澳門人講飲講食

013 澳門人講飲講食：銀禧粥店 (粥品麵食類) 這間又是伴隨澳門中區成長的老牌粥店之一，現在比而前貴了好多，但仍然咁好食。位於白馬行的Inshoe's Net對面，由議事亭一直向bodyshop行，到bodyshop後再直行到g2000 & u2後，再直行就到。 銀禧粥店再直行就是國華、信達城、天神巷啦！ 它的粥品、湯麵都很不錯，唯獨比較貴，要成14蚊一碗，比起黃枝記平，但比起盛記就貴左一倍呀！當然盛記沒有麵食，粥亦只有皮蛋瘦、白粥兩款啦。 大家行到肚餓，但又唔想吃小食、甜品，想清清地，除了新馬路果邊的盛記白粥，噴水池那間貴到嚇死人仲要排隊的黃枝記，還有一間銀禧呀！ (都係未有影相，遲d補貼返啦！)編：阿乃

環球旅人早前去了位於新葡京三樓的 Casa Don Alfonso（當奧豐素 1890 意式料理），去試一試朋友口中所說，幾款重開後的 Casa Don Alfonso 招牌薄餅，還有當地人正宗的吃法......

位於高士德區鬧市中的日式料理小店「今生 VIDA」在9月開始試業，其裝潢充滿簡約的無印風格，並帶一點「禪風」的味道，早在試業前已讓筆者對這家店產生興趣，並冀望能成為治癒生活在繁囂都市的筆者的「深夜食堂」......

三款以清香蜜桃為主題的飲品：桃之花見星冰樂、桃之花見朱古力咖啡及桃之花見檸檬綠茶為春日揭開浪漫序幕。而櫻花系列商品亦同步登場，在全線香港及澳門星巴克分店推出......

023 澳門人講飲講食：生利咖啡美食 這間位於南灣區瑪嘉烈餅店隔離的舊式茶餐廳，係澳門屹立了多個寒暑，直到現在還保持住一貫作風、一貫裝潢、一貫味道，亦一直都具備人氣的茶餐廳。 大家可以乘搭新福利巴士(因為我唔識澳巴)：2、3、4、5、6、7、8、9、9a、28b、28bx、32、33 於葡文學校側站 或 殷皇子四世大馬路(即澳門廣場)站下車 或 相反方向的南灣時代商業中心站，步行30秒左右即可，至南灣CTM後街的所在地。 這裡出名d乜？佢出名既有3樣野~~ 1. 炸魚片 (美味指數達：9.5分)     為何炸魚片都出名呢？道道都有ga啦~~     沒錯，但呢度就係非一般炸魚片。你可以想像得到魚片可以炸到蝦片咁大，而且好似蝦片咁脆，一d都唔覺得食緊魚片，但又有陣陣魚味呢？哈哈~~     跟阿乃介紹既去食就冇錯啦！信我啦~~我成日都去幫襯ga！不過炸魚片就會有時未炸透，會有dd煙韌囉！不過就好唔錯ga！ 2. 牛腩面 (美味指數：8.5分)      d牛腩好林，好入味，好似食牛肉咁。如果食得辣既朋友可以加勁辣，我呢就唔食得辣，所以我只叫一碟辣分開上，自己加落去，認為夠自己的程度就好了！ 3. 豬扒包 (美味指數：8分)      佢既豬扒包雖然就冇乜特別，但勝在入味同超林，好似入口即溶咁既feel，我估當然佢鬆肉粉應該落唔少，但你咪理，人地就係林過哂出面d豬扒呀~~又食你唔死，有乜所謂！ 最後我要介紹我平時食開既 "煎魚片河"，其實是同樣好食，d煎魚片同出面整既有d唔同，唔知點解係特別香，同滑ga！有相睇呀(下面) mop$11 而呢個係同行者食的炸魚片香腸通粉！ (mop $14) 呢碟就係分開上的咖哩辣啦！(免費任落) 另外我要同大家講一聲，落單既時候你一定要講清楚你要既係 "炸魚片"、"煎魚片"、"汆魚片"(用滾水錄熟)，因為三種都唔同。而只有炸/煎魚片可以單當小食叫，其他都要跟面ga！大家可以看看價錢就有乜野食，真係好經濟ga~~ 這是店內環境呀~~如果撞正食飯時間的話，就一定會冇位，連有位坐低既，等食物來都等好耐ga~~平常下午茶時間就好快，幾分鐘就出ga啦D野食！(當然六、日就好多時就爆滿ga) 要做個識遊澳門既人，唔再停留大利同葡京，懂得捐窿捐罅做潮人，睇澳門人講飲講食啦！ PS.佢地嘩鬼三人組可能比我激死，又冇帶佢地黎呢度食野！ 編/攝：阿乃

