fbpx
26.9 C
Macao
星期五, 29 3 月, 2024
首頁 作者們 文章由 Benjamin

Benjamin

961 文章 34 意見
環球旅人&旅居 總編輯|一名旅遊編輯、旅遊達人,也是朋友的旅遊顧問及澳門旅遊導賞。曾任藝術中心主任、網絡電台及電視台總監、雜誌編輯、平面設計、博物館策展及導賞...... 2005年開始寫作,於2012年投身製作網路電台及視頻的旅遊節目,並創立了澳門首個-網上旅遊媒體「環球旅人」,更於2020年出版「旅報」電子月報、「旅居」電子旅遊雜誌。(聯繫、合作或邀約:[email protected]

澳門機場開通香港直通快線登機服務

0
澳門國際機場專營股份有限公司聯同多家航空公司及噴射飛航,在香港信德碼頭推出“直通快線登機服務”。 澳門國際機場專營股份有限公司市場部署理總監鄭淑群表示,使用“直通快線”服務的乘客,在香港信德碼頭辦妥行李托運手續後,抵澳後便毋須辦理一般出入境及海關手續,由接駁巴士直接前往澳門國際機場離境大堂登機。相信該項服務會吸引到更多香港居民使用澳門國際機場的航線服務。 吸引港客使用澳機場 澳門國際機場專營股份有限公司聯同多家航空公司及噴射飛航,昨日上午十一時在香港信德中心碼頭舉行“直通快線登機服務”開通儀式,由澳門國際機場專營股份有限公司執行董事劉蘇寧和信德中旅船務管理有限公司副總經理康宇嫻主持。 “直通快線”是澳門國際機場去年在香港成功推出“興奮遊澳門起飛”旅遊計劃後,在香港推出的另一項吸引香港遊客到澳門使用機場服務的活動。 鄭淑群指出,歷來港澳兩地居民的交往十分密切,加上近年交通方便,除了有澳門居民使用香港的機場服務外,近年由於本澳機場的航線網逐漸擴大,以及低成本航空公司成功進入市場,也吸引了一部分的香港居民使用澳門國際機場的相關服務。 因而,澳門國際機場期望透過“兩關一檢”的通關模式,令使用澳門國際機場乘客的行程更加方便。 抵澳毋須辦入境手續 她介紹,為讓香港的旅客享受更加方便的服務,任何香港旅客如選擇經澳門國際機場搭機往內地或其他地區,可於香港上環信德中心碼頭地下G02新增設的“登機專櫃”,預先辦妥經澳門機場的登機手續,即可由專人處理行李托運。 抵澳後毋需辦理一般出入境及海關手續,即可乘搭“直通快線”接駁巴士直接前往澳門國際機場離境大堂登機,令旅程更加輕鬆。只要乘客在不少於所乘搭航班出發前兩小時四十五分鐘,並持有指定航空公司即日已確認機位的機票或者電子機票,以及持有有效旅遊證件及簽證,均可享用該項服務,服務時間為每日上午八時半至下午四時半。 每天由澳門外港碼頭開往澳門國際機場的“直通快線”接駁巴士共有四班,分別為上午十一時,下午三時十五分、五時和傍晩六時半。回程亦提供中午十二時,下午一時、三時、五時半、六時和晩上八時共六班空海接駁巴士服務,由澳門國際機場開往外港碼頭。 推四至七月旅遊套票 同時,澳門國際機場和航空公司因應該航線的開通,推出由即日起至本月三十日,有效期為四月至七月的旅遊套票計劃,最低為港元六百六十三元九角,包括機票、三日兩夜酒店住宿,為了吸引更多旅客使用“直通快線”服務,配合航空公司及登機專櫃啟用,噴射飛航為首一百名使用該服務的旅客,贈送噴射飛航單程澳門往香港普通船票。 (轉載自澳門日報2007‧3‧20)

環遊世界?私の環遊地圖 (國語版本)

