呀!我都get左d杜拜、英國、匈牙利、紐西蘭及埃及既旅遊資料!)ps. 櫃檯人員仲比左一隻杜拜既宣傳光碟我呀!~~ 之後就係影D各國巡遊花車比你地睇!First. 歐洲 Second.大洋洲 Third. 澳門漁人碼頭 Four.美洲 Fifth.亞洲 Sixth. 澳門 仲有重新開放的布達拉宮同即將開放於三月開放的唐城! 仲有剛剛新開左一個星期的 秘密機地遊戲機中心,裡面有齊動感影院、凌空單人真實賽車,多款日本最新的遊戲(如祭禮之達人、多款賽車、夾公仔機),仲有好多賽車game、滑水滑雪划艇、撞碟......應有盡有,適合大朋友玩樂! 當然仲有過埋元旦先拆既聖誕樹啦! 食哂雪糕,又行埋成個漁人碼頭啦!成11:45分梗係設去勵駿大道啦!準備倒數丫嘛!講真,我六、七年都冇做過呢個舉動,因為我唔鍾意人多!呢兩張係未倒數時既合照,一張我jar機,一張N小姐jar機! 倒數完就走啦當然!我地行返去get car時,見到巴比倫門口出現人潮,d人倒數完就去賭場碰碰運氣,睇下自己今年好唔好運呀!haha~~我地就梗係快d走啦~~否則就會勁塞車ga啦!因為觀光塔果邊都係同一條路,所以屆時就勁塞車!行到巴比倫果邊補影返 中東的花車及雕塑! 之後就返歸,get左car,我用了10分鐘塞車就返到屋企啦!(因為我屋企同漁人碼頭係呢條海邊路的一頭一尾,所以好快就可以返到去。不過平時3分鐘變左而家10分鐘都已經好好ga啦!)現在咪寫blog比大家睇囉! 我最後仲get左一本正式開幕的小冊子呀!編/攝:阿乃

澳門永利開幕式(影片)

澳門永利開幕式: http://us.i1.yimg.com/cosmos.bcst.yahoo.com/player/media/swf/FLVVideoSolo.swf 由於是e-mail傳送的,所以製片者不詳!不過好多謝佢將永利開幕最精彩的拍低左! 雖然就舊左d,不過應該都同樣震撼ge!歐生一案,雖然丟清我地澳門人既面子,但大家都向好一面看吧!亦可以讓澳門的政府更加透明,都係好事黎ge! 文:阿乃影片:不詳

漁人碼頭火山內遊戲初體驗

其實漁人碼頭開左咁耐,我都入過去無數次,但次次都冇入去火山玩果兩款遊戲!而10月1日,因為帶了一班導賞講解澳門的名勝及有歷史故事,而最後一站就係漁人碼頭,所以就黎左! 之前都入過火山幾次,但今次入去係玩遊戲,而唔係齋入去焗桑拿囉!今次我入去只係玩 "烈焰激流",之前因為驚佢唔知安唔安全,同埋會唔會衝向下而唔敢玩囉!(事關之前真係發生過小意外呀!)   Amy、Chantelle同我,就買票入去玩啦!玩之前我都驚ga!但一坐落去先發現,其實係好慢好慢,一d都唔激ga~~因為我好驚離心力,所以唔敢玩,但坐左落去先發現,佢比我平時開車仲要慢,相等於10米/每小時左右,你話幾慢!所以一d離心力都冇~~ 最後有一段不斷上斜的路,我就開始驚啦~~但好不幸只有上,沒有落~~害我擔心一餐!平平安安就返到終點!40元就係咁花費左,路程太短,冇乜特別,所以都唔係好抵!(極度唔明之前點解會發生意外ga~~慢到蟲爬咁都會有意外~~)(我好有理由相信係d大陸旅客不守規舉先會有意外呀!) 都唔好話我話啦~~d大陸旅客去外地時,唔該注意下d態度同規舉啦!唔好成日丟中國人既面先得ga!我身為中國人都覺得好無耐,唔係香港澳門人唔肯認中國人,係你們係外國做埋d衰野,攪到d外國人一聽到中國人三個字就覺得你沒文化,沒教養呀! 呢幾日新聞就有講,阿國家主席要嚴厲規管d外遊既中國人修養,我真係大讚ga!但成效係點就未知,不過暫時都未有改善囉! 鬧夠啦!言歸正傳先,而Amy、Chantelle話唔夠激,想玩埋過山車,我梗係死都唔制啦~~佢地連笨豬跳都係冇乜反應,我點咁以佢地既標準去玩呢個過山車呀! 佢地最後就真係去左玩!佢地都玩完之後,都話有離心力,如果我玩就肯定驚死,以及尖叫就死~~不過佢地話太短,唔夠喉~~變態ga~~不過佢地真係好快呀~~一入去,唔夠5分鐘就出返黎,仲話玩完tim~~你話個過山車遊戲有幾快同幾短啦! 希望漁人碼頭果非洲村快d開,到時應該又有多d野行啦! 編/攝:阿乃