027 澳門人講飲講食：Checkers格子咖啡 (潮格咖啡廳) 今次為大家介紹係一間位於皇朝區的型格咖啡廳，看見店門好有特色呀！好多時經過都以為係好貴ga！   你看看店內的餐紙，有經過精心設計ga~~仲有個好kawaii既咖啡杯公仔~~ 看看店內的陳設，都好有特色ga，有分為梳化軟座，以及普通硬坐兩類！而檯數不多，檯與檯之間都有足夠的空間，柔和的燈光，又有水族箱~~ 一入到來，我最喜愛的就係呢幅牆，好有層次感，下放了一個個蠟燭，應該係夜晚會點著佢ga！ 看看店內的吧台及其他位置，洋溢著濃厚的藝術氣息，不論是燈光、配色、格調，以至牆壁、藝術作品及珠簾的擺放，都顯出一番心思呀！店內的陳設裝潢：9分 究竟格子咖啡係邊？點樣去？看看下圖吧！連營業時間都有呀！ 大家又來看看Set lunch，都唔係好貴咋！係皇朝區算係平ga啦！ 又貼那一幅牆的相片~~haha 下圖呢個係一個下午菜set來的，26元，有多款選擇，而我地其中一個friends就揀左西多士配冰綠茶呀！賣相都幾唔錯ge！味道佢話同出面既差不多，不過就林d，冇咁脆囉！ 呢杯就係我叫既  Iced Mochachiro(冰摩卡其諾咖啡)，價值mop$26，咖啡味濃，而且忌廉恰到好處，帶出甜味，亦略有少咖啡苦味囉！綜合來說都有：8分 再來看看我地叫左d乜？看看下圖，我地叫左 "焗蜜麥厚多士" 、 "巨型雞扒三文治"，都唔係好貴，而且唔係度度有得食，所以就叫左啦！ 登~~登~~登~~登~~呢個就係 "焗蜜麥厚多士" ，好重楓蜜蜜糖味，又好鬆軟既面包，只不過個包皮有d燒焦左，總括來說都唔錯，只不過d楓糖未能滲入底部，導致上面太甜(因為我唔鍾意食太甜)，下面冇乜味囉！另外，其實個包皮係好味個包心，因為包皮脆脆地，又甜甜地，且唔會太甜，arm arm好！所以 "焗蜜麥厚多士" 既分數係：8.1分 (因為個包皮令人驚喜，所以比多0.2分佢) 之後就到呢個 "巨型雞扒三文治" 啦！我好欣賞呢個，因為除了雞扒，仲加有腿蛋，變成2層，好似公司三文治咁！另外，佢d雞扒係用香葉醃ga，所以同出面d雞扒好唔同，非常美味~~所以總分分數有：8.2分 之後大家都飲飽食醉，執一執檯，阿乃大師又要開壇為各位善信占卜啦！呢間既格調好好，非常適合占卜！我係玩石頭占卜，大家都話準，如果唔係d善信就唔會越來越多，而且有好多占卜，冇幾耐又要找我再占其他問題啦~~haha (UPDATE AT 2007-09-25：現在他們推出了多款套餐，每款都是29元澳門幣，有湯、沙拉、主菜、麵包、飲品呀！非常捧的哦！) 編/攝：阿乃

近年澳門很流行複合型餐飲空間，大多是以酒吧與餐廳結合為主，顧客可以一邊享受美食，又可以品嚐各式美酒。而今次跟小編TinTin去 梳打埠 Soda Port 首試這間可以同時滿足兩個願望的複合型餐飲空間啦......

近年來大眾愛追求健康，植物奶在飲品界開始崛起，對於喜歡喝奶的素食者來說，可謂是一大恩物，至於用堅果奶製成的奶蓋又有沒有試過？澳門皇朝區就有一家來自台灣的「Nuttea堅果奶」，這家是以全素手搖飲料為主打的品牌......

【星巴克大玩異國風情】Starbucks 櫻花季全新餐飲上市，精心打造富濃厚島嶼風情的大溪地雲呢拿及健康椰子水創意融入優質咖啡，搭配滿園春色的輕食，多款全新星巴克飲品、食品及商品將於 2 月 22 日起在各香港及澳門星巴克分店供應......