0
各位,大家好!我今天在天空部落新了新blog,已往我都是在yahoo blog香港那邊的!希望大家多多支持!也因為我是澳門人,大部分的blog文也是用廣東話寫,所以現在要重新將之前的blog文,一篇一篇用國語版本寫上,並轉貼在這裡!將來會有更多的文章轉成國語版本在這裡post出來!(你們看看分類就知道了!)如果大家看不明白,可以看看最每一篇最底下有廣東話教室部分,也是不明白的話請告訴我囉! (國語版本)環遊世界,是否每個人的夢想呢?我就不知道,但是我都希望可以環遊世界,體驗世界各地風土人情,藝術、經濟等等的發展!其實去旅行的確學到好多好多東西,而且有很多都是書本上學不到的,一定要親身體驗呀! 譬如去澳洲你才會知道,原來當地人很討厭袋鼠,因為它們地常常走入人家的農地、花園裡面破壞!而非書上所講的珍貴國寶,而且在澳洲還可以食到袋鼠肉乾、袋鼠餐等~~haha又如澳洲的樹熊,常常給人抱來拍照,它的手指甲好長,抓得你好緊好痛,還要你捧住佢屁股才可以take photo,之後工作人員講回來,原來它們是驚慌你會甩他們下地,所以當你是樹枝,抱得好緊好緊,生怕自己跌死~~haha 還有大家不好以為去到法國可以講英文,雖然他們真係大部分識講識聽,但因為他們覺得自己的文化比較優秀,所以好多人即使懂說懂聽,也扮作不懂(當然有人真的不懂囉!),留難你,真係給他們吹脹。 試想想從我3歲開始,我父母去旅行總帶上我,另外以前只有傳統相機,我又很懶惰,不太想scan d圖上來。haha~~直到2000年開始我就開始跟朋友一起自助遊為多,那時才開始自己拍攝,2003年才有自己第一部數碼相機,才會有那麼多相片出現。說到底,我都好enjoy自助遊的方式去旅行。 最後,做一張世界地圖給大家看看,我的環遊世界完成左幾多呢?下面這幅地圖我做了幾天啦,做完才發現,原來自己還有好多地方還未去過(白色部分),去過的都粗是很多(橙色部分)。 我今年計劃再想去的地方包括:台灣、澳洲另外,目前我最想去的地方:埃及、希臘、杜拜、墨西哥馬雅遺產、秘魯馬丘比丘、南非、新西蘭、西班牙+葡萄牙、東歐......你要我說,可能數都數不清呀!(上圖中)我去過的西歐12國,都是跟著旅行團的,當時是20日玩透12歐洲的超值團,是報了勝景假期的團來的!包括:英國、法國、比利時、盧森堡、瑞士、荷蘭、丹麥、德國、捷克、奧地利、意大利、摩納哥 (下圖清楚標出正確位置了)大家去過那裡呢?又想去那裡呢?有什麼趣聞呀?大家不如分享一下丫!編/地圖製作:阿乃廣東話教室:吹脹 = 氣爆了!

澳獲選最具前景亞洲旅遊目的地

0
(轉載澳門日報2007-3-13)   旅遊局訊:在德國舉行的柏林國際旅遊交易會中,澳門獲二萬六千個德國旅遊業界代表評為亞洲最具前景的旅遊目的地,並獲GoAsia頒發“2007未來大奬”。 柏林旅遊交易會是世界最大型的旅遊交易會,也是首屈一指的旅遊業年度盛會。 德國旅遊界代表評選 率領代表團出席德國柏林旅遊交易會的澳門旅遊局副局長文綺華表示,澳門能在衆多的參選地區中脫穎而出,獲得GoAsia的奬項,是一項殊榮,同時也顯示德國的旅遊業界已留意澳門的新轉變。 獲GoAsia頒未來大奬 “2007未來大奬”是GoAsia今年新設的奬項。GoAsia的傳播總監葛芬庭(Frank Grafenstein)在頒奬禮上指出,這個新設的奬項是為表揚具創新精神的業界,澳門在原有的歐洲文化上創出嶄新的面貌,成功地提升對旅客的吸引力,所以澳門獲奬是實至名歸的。 其他奬項包括最佳旅遊局、最佳旅行社、最佳航空公司及最佳亞洲旅遊目的地等。各個優勝者由GoAsia的成員在網上投票選出,成員包括旅行社、航空公司等。 GoAsia在二○○三年成立,目的是在非典型肺炎疫情後,重建熱衷於旅遊的德國人到亞洲旅遊的信心。 -----------------------------------------------------------------阿乃讀後感:其實澳門自2001年開始就不斷獲得很多的國際獎項,範圍包括機場、城市、歷史文化、旅遊、潛力、都市xx大......正是本澳發展的成就,但其實同時有得必有失,失去的是舊有的小城風貌,得到的是繁榮盛世!有好有唔好!而本人比較念舊,總覺得昔日的澳門比現在美很多!不知大家澳門人 / 非澳門人的感覺呢?