永利參觀實錄~~噴泉篇

星期日(2006‧9‧10)同一班friends (include Alvin、Keith、阿當佢地啦) 去左永利參觀,就算我係澳門人,我都係第一次去永利咋~~ 第一個感覺係又黃又紅,好似好grand咁!個賭場唔係好大,都幾多柱位,但算開揚,且檯與檯位置較遠,這樣就值一讚!係賭場行行下仲見到阿 史提芬‧永利 係我地後面行緊,巡視業務tim~~ 之後就行左一陣名店街,就出去睇噴泉啦!(下圖是Wynn大門口) 一開始噴泉就配以音樂上映下列咁多張美麗的相啦~~佢犀利在又水又火ga!又噴水又噴火,仲有音樂做background,真係唔錯~~而且噴火果陣就真係好鬼死熱呀~~直頭覺得塊面係滾ga!雖然我影左好多,不過就只貼d捕捉等比較靚ge比大家睇~~大家唔知覺得邊張靚呢? (1號) (2號) (3號) (4號) (5號) (6號) (7號) (8號) (9號) (10號) 之後大家再來看真d永利果門口牌,我成日叫佢做 "神主牌" ~~不過夜晚就真係幾得囉!尤其是要等佢個英文字寫完 &同個電視配合先靚~~神主牌大家各覺得邊張靚d呢?(牌1) (牌2) (牌3) 跟住仲影左對面的葡京,成間紫色都幾唔錯呀~~ 大約逗留了一小時左右,之後我地就帶左 "321軍團"(Alvin、Keith、阿當) 去左葡京行個圈啦!之後就去之前介紹過既忙裡偷閒度飲野!最後於1點半左右車佢地返酒店sleep~~之後我地都回了家sleep啦~ 編/攝:阿乃

日本遊樂園 @ 觀光塔 (3)

第三回就係講最後的一part-----日清展覽館。其實澳門呢個日清展覽館同日本既係完全唔同既,日本的專業好多,亦有好多實物同歷史show出來,而澳門呢個,應該就係o係香港海洋公園擺放過的大同小異,係以日清的卡通公仔為核心,以及d副產品及世界各地的合味道為主。不過唔同的是澳門呢個係唔駛畀錢入場 (我都知香港都唔駛),但入海洋公園要丫嘛,而入觀光塔呢度就唔駛啦!而且人亦唔係好多,影相都可以快手快腳攪掂,但就地方較細,比較迫d,有d角度真係好難就囉!有時要捨棄,只可影局部,唔可以影大環境囉! 好啦~~講左咁耐又係時候帶大家入去睇睇啦!這個是大門口的頂上招牌呀! 門口的燈具裝飾呀! 日清展覽館門口的格局! 展館裡面有d乜呢?一入門口就有部dvd介紹啦~~ 之後就會見到一個飾櫃,裝住哂d日清副產品,有多士爐、燈、杯、hifi、微型洗衣機、微波爐、夾公仔機、老虎機......等 而隔離就有日清妹妹同婆婆呀! 仲有清仔家族的資料呀! 又有世界各地的合味道杯面有什麼不同?包括名稱呀!原來上海同北京的合味道係叫 "開樂杯" ga! 呢d就係除日本外,世界各國的日清的面食產品啦! 以及港澳地區出產的日清食品,種類真係好多呀! 展館中間位置就係一區介紹日本拉面、原產地、發源史及種類等等的資料 展館中的人氣攝相位,我等左好耐先有機會冇人可以攝到全景! 呢個係講合味道杯面的製作方法及原理ga! 例牌每一個日清展館都會有既就係杯面一大個,不過這個比清仔清妹人氣就差一d,事關個位唔係太好,好窄,唔係好影得哂囉! 還有一部分相冇post出來,大家想睇就去相簿的 "日本遊樂場@觀光塔" 的 1,2,3,4版啦~想查詢攝影都係一樣!好啦~~向大家報導整個項目的清息已經完畢,希望大家enjoy啦~~同埋有好多blog友都問我同一個問題,其實我在第一篇已經答左,但可能大家睇唔到,就係這個項目係免費入場,而且至到明年2月先完,大家可以慢慢先去睇,唔駛太急! 本blog記者 阿乃 於會場報導完畢! 編/攝:阿乃