「KWANPEN 80 週年慶典下午茶」，由即日起至2018年1月30日，慶祝奢華皮革品牌 KWANPEN 傳承亞洲傳統，由澳門時尚匯購物中心及澳門麗思卡爾頓酒店的麗思酒廊聯乘推出......

澳門最新的週日環球早午自助餐，由瑞吉酒店與著名教育故事品牌 PAPINEE 合作，將美食與童話世界結合，以 PAPINEE 專門為瑞吉酒店設計的馴鹿 JAK 及一眾動物朋友為主題，帶你享受各國美食......

澳門瑞吉酒店的雅舍餐廳 Manor 推出全新的單點菜色，為饕客帶來難忘的海陸盛宴。餐廳精心搜羅優質及可持續捕獲之新鮮食材，包括澳洲Okan冕和牛、法國進口的George Bruck鵝肝以及南極深海的Glacier 51齒魚......

「澳門百老匯™」於9月1日至10月31日期間推出滋味「蟹」逅活動。饕客蒞臨「澳門百老匯」美食街內指定11間餐飲食府，可以以澳門幣88元起的價格品嘗12款令人流連忘返的螃蟹菜式。每間餐廳均選用當季新鮮食材烹調而成，為食客帶來多姿多彩的美食之旅。令人食指大動的螃蟹菜式豐富多樣......

澳門JW萬豪酒店「大堂酒廊」特別呈獻「美式傳統漢堡脆薯午餐」及「美式傳統牛排脆薯沙律晚餐」，小編已經試了午餐兩次了，很好吃，肉汁多且非常美味。每天以精緻上乘的進口食材烹調，讓工作繁忙的人也可品嚐精製美式菜餚......

各位，今天放工時，終於途經此區，我立即就拿出我的SX833充當相機，影返之前介紹比你地既食店d相，全部已經更新哂，你地可以去返之前D網誌度看看。 另外，有些地名需要改正，一直我說的大堂斜巷，其實真名叫"大堂巷"(所以網誌經已更正了)，大堂斜巷係另一條(見上面的手繪地圖)。 本來我想影埋002所介紹的第一檔魚蛋檔，可惜佢今天又休息，所以沒影到。但我就特意你看看佢叫乜名，原來叫"陳林記"，我食左咁耐都唔知佢叫乜名，真係攪笑。 上面的手繪地圖是我畫出來的，比較核突，但明確標明街名、位置以及方向，大家仔細留意一下啦！但006的金寶其實都係附近，應該係地圖的左邊大堂街箭頭行下去就見到啦！(因為我驚d字太細，所以唔敢畫得咁仔細，否則乜字都睇唔到！) 下圖是從土木實驗室影返過去廣場，看看，真係有十字架ga，我冇扼你地ga，唔係淨係得個名ga！ 編/攝：阿乃

今屆美食節以「發現美食新煮意」為主題，糅合「美食航海」的元素，邀請市民及旅客一同從本土傳統美食中尋找更多新奇有趣的餐飲，今次把西灣湖下層打造成別具特色的「日本村」......

澳門康萊德酒店 2018「粉紅革命」又來啦！為期一個月的粉紅革命活動，將帶來主題餐飲美食、烹飪班、水療療程等一系列多采多姿的體驗，當然還有特別版康萊德小熊及鴨子......

早前又去了澳門JW萬豪酒店的大堂酒廊，原來之前推出的牛魔王已經完了一段時間，現在是全新的法式午餐，以及用了 2 天時間製作的慢煮豬肋骨晚餐，同樣滋味呀！法式午餐就是「牛角麵包三明治」及「秘製燒烤醬豬肋骨」晚餐，小編今次就試了這些新菜式，嚴選優質上乘的進口食材烹調出美味的輕便快食，完全不輸之前的牛魔王系列......

新濠推出「濠玩濠食75折」限時優惠及「濠賞澳門人」回饋澳門居民。即日起至7月31日期間，去新濠天地、新濠影滙、澳門新濠鋒及摩卡娛樂場內指定商戶消費，低至75折，共同留澳享用不同優惠......