新葡京娛樂場周日開幕

0
新葡京娛樂場周日開幕澳博新旗艦賭場“新葡京”將於周日(十一日)隆重開幕。新賭場一改過去澳博讓傳媒“先睹為快”的傳統,跟美資賭場一樣保持“神秘感”。然而,澳博董事兼營運總裁吳志誠肯定會予外界耳目一新的感覺。他透露,計劃開幕日推出持續性的現金抽奬,以作招徠。總投資逾五十億的“新葡京”項目,定於周日舉行娛樂場開幕典禮。在正式開幕前,當日下午三時見證四十年“葡京”兩代風雲的“賭王”何鴻燊將主持新聞發佈會,還有一系列表演節目。 澳博擬於開幕當日推出持續性的現金大抽奬,初步計劃每十或十五分鐘抽奬一次,抽中某賭檯的某一位置、某一角子機的幸運兒,凡“埋檯”或玩角子機的賭客,都有機會中奬。澳博正與政府商議有關推廣計劃,日內將公佈規則。他預計,在“新葡京”開業初期,平均每日可吸引五萬至六萬旅客人次進場,新春假期的人數或許更高,他對“新葡京”未來的業績表示樂觀。 “新葡京”開業初期設有二百四十張賭檯、四百八十臺角子機,暫不設貴賓廳,但肯定將來會開展貴賓廳業務。酒店房間配套方面,接駁新、舊“葡京”的行人天橋將在開幕日同時開通,客人可經行人天橋往來“新葡京”的賭場及葡京酒店之間;連接兩項目的地下行人通道則於年中啟用。 酒店部分未完竣的“新葡京”已做足一切防範措施,並受政府有關部門監管,確保施工中的酒店裝修工程不會影響猶如“金蛋”的新葡京娛樂場的運作和安全。 蘇樹輝相信,這座四十多層樓,高二百廿八米,佔地一萬二千平方米的大型建築全面落成後,必將成為澳門的新地標之一。 一如其他博彩公司,澳博在“新葡京”的宣傳推廣上,着重“以人為本”,盡打“員工牌”。在昨日的員工培訓計劃發佈會之前,澳博破天荒舉行了“新葡京”新制服“花生騷”,由員工親自擔綱“演出”。發佈會上亦以員工招聘、培訓及福利制度為主打:“新葡京”在首階段聘請了三千名員工,多數是由澳博其他賭場抽調的優秀員工,加上增聘的人員,現階段人手足夠應付。將來會視乎業績,考慮繼續增聘或從澳博其他娛樂場抽調人手。“新葡京”的員工福利制度,有額外假期、延伸至員工家屬的人壽保險和醫療保險等,藉以增強員工對公司的歸屬感。至於待遇條件高於澳博其他賭場,吳志誠不認為會引起不公平,如果新制度效果良好,將推廣至其他賭場。 吳志誠及澳博業務發展總裁麥輝霆均對新賭場的內部設施暫時“賣關子”,但肯定“新葡京”會是澳博旗下最漂亮的一家賭場,風格絕對有別於澳博其他賭場,將予人“驚喜”。 將於本月十一日部分開業的澳博“旗艦”新葡京酒店及娛樂場,其外形所以設計成盛開的蓮花狀,目的就在於要彰顯澳門自古以來就以地形名,被國人視為“蓮花寳地”的形象,蓮花也是澳門特別行政區的區花,為澳門最主要的標誌之一。他說,以蓮花為外形,還有象徵澳博作為本地企業,植根澳門,秉持“愛國愛澳”理念的意義。 遊客:新葡京門前幾張刀新葡京開幕在即,建築外形畢呈,龐大的圓球外觀吸引不少遊人駐足。有說新葡京外形像太空船,亦有人擔心頂部建築層層凸出,認為很危險。講到談論率最高,還是其風水局。旅客認為,“做賭冇可能唔講風水,你睇佢門前幾張刀(門前裝飾),把把都咁利!” 新葡京開幕日期一改再改,現定二月十一日開幕。由於外形獨特,不少旅客經過均感好奇,更駐足議論。澳洲華僑陳小姐表示,新葡京設計很特別,尤其是凸出的金圓球,笑言“未見過咁大個圓”! 除圓形外表,新葡京頂部設計層層凸出,“好似跳咗出嚟咁,安唔安全?”陳小姐笑言。昨日剛由葡京出來的何先生,來自潮州。他表示,每次來澳均會到葡京,皆因其是澳門地標建築。不過,現時葡京人流明顯疏落了許多。他說,日後新葡京開幕,亦很想進內參觀,皆因其同叫“葡京”,想看看與舊葡京有甚麼不同。 談到何先生最好奇的,還是新葡京的風水局。他認為,做賭不可能不談風水,“門前刀,張張利!”何先生笑言很想到內裡看看佈局,一解玄機。 珠海的羅小姐表示,新葡京外形新穎、富藝術感,尤其是龐大的圓形外表,笑指像太空船。她表示,外面這麼特別,很想知道內裡到底有多豪華。至於會否開幕日專程來澳參觀,羅小姐表示不會。 (以上兩段新聞轉載自澳門日報2007‧02‧06)(圖片亦轉載澳門日報) 後記:其實我地好多澳門人都覺得佢好核突,就好似一個香爐再加一個神主牌咁!仲係度不停咁變色呀、閃呀!勁耀眼,真係為難了附近居民!日日比人哂死!如果你係附近馬路行過的話,你會覺得有好大壓迫感ga!因為個 "香爐" 太大,又好近馬路,條馬路又唔係闊,個感覺係好迫囉!唔知你又覺得佢點呢? 文‧阿乃