日本遊樂園 @ 觀光塔 (2)

接上一回,今回開始由忍者屋講啦! 忍者屋內展示了好多忍者的武器,以及室內擺設,它的擺設流派是伊賀派忍者的格局,伊賀派係忍者流派中的其中一個大派別,如果大家有睇過 "忍" 呢套日本電影 or 漫畫的話應該知! 大家見唔見到中間的抵死機關呢,它是什麼?它是井字過三關呀!haha~~ 再進入內庭,你會發現有一個假的小竹林,旁邊有一個木架掛住一飛標,係可以比人拎黎飛d竹ga!睇下你飛唔飛得中囉!haha~~而另一角落有一個兩人紙板畀大家放個頭去影相ga~~基於比較樣衰所以冇影到比大家睇,亦發現亦冇男仔企去影紙板~~haha~~ 內庭的第三個位就係有一黑布掩埋的,唔知係乜,之後行入去就知,原來係一條短走廊,每一格有感應器,每向前行兩邊牆就會出現忍者的影!而地下就好靚,好似每一格就跌你落去既無底機關咁! 呢個係忍者屋的天花及燈飾設計,我覺得都係好現代既感覺,完全唔覺真係忍者屋的機關重重及探險的感覺囉! 出返黎,去返大廣場果度,準備過去區域二果邊的時候,點知係廣場一抬頭就影左呢一幅,好多好靚既紙鶴囉!紙鶴在日本人來說,象徵平安幸福,好的意思ga! 這是區域二的標誌,一個日本宮城,以及見到差唔多同新宿真的一樣既 "歌舞伎町一番街" 標誌,裡面有PS的試玩區,又有一間日本餐廳,更加有今次人氣最旺的日清展覽館啦! 這是Hello kitty的販賣專門店! 這就是區域二門口的PS2試玩專區,有5,6部機放係度比人任玩,不過全部都係 "捉猴" game囉! 另一邊就係一間日式餐館,我睇過D野食唔算貴,都幾合理,而且裡面仲分開左好多個車仔檔咁,又壽司、拉面、關東煮、串燒等。 而中間位置就仲係度裝修緊,一個半圓形的位置,係PS2試玩區隔離,應該就係報導所說的一元拍賣場,因為我偷望圍板裡面有一片台階,咁場內又唔見有拍賣場,咁應該就係呢個位啦!亦有可能係佢根本未完全開張,所以冇乜點樣報導同大肆宣傳囉!下一回我就講人氣最旺的日清展覽館啦~~大家記住留意呀! (待續:日清展覽館)還有一部分相冇post出來,大家想睇就去相簿的 "日本遊樂場@觀光塔" 的 4,5,6版啦~想查詢攝影都係一樣! 編/攝:阿乃

日本遊樂園 @ 觀光塔 (1)

上星期日下午去左澳門蛋碌完齡之後就去左觀光塔,目的梗係為左8月4日開幕的那個 "日本遊樂園" 啦!之後有blog友話看看我地去完的評價先再決定去唔去?亦有blog友向我投訴澳門旅遊局同觀光塔都冇任何資料可於網上搜尋!...... 好似這個項目都唔係好被睇好咁播!不過我要向大家都澄清一下,唔好連累無辜人士!這個項目係觀光塔的私人項目,而且觀光塔亦不是澳門政府的,所以唔關澳門旅遊局的事,旅遊局亦無理由幫你宣傳,對不對?另外贊助此項目的是日本領事館 & 日本旅遊局,而非澳門旅遊局,請各位攪清楚先!最後就係觀光塔的網頁的確係冇update d最新資料上去,包括這個項目 同 樓上的Hello kitty秘密之家,都沒有任何資料,這真係唔係好好! 這個為期半年,耗資500萬的項目,位於觀光塔地下一層的 "日本遊樂園" 究竟有什麼呢?好啦!解釋完就帶大家去看看有什麼東東在內啦! 首先大家見到既係地下一層的入口電梯,擺放了宮島大鳥居的模樣,兩旁附上櫻花裝飾。 這是電梯下的大廣場,廣場上有一個相僕比賽場,係for星期六、日的相僕表演呀!而其他旁邊果d係商鋪同cafe shop,仲有老亮仔樂園(畀小朋友玩ga) 呢個係廣場頂的富士山 & 子彈火車的景板,架子彈火車識行ga,不過就幾慢下囉!個天空底仲會變多種顏色,不過又真係幾靚ga! 這是相僕場的大特寫!以及大環境。 這是其中一間店舖的門面設計,都改用哂日本式的裝飾門面ga! 呢邊係電梯及相僕場後面的區域,這裡設有假的淺草雷門標誌、日式花園、祈願區、小橋流水、忍者屋,以及逢六、日才開放的花藝、茶藝教室。這區比較會謀殺記憶咭! (待續:忍者屋及區域二)有些圖片沒有貼出來,大家可到相簿的 "日本遊樂園@觀光塔" 的6,7,8版瀏覽,以及查看攝影詳情。 編/攝:阿乃