026 澳門人講飲講食：小上海鍋貼 這家店對每個澳門人來說並不陌生，亦可以說幾乎每個澳門人都幫襯過ga啦！位於賣草地外賣小泉居隔離既巷仔內，以傳統方法製作的鍋貼、生煎包！   其實唔係間間上海菜有生煎包賣ga！而且這間店，每次都有大批人係度等新鮮既生煎包、鍋貼、煎餃子出爐，佢仲要係o係你面前煎，保證係最新鮮~~ 以前自由行未開放既時候，澳門都唔算繁榮既年代，我地已經要排長龍買佢既上海食品，而家可能係更誇張tim呀！ 講返先，佢每個賣的價錢由 1蚊至2蚊澳門幣不等，超級平平平~~好多時d人都一買就十幾，廿幾隻咁買ga！所以有時你排到好前，都未必有你份，可能都要等下一輪出爐呀！ 佢最出名既都係得三樣野，包括：鍋貼、煎餃子、生煎包 好味程度達：8.8分ga~~ 希望下次再次來澳門，又多一個小食店，可以買野食啦！雖然我都知，好多雜誌、書藉都介紹過，但在此我都要再介紹好一次，因為我成日都食ga~~真係好唔錯，又平既上海小食呀！ 編/攝：阿乃

環球旅人早前去了黑い羊居試一試這個「燒肉盛宴」，有很多比較少見的串燒種類，都可以在這個放題找得到，包括：燒雞皮、燒甜薯、燒黑松露雞肉、燒鮑魚、豬腳......而且還不算貴，不到澳門幣兩百塊就可以吃兩小時啦！是否很划算呢？

澳門銀河迎來國內「花悅庭」於澳門開啟首家分店，融合京淮特色菜彰顯地道烹調精髓，為廣大饗客呈獻獨具地方風味的精緻餐飲享受。已於2024年1月18日盛大開業，是該品牌在上海、廣州及深圳以外地區的第八間分店，被譽為果木烤鴨界的「天花板」......

環球旅人早前到訪了澳門喜來登大酒店的「喜柏」咖啡酒廊，發現近日推出了季節限定味遊東瀛菜單，帶領大家以味蕾遊歷日本，地道經典包括咖喱豬扒飯、鰻魚飯、大阪燒......更可搭配多款清酒及特調......

019 澳門人講飲講食：西灣安記   它是一間老字號茶餐廳，佢最出名既係豬扒包。大家唔好以為taipa的大利豬扒包先係澳門豬扒包，呢間都係澳門豬扒包既俵俵者！ 我最鍾意食佢d豬扒系列，包括：1. 炸豬扒干撈意  18蚊2. 豬扒包 / 多 (一定係炸ga)  8蚊3. 炸豬扒燴意  18蚊 除左豬扒系列之外，仲有好多選擇，佢粥粉面飯、腸粉、包乜都有。仲有d好攪笑既包，如駱駝肉包......不過本人就未試過啦！ 佢既老鋪位於南灣既燒灰爐巴士站，可乘搭新福利6、9、9A、28B到達。仲有其他分店，包括位於：(中區)板樟堂 大堂巷聖安娜隔離(松山)何東中葡小學 對面(新口岸)中華廠商會大廈隔離好似仲有分店ga，不過唔係好記得啦~~ Tips：澳門馳名中外的澳門豬扒包賣點大解扣大利豬扒包  係  自製炭烤包為賣點，而唔係塊豬扒，而且佢豬扒有骨。西灣安記豬扒包  係   塊豬扒為賣點，它是用天婦羅的方式去炸豬扒，而且冇骨。葉熾記豬扒包  係  澳門首間發明豬扒包的食店，簡單來說就是澳門第一豬扒包，澳門豬扒包發源店。 咁大家可以按需要去食屬於澳門的豬扒包啦！ps.除大利外，另外的都唔駛排隊~ 其他澳門blog友可以幫我補充ga，又或者你的意見！我知道應該冇人未食過呢三間既豬扒包！(本人就最唔like大利，因為有骨，一不留神就咬到牙痛)thanks~~ 編/攝：阿乃

星巴克一直致力為顧客創造最完美的星巴克體驗，為更貼近會員的需要，星巴克宣布推出全新Starbucks Rewards™ 獎賞計劃，計劃將於2016年10月17日正式推出。並於10月17日至10月31日期間，新星級及綠星級會員只須憑已登記之星巴克卡消費以累積8粒星星，即可破天荒自動晉級成為金星會員。而金星級會員於推廣期間，憑已登記之星巴克卡消費以累積8粒星星，將獲延續金星級會籍一年。 金星級會員每累積滿25粒星星，將可換領1杯中杯裝手調飲品或1件指定食品......