除夕倒數 @ 漁人碼頭

0
今日係06年12月31日,係06年的最後一日,同一班friends一早安排了一連串的活動進行。佢地係我日本的團友,唔知大家仲記唔記得啦!(雖然日本遊記仲未完)包括:N小姐 & C先生,K小姐 & Bf,L小姐   下午5點到澳門蛋打保齡,打完保齡去了雅廉訪的荷里活扒房食鋸扒,(在此嗚謝L小姐的Bf 幫忙去等位呀!)食克之後大約9回左右,就去左漁人碼頭啦! 漁人碼頭由於剛剛正式開業,開了好多我都未去過既新設施,今日一次去哂佢!不過冇玩,因為個個為除夕倒數,勁多人,而且Alan Tam 譚詠麟 係漁人碼頭有倒數演唱會,所以好好好多人囉! 我地泊車都好變態咁多人囉!首先去到既時候剛剛漁人碼頭地下停車場滿左,要U turn出返去!好失望咁再去前面新開既巴比倫娛樂場既停車場,見到d friends既電單車泊度係呢度,但係私家車又係冇位!Oh~No~~勁失望呀!點知我一駛出去,見到隔離個科學館地盤點解有車入既?唔通有位泊?咁我又跟住又去啦! 原來真係有得泊呀!唔知漁人碼頭點解咁勁,竟然可以借到澳基會個科學館地盤比我地泊車,重要係好大,好好車都泊得落,兼且最最重要係免費! Yeah~~ 跟住我就好快咁會合返佢地!就準備 第N次 遊覽澳門漁人碼頭(不過今次係睇d新野囉!)唔講咁多,我都知大家好心急要我去片睇相ga啦! 首先登場既係巴比倫娛樂場。 仲有火鳥角子機中心。 之後就係巴比倫對面的 "箂斯酒店",間間都有獨立露台ga!仿十四至十六世紀英國古式酒店的設計,內堂極盡奢華呀!再加上白色宙典旋轉樓梯,豪住海景之選! 東西匯聚的 "勵駿大道" 呀!(多人多都爆!而且倒數既時間所有人都係哂呢條大道,排滿哂d人!) 葡萄牙館的 Rainbow大樓後面的 國際旅遊展!(有好多免費旅遊資料呀!我都get左d杜拜、英國、匈牙利、紐西蘭及埃及既旅遊資料!)ps. 櫃檯人員仲比左一隻杜拜既宣傳光碟我呀!~~ 之後就係影D各國巡遊花車比你地睇!First. 歐洲 Second.大洋洲 Third. 澳門漁人碼頭 Four.美洲 Fifth.亞洲 Sixth. 澳門 仲有重新開放的布達拉宮同即將開放於三月開放的唐城! 仲有剛剛新開左一個星期的 秘密機地遊戲機中心,裡面有齊動感影院、凌空單人真實賽車,多款日本最新的遊戲(如祭禮之達人、多款賽車、夾公仔機),仲有好多賽車game、滑水滑雪划艇、撞碟......應有盡有,適合大朋友玩樂! 當然仲有過埋元旦先拆既聖誕樹啦! 食哂雪糕,又行埋成個漁人碼頭啦!成11:45分梗係設去勵駿大道啦!準備倒數丫嘛!講真,我六、七年都冇做過呢個舉動,因為我唔鍾意人多!呢兩張係未倒數時既合照,一張我jar機,一張N小姐jar機! 倒數完就走啦當然!我地行返去get car時,見到巴比倫門口出現人潮,d人倒數完就去賭場碰碰運氣,睇下自己今年好唔好運呀!haha~~我地就梗係快d走啦~~否則就會勁塞車ga啦!因為觀光塔果邊都係同一條路,所以屆時就勁塞車!行到巴比倫果邊補影返 中東的花車及雕塑! 之後就返歸,get左car,我用了10分鐘塞車就返到屋企啦!(因為我屋企同漁人碼頭係呢條海邊路的一頭一尾,所以好快就可以返到去。不過平時3分鐘變左而家10分鐘都已經好好ga啦!)現在咪寫blog比大家睇囉! 我最後仲get左一本正式開幕的小冊子呀!編/攝:阿乃

澳門漁人碼頭正式開幕,大型旅遊展及新設施開張

0
澳門漁人碼頭試業近一年,終於在昨晚(2006‧12‧23 5:30pm)正式開幕!引來好多澳門居民、遊客到場參觀呀!   同時並有4個新設施開張,分別是:仿16世紀維多利亞式的 箂斯酒店 (全海景房數十間)仿巴比倫空中花園設計的 巴比倫神殿娛樂場漁人碼頭自助餐的 非洲村以及角子機中心質food court的 火鳥角子老虎機中心 其實第一期仲有唐城還未開張,預計07年3月開幕,內設古物博物館ga!而第二期更有5間不同主題的酒店及一間皇家歌劇院登場呀!唔講咁多,先畀3個新聞片段比大家睇先! 澳門漁人碼頭開幕 ( Copyright by TDM )http://us.i1.yimg.com/cosmos.bcst.yahoo.com/player/media/swf/FLVVideoSolo.swf 澳門漁人碼頭新設施開幕 ( Copyright by TDM )http://us.i1.yimg.com/cosmos.bcst.yahoo.com/player/media/swf/FLVVideoSolo.swf 澳門漁人碼頭的國際旅遊展開幕 ( Copyright by TDM )http://us.i1.yimg.com/cosmos.bcst.yahoo.com/player/media/swf/FLVVideoSolo.swf 我一次貼3段片比大家,唔知大家鍾唔鍾意我收集返來既資料,以及我為大家的報導呢? 文:阿乃相片:澳門日報影片:擷取自 TDM...