澳門漁人碼頭新建築

大家唔知知唔知呢?漁人碼頭的第二期趕工中,希望可以儘快開幕,而第二期有d乜,會有一間角子機館連頂層24小時美食中心、一間仿前利為旅酒店、一間叫巴比倫神殿的賭場,以及據說有一個歌劇院(因為未見到)。 早一個星期見到巴比倫神殿外牆已經開給試燈,非常靚,而且日與夜的外牆係完全唔同圖案及感覺的,今日我就影左一張夜景比大家看看!(住澳門的朋友or來澳門的朋友可以看一看日間的巴比倫神殿,就知我有冇講錯啦! 係咪好grand既感覺呢?我都希望佢快d開,開左又下去觀光,看看裡面的建築及設計風格先! 編/攝:阿乃

澳門新遊點—通訊博物館

現在向各位朋友推介澳門一個新的去處,就是剛剛於06年3月1日開幕的通訊博物館。今天我放假,中午開完會之後就去左通訊博物館睇下野!裡面真係唔錯,環境及設備唔錯,仲有好多野玩,有少少似香港的科學館咁!   但係就多左好多澳門特色,又有齊世界各地的郵票庫,比你慢慢查慢慢睇。現在地下做緊一個澳門歷代郵票展,展出澳門開埠至今出過既郵票。又有澳門流動電話的區域劃分(下圖),用駕車仔磁磚就知啦! 又有模擬澳門曾經出現過的水上飛機試駛(下圖),又有好多古時的通訊設備比你任玩任試(上圖),仲有專人講解。成個隨處見到好多輕觸式小遊戲比你玩,又可以親手做個人化郵票,又有迷你電影院,就連摩斯密瑪就有得玩。 本人除了喜愛玩jar飛機(上圖),另外最喜歡就是它設有一個錄影棚的東西(下圖),可以試做主播,報新聞報天氣,仲可以影埋相,即時錄影,仲有好多場景揀,非常有趣,喜歡潮既你應該唔會錯過ga啦! 簡介:博物館於星期二至星期日上午9時30分至下午5時30分對外開放,逢星期一及農曆新年首三天休息。(備註:於關館前30分鐘停止售票。) 郵政局轄下的通訊博物館集文化、科學和技術的特性,建構成為一間富實驗和互動特色的博物館。 2006年3月1日啟用的通訊博物館是一間讓參觀者在做實驗和學習的同時,又可以獲得娛樂的博物館。 博物館的展覽規劃為兩大展區:(上圖)一樓的郵政與集郵展區集合遠程通訊發展中使用過的系統與技術藏品和設備,還展示了與郵政局歷史息息相關的郵票珍藏和郵政器具藏品。 二樓和平台的電訊展區是博物館中極其互動的區域。除了展出與郵政局歷史發展相連的電訊設備外,廣集以電磁、靜電、直流電、交流電、電報、電話、無線電廣播、資訊處理、傳輸、模擬電子和數碼電子為主題的科學展品,讓參觀者瞭解電學和通訊學的基本理論。 集知識和娛樂並重的通訊博物館願為我們的智識型社會作出貢獻。 入場費用:(個人票)  成人 mop20、學生 mop10、65歲長者及3歲以下小童 免費(團體票)  澳門學校學生 免費、3至9人團體 @mop16、10人以上團體 @mop14(其他免費票)公眾:5月18日教師:澳門教育局發出的有效教師證國際博物館協會會員:須出示協會之會員證 地址:澳門馬交石炮台大馬路電話:(+853)718063    傳真:(+853)718018網頁: http://macao.communications.museum (因為今日冇帶相機,只用sx833手機去影低館內情況,所以有好多都震機!)編/攝:阿乃

遊澳門新地標的網頁

澳門旅遊局:http://www.macautourism.gov.mo/index.html 澳門旅遊塔會展中心:http://www.macautower.com.mo/tc/homepage.asp 澳門文化會館http://www.culturalclub.net/ 澳門16浦http://www.ponte16.com.mo/ 澳門漁人碼頭http://www.fishermanswharf.com.mo/ 希望這些網頁可以幫助各位了解澳門最新最潮的玩意及新地標啦!