澳門特區成立日 遊 海洋公園

0
其實係未去之前,已經知道20號係有勁多澳門人都會過香港,不過目的地不盡相同,有的去迪士尼,有的去海洋公園,有的去添馬艦嘉年華。還有的因為請了21號的假,湊成20-25號 / 20-26號的六日或七日假去一個中長線旅行!而我係澳門碼頭已經撞到好多朋友,有大部分都話去迪士尼,有少部分去海洋公園啦!而係海洋公園梗係都撞到d friends啦! 其實係未去之前,已經知道20號係有勁多澳門人都會過香港,不過目的地不盡相同,有的去迪士尼,有的去海洋公園,有的去添馬艦嘉年華。還有的因為請了21號的假,湊成20-25號 / 20-26號的六日或七日假去一個中長線旅行!而我係澳門碼頭已經撞到好多朋友,有大部分都話去迪士尼,有少部分去海洋公園啦!而係海洋公園梗係都撞到d friends啦! 而我就選擇了去海洋公園,其實已經十幾年冇去過ga啦!haha~~一去到就去了聖誕特設區域先啦! 參觀了愛斯基摩村! 今趟的兩位tourguide(Kieth、阿當),仲有一齊過去香港的amy~ 聖誕老人屋! 之後amy話要玩攤位遊戲,只需數分數,花了30hkd,就中了兩隻中公仔,一隻細公仔!(這裡的攤位容易過澳門美食節的好多好多,而且公仔款式又多又靚,絕對不是澳門那些長手長腳怪物) 之後又入左去一個透明波,呢個透明波太恐佈啦!一陣臭味都唔在講,仲要成30幾度,變態ga!叫阿Keith快d影完,快快咁出返來! 跟住又去左玩果隻唔知什麼船,總之就係一野衝下去,成身濕哂果隻啦!(我唯一夠膽玩ga!係極限黎ga啦!再多少少離心力就要又急救站ga啦!) 我玩完成身濕哂!好在我包到實~~如果唔係頭都濕埋!(仲比人話係巴基斯坦人,真係) 之後就去了越礦飛車,只有Kieth 同阿當兩個玩!我死都唔會玩,寧願打死我!haha~~ 之後又去了海盜船!都係一樣,又唔玩!我呢d老人家,經唔起刺激呀~~ 我就係附近影下相囉! 食過午餐!(我、Amy食M記,阿當、Keith食金香雞)原來海洋公園M記係冇套餐,而且每樣食品單價都貴30-40%而且排隊都要排好耐tim~~ 之後去了海洋館,再去水母館!見到好多水母,影左d相呀! 七彩的水母櫃! 睇完水母又坐纜車去山下啦!到了山下部分,去了兒童王國、熊貓館、海豚飼養場,以及阿瑪遜幻影森林,仲係獨木橋影相tim! 最後成6點幾就離開海洋公園啦!指定動作係o係門口影相~~仲狂搵附近d人來幫忙拍照,人地又叫我地幫佢地!其實一連串你幫我影,我幫你影都幾惹笑ga! 離開海洋公園!我地坐的士去銅記既時代廣場,又係果度影相! 又係一班人要我地幫佢地影,之後又幫返我地影! 7點幾就開始去時代廣場shopping啦~~阿當話要換果個月曆,如佢所願,我一張單夠五百元,佢可以換啦!又去了馬莎、JC Shop。而我就去Fancl看看有沒有我想要的 "抗鼻敏紫蘇",因為我鼻敏感又開始作怪,諗住澳門fancl冇,香港會有啦!誰不知佢話唔出啦~~而家只有 "抗敏元氣",咁我梗係返澳門先買啦! 當然我又去了無印啦~~我發誓,我唔會再好似上一次咁,買到痴左,張單長到......,阿當、Kieth佢地上次驚訝到 O 哂嘴!那我今次都係百幾o者!唔係再話我瘋狂啦~~知唔知道? 買完野又睇完野!成9點幾,我地買了10:30船返澳門(因為今日係澳門假期,所以會勁多人果d時期返澳,而且我地晨早買ticket時,都只有10:30pm、12:30pm、4:00am我地揀,真係好恐佈!) 最後9點幾我地就決定返碼頭先食飯!阿當、Keith就等朋友收工再自己去食!就咁係時代廣場分別啦!不過好快又見ga啦! 我地回到碼頭已經9:50分,我立即去吉野家快速食晚飯,我叫了新出品《牛肉火鍋》,只需hkd 39,我都覺得幾好味!但澳門暫時都未有吉野家,係日本就食得多,係香港都食過幾次啦!發現香港《牛肉火鍋》比較貼近日本的品質及味道,其他的真的有待改進!   同場加映海洋公園發現兩極品:迷人Pink Lady~~(照片經特別處理) 以及烈焰紅唇!(照片經過特別處理) 仲有一d相及其他部分可以去阿Keith果邊看! 編/攝:阿乃另攝:Keith、阿當、Amy、以及多位路人甲

西灣湖畔今展世遺冰燈

0
為配合第六屆澳門美食節,由澳博冠名贊助的“澳博冰雪世遺冰燈展”今起在西灣湖廣場下層(旅遊塔側)揭開序幕。主辦單位特別邀來哈爾濱冰雕大師,把大三巴牌坊、燈塔、媽祖閣等世遺景點,變成一座座的冰雕展示人前,同場還展出愛斯基摩人雪屋、冰雪滑梯等玩意,展期至明年二月廿五日。 首次以世遺為主題的冰燈展,佔地五千呎,設有十五組冰雕,除了富北國風情的愛斯基摩人雪屋、冰滑梯、北極熊和企鵝外,還有八組世遺景點冰雕,包括金蓮花、大三巴牌坊、媽祖閣等。此外,更將展出新葡京酒店娛樂場的冰雕造型。 冰燈展門票二十元,冰滑梯每次收費五元。美食節期間,冰燈展開放時間為周一至四下午五時至十一時、周五至日下午三時至十二時;十一月廿七日至明年二月廿五日開放時間為每日下午三時至十一時。 (轉載自2006‧11‧10的澳門日報)

澳門科學館奠基○九年落成

0
由國際級建築大師貝聿銘設計的澳門科學館昨日奠基,預計○九年落成。澳門科學館股份有限公司董事長吳榮恪表示,特區政府投資興建科學館的首要目的是科普敎育,其次是配合澳門旅遊城市的發展,並將澳門建設成科技交流中心。他表示,科學館的展品和擺設力求不會與鄰近地區的同類展館重複,期望社會各界都能支持科學館的建設,做好各項工作。 特區政府於昨日上午十一時假澳門文化中心對開塡海地舉行澳門科學館奠基儀式,由行政長官何厚鏵主禮,以及為科學館紀念牌匾揭幕。 出席奠基儀式的嘉賓還包括中聯辦副主任高燕,外交部駐澳特派員萬永祥,立法會主席曹其眞,運輸工務司司長歐文龍,建設發展辦公室主任羅定邦,澳門科學館股份有限公司董事長吳榮恪,建築師貝聿銘代表貝禮中,以及通利建築置業工程有限公司總經理鄧儉文。儀式後,何厚鏵在嘉賓的陪同下參觀了有關澳門科學館設計過程的展板,並由貝禮中作介紹。 澳門科學館是一項由政府投資的大工程項目。興建科學館肯定是以科學普及為主,其次是配合澳門旅遊,希望為澳門增添多一個旅遊景點,爭取延長旅客逗留時間,並且將澳門科學館建設成科技交流平臺,把澳門定為地區性的科學交流中心。 至於科學館內日後的展品、擺設和門票等問題,現階段最重要得到社會各界的支持和配合,將科學館的項目做好。至於展品和擺設,則期望不會與鄰近地區同類展館的展品重複。澳門科學館將集中展出一些有啟發性的展品,讓參觀人士能參與其中,如DNA等一些最新而又簡單的測試項目,讓參觀人士能近距離接觸科學。 雖然全世界有部分國家和地區的科學館免收入場費用,現階段澳門科學館收費與否仍未定案,除要視乎政府的財政情況之外,還要循科普發展等方向考量。他並稱,澳門科學館日後的營運除會聘用一般職員之外,還會與學校合作招聘一些學生擔任義工,通過學生親身參與,進一步向靑少年推廣科普敎育。  澳門科學館造價為三億三千七百卅八萬二千六百七十八元,由通利建築置業工程有限公司承建,工期為八百天,預計二○○九年落成。科學館主體由一個傾斜的圓錐體、一個半球體和一個菱形的基座組成,分別是展覽館、天文館和會議中心。據了解,科學館除了天文館的天文主題外,主體建築展覽館有十四個展品,聲、光、電、生物、機械人及環保等都可能是各展品的主題。成螺旋形圓錐體的展覽館佔地面積三千六百平方米,分四層,共十四個展區。 澳門科學館佔地面積六萬二千平方米,建築物外牆以銀色鋁鋼板為主,並有玻璃幕牆的設計,目的是使室內引進外界的自然光線。分為科學館大樓和會議中心兩大部分,科學館大樓地下及樓高六層,地下至五樓設有十四間展覽廳,一樓附設天文館,地下和五樓分別設有兩間咖啡廳,地下和三樓設有商店。 展覽館密封式設計,但中庭部分開天窗,自然採光,陽光從一百五十米高的頂部玻璃幕牆映進中庭。天文館面積六百五十平方米,頂部為一個直徑十七米的投幕,用作投射天文影片,該館可容納一百五十人。科學館會議中心佔地面積五千平方米,設有可容納六百人的多功能館,以及戶外展區。 澳門科學館設計師貝氏建築事務所總裁及貝聿銘建築師代表貝禮中介紹科學館創作意念時表示,科學館依水而建,利用銀色鋁鋼板和玻璃幕為主外牆,增強水中倒映的效果。主體由多個不同的幾何形狀組成,科學味濃,力求成為澳門未來的地標之一。 貝聿銘兒子貝禮中表示,貝氏父子花了四年時間去完成澳門科學館的設計。創作意念的重點是選址於水邊,利用水將幾何形狀的建築物造成倒映,加上鋁鋼外牆設計,比起使用混凝土更具可觀性。他相信,科學館未來必定能成為引人注目的建築物,以及成為澳門居民和遊客樂於享受和學習的好去處。 (轉載自澳門日報2006-10-20)

銀河星際酒店開業啦!