澳門漁人碼頭:第三章 找尋入口及基本設施

也許,澳門人相當熟悉香港的主題樂園,但對本地出品可能所知不多,今次就為公衆揭開內裡乾坤。 在外港旁邊延伸出來的漁人碼頭,可從不同方位“登入”,近外港碼頭的唐城入口,金沙對面的入口等。若由外港碼頭方向進入漁人碼頭,看到一座中式城樓“唐城”,這裡建設成一個購物商場,並有文化展示廳,陳列唐三彩、靑銅器等古物,先感受中國的傳統文化氣氛。唐城旁的布達拉宮,依靠火山而建,外觀充滿西藏色彩。不過,當你進入宮中,發現“轟隆隆”的過山車、湍急的激流,原來就隱藏在山窿中。它的好處,即使如何大聲尖叫,保證山外人不知道。若覺得太刺激,已為小朋友提供四種機動遊戲,肯定不會悶。據悉,漁人碼頭正購買一些科幻電子遊戲,專為靑年人而設。走出遊戲區,又踏進了古羅馬建築群。半圓形的羅馬表演場,雖然沒有鬥獸表演,但會安排不同的豐富節目,首場即請來葉麗儀在開幕當晩獻唱。中國人遊玩,飮飮食食、消閒娛樂不能少。在羅馬表演場旁,穿越 白色的 君士坦丁門,仿佛走過“時空門”,一幢幢的歐陸建築物中,滲入不同元素,有國際時裝品牌、各國餐飮菜色,有如置身不同國度。正在趕工建築的巴比倫賭場、萊斯酒店落成後,眞是集合了不同的吃喝玩樂元素,預計06年中開幕。

澳門漁人碼頭:第二章 解構人造火山

澳門漁人碼頭明天開幕啦!五年期待,終於開幕!第二章就同大家解構下澳門第一個火山啦!   火山是位於東西匯聚內最觸目且最高的。每晚均有火山熔岩爆發表演供夜遊人士欣賞。火山內設有2款機動遊戲,包括:熔岩激流、室內過山車2款。火山裡面瘋狂尖叫,外面都絕對聽唔到,大家可以放心大叫啦!整個漁人碼頭入場費:Free  (開放時間:24小時)火山入場費:mop $10 火山內過山車:mop $40  (10:00am-9:00pm)熔岩激流:mop $40 (10:00am-9:00pm)

澳門漁人碼頭:第一章 解構分區

澳門漁人碼頭計劃是亞洲同類設施之首創,由澳門最有名企業家何鴻燊博士及旅遊娛樂業商人周錦輝先生聯合發展,估計總造價約澳門幣八億圓,佔地近1,000,000平方呎,設有巨型火山及阿拉伯式堡壘建築外,還有其他各國特色建築物。這項大型投資項目預計在2005年12月31日落成第一期並啟用。興建這座大型設施的主要目標,是針對家庭旅遊市場,因為這類遊客的增加,可帶動澳門酒店業、飲食業和整體經濟發展;同時,進一步確立澳門的國際旅遊城市地位。這一多元化旅遊娛樂綜合中心將由不同特式之建築組成。 碼頭分三個主題區域 (第一期)漁人碼頭按不同設計理念,分三個主題區域:唐城、東西匯聚、勵駿碼頭。 "唐城"是一幢仿唐朝建築的中式城樓,城內以購物商場為主,集潮流商品以至高級食府,城內另一特點,設收費的文化展館,展示珍貴古董。 "東西匯聚"區內,有 四十米 高的人造火山、阿拉伯堡壘、羅馬表演場、獨特主題設計的購物商場和寬敞的會展中心,度過美妙時光。 據表示,會展中心佔地 五千平方米 ,可以筵開一百三十至最多二百圍酒席,現已接到兩個預單,相信是舉行盛大婚宴的新場地。 "勵駿碼頭"以歐陸及拉丁式建築群組成,有名牌專門店,更有不同的街頭表演。 令人關注的巴比倫娛樂場,設有數十張賭檯,以及四、五百部角子老虎機,將於明年五月前營運。
- Advertisement -
Macau
多云
24.6 ° C
25.6 °
22.8 °
88 %
6.2kmh
40 %
週四
25 °
週五
28 °
週六
31 °
週日
30 °
週一
31 °

社交網絡

10,254粉絲Like
1,088追隨者Follow
10,328追隨者Follow
35追隨者Follow
27追隨者Follow
393用戶訂閱

最人氣文章