0
銀河娛樂集團旗下首間旗艦項目星際酒店及娛樂場昨晩七時半正式開幕,邀得影帝梁朝偉為該酒店內地港澳代言人。銀河娛樂集團主席呂志和期望,以全面了解華人娛樂及餐飮旅遊要求的優勢,自建品牌,助澳實現成為亞洲頂級旅遊城市的目標。星際酒店昨開業即吸引大批居民入場參觀,場面墟冚。 澳未來發展潛力大 銀河娛樂投資三十億元興建、集旅遊娛樂及消閒的超五星級項目——星際酒店及娛樂場昨開業,集團主席呂志和、副主席呂耀東、董事及行政總裁唐家達主持開幕儀式。 集團更邀來國際級巨星、康城影帝梁朝偉及一衆香港影視明星助陣。梁朝偉在儀式上接受呂志和委任,成為星際酒店內地港澳三地代言人。   呂志和表示,澳門博彩市場百花齊放,多間新式娛樂場投入營運,使澳門博彩旅遊市場開始建立全球性品牌,目前正朝着超大型綜合旅遊城市發展。 過去一個“十一”黃金周,訪澳旅客大幅上升,證明澳門吸引力及未來發展潛力龐大。他指出,針對來澳旅客百分之九十五為華人的旅遊市場,銀河作為華人公司,當懷着“亞洲心”,以全面了解亞洲人對旅遊餐飮及娛樂設施的全面要求優勢,為旅客提供最高質素的產品與服務。 創意帶澳勢成地標 星際酒店的開幕,標誌着銀河娛樂邁向新的里程碑。呂志和感謝澳門特區政府及各界友好的支持。他表示,日前收到國務院港澳辦副主任陳佐洱賀函,祝賀星際酒店開幕,並鼓勵銀河為澳未來發展及長期繁榮穩定作出更多貢獻。 銀河日後會將更多創新意念帶到澳門,配合路氹城綜合娛樂項目,相信可助澳實現成為亞洲頂級旅遊城市目標的。   位於友誼大馬路的星際酒店樓高卅八層,走超五星級一站式旅遊、娛樂及消閒服務路線,設有五百間豪華客房;娛樂場設中場及貴賓檯,面積達十四萬平方呎,共提供包括:百家樂、加勒比撲克、廿一點及骰寳等賭檯三百張,以及各式角子機三百七十一部;十七樓設有天際泳池,並邀得多間著名食府加盟,附設水療中心、健身會所、豪華夜總會、音樂廊等休閒娛樂設施。 星際的開業,證明銀河娛樂的實力,相信星際酒店一定可成為澳門新地標,為旅客帶來一個優質的選擇。 星際昨首日開業,即吸引數千居民、遊客等候入場先睹為快,需有關方面分批安排入場。 (轉載自澳門日報2006-10-20) 攝:阿乃

澳門永利開幕式(影片)

0
澳門永利開幕式: http://us.i1.yimg.com/cosmos.bcst.yahoo.com/player/media/swf/FLVVideoSolo.swf 由於是e-mail傳送的,所以製片者不詳!不過好多謝佢將永利開幕最精彩的拍低左! 雖然就舊左d,不過應該都同樣震撼ge!歐生一案,雖然丟清我地澳門人既面子,但大家都向好一面看吧!亦可以讓澳門的政府更加透明,都係好事黎ge! 文:阿乃影片:不詳

漁人碼頭火山內遊戲初體驗

0
其實漁人碼頭開左咁耐,我都入過去無數次,但次次都冇入去火山玩果兩款遊戲!而10月1日,因為帶了一班導賞講解澳門的名勝及有歷史故事,而最後一站就係漁人碼頭,所以就黎左! 之前都入過火山幾次,但今次入去係玩遊戲,而唔係齋入去焗桑拿囉!今次我入去只係玩 "烈焰激流",之前因為驚佢唔知安唔安全,同埋會唔會衝向下而唔敢玩囉!(事關之前真係發生過小意外呀!)   Amy、Chantelle同我,就買票入去玩啦!玩之前我都驚ga!但一坐落去先發現,其實係好慢好慢,一d都唔激ga~~因為我好驚離心力,所以唔敢玩,但坐左落去先發現,佢比我平時開車仲要慢,相等於10米/每小時左右,你話幾慢!所以一d離心力都冇~~ 最後有一段不斷上斜的路,我就開始驚啦~~但好不幸只有上,沒有落~~害我擔心一餐!平平安安就返到終點!40元就係咁花費左,路程太短,冇乜特別,所以都唔係好抵!(極度唔明之前點解會發生意外ga~~慢到蟲爬咁都會有意外~~)(我好有理由相信係d大陸旅客不守規舉先會有意外呀!) 都唔好話我話啦~~d大陸旅客去外地時,唔該注意下d態度同規舉啦!唔好成日丟中國人既面先得ga!我身為中國人都覺得好無耐,唔係香港澳門人唔肯認中國人,係你們係外國做埋d衰野,攪到d外國人一聽到中國人三個字就覺得你沒文化,沒教養呀! 呢幾日新聞就有講,阿國家主席要嚴厲規管d外遊既中國人修養,我真係大讚ga!但成效係點就未知,不過暫時都未有改善囉! 鬧夠啦!言歸正傳先,而Amy、Chantelle話唔夠激,想玩埋過山車,我梗係死都唔制啦~~佢地連笨豬跳都係冇乜反應,我點咁以佢地既標準去玩呢個過山車呀! 佢地最後就真係去左玩!佢地都玩完之後,都話有離心力,如果我玩就肯定驚死,以及尖叫就死~~不過佢地話太短,唔夠喉~~變態ga~~不過佢地真係好快呀~~一入去,唔夠5分鐘就出返黎,仲話玩完tim~~你話個過山車遊戲有幾快同幾短啦! 希望漁人碼頭果非洲村快d開,到時應該又有多d野行啦! 編/攝:阿乃

澳門皇朝區美食新概念

0
澳門皇朝區是近年本澳新興的區域,有著各菜色食肆及有名的食肆分店,本人帶過不少香港人去此處吃飯,他們均表示唔知呢度有野吃,指南冇介紹等,所以今天就介紹比各位啦!(如星期六、日去的話,有些食肆需要預早訂座呀,否則冇位要等多耐ga!)   以下推薦的是比較好,價格公道,色香色不俗的店舖喲!希望幫到各位到澳的遊客! 葡國菜---公雞(分店)、美嚼葡式住家菜、葡萄園、文化中心海灣餐廳、黃金海岸餐廳、飛萬鋰餐廳葡國扒房---扒王葡國餐、DEE 8墨西哥菜---TACOS意大利菜---經典意大利星‧越‧馬‧緬菜---星越館、豪庭葡式燒烤---媽閣長城燒烤(分店)泰國菜---泰皇泰國、志記泰式燒烤、寶記泰國餐館法國餐---CHEZVOUS(文化中心對面的法國餐廳)日本菜---水戶黃門、瀛、森巴壽司、吉島野、八王子韓國菜---東大門(正宗韓式)、李家燒烤館台式菜---台北小泉居、金寶島、凱茵閣、紅茶坊咖啡館---檀香山咖啡、上行咖啡、東望洋咖啡(意法式咖啡)、格子咖啡上海及中式菜---飲食男女、上海皇朝菜館、重慶館、佛笑樓(分店)茶餐室---豐德澳葡美食(滔滔介紹過)、星海茶餐廳、澳門皇朝茶餐室......中式飲茶---東皇朝海鮮酒家,金濠海鮮酒家酒吧---文化中心Bex、皇朝酒吧街輕食類---咖喱妹、武二 其實仲有好多皇朝區的美食,有些唔記得,而且真的太多,不能盡錄呀!謝謝其他blog友幫忙,助我寫上正確的店舖名稱! 註:紫色為最新update或更正的項目。Update:2007/8/28編:阿乃

第十八屆澳門煙花匯演–日本隊直擊!

0
上星期六(2006‧09。23),同了一些朋友去睇煙花,而我們本應想在觀光塔附近的地方睇呀!不過實在太多人,以及太多車啦~~我地都塞左半個鐘先可以離開觀光塔區域! 最後我地去了主教山的山腰,環山馬路的瞭望台(唔係好多人識去呢度,所以相對少人)觀賞日本隊的煙花,結果我去到已經係9:37分啦!咁我泊我好車,梗係快快去set腳架啦! 我放在係一個算係唔錯既位置,但魚魚cafe 同 雯雯~豬 兩個就冇咁好彩,個位唔係太好,但好似都影得幾唔錯呀!   由於我要就個塔一定要直,所以大家發現張張相,個地平線都係斜得好犀利,又一次證明個塔係斜ga!另外就因為set左腳架,get埋個view,所以d煙花比例就細左囉!看一看下圖就知!講多冇謂,去片啦! 好似兩朵好靚既花呀! 盛放著好華麗的煙花呀! 好似針葉狀,又好似雪花的煙花! 看看~~有笑哈哈圖案既煙花! 煙花殞落的一刻~~ 大朵大朵的菊花狀煙花~~~ 其他精彩的煙花爆發! 好靚既 富士蘋果色大煙花! 新式的煙花----立體星星連光環! 好特別的煙花款式~~ 這是本次日本隊同一時間發放最多煙花的一刻!色彩繽紛呀~~ 火樹銀花爆發殞落連環圖!唔好嘩嘩聲呀!煙花的新款式,二連爆~~ 火樹銀花連發五枚呀! 大家覺得點呀?靚唔靚呢?第十八屆煙花匯演仲有10月1日的兩場呀,如果唔想錯過,就來澳門啦! 編/攝:阿乃

永利參觀實錄~~噴泉篇

0
星期日(2006‧9‧10)同一班friends (include Alvin、Keith、阿當佢地啦) 去左永利參觀,就算我係澳門人,我都係第一次去永利咋~~ 第一個感覺係又黃又紅,好似好grand咁!個賭場唔係好大,都幾多柱位,但算開揚,且檯與檯位置較遠,這樣就值一讚!係賭場行行下仲見到阿 史提芬‧永利 係我地後面行緊,巡視業務tim~~ 之後就行左一陣名店街,就出去睇噴泉啦!(下圖是Wynn大門口) 一開始噴泉就配以音樂上映下列咁多張美麗的相啦~~佢犀利在又水又火ga!又噴水又噴火,仲有音樂做background,真係唔錯~~而且噴火果陣就真係好鬼死熱呀~~直頭覺得塊面係滾ga!雖然我影左好多,不過就只貼d捕捉等比較靚ge比大家睇~~大家唔知覺得邊張靚呢? (1號) (2號) (3號) (4號) (5號) (6號) (7號) (8號) (9號) (10號) 之後大家再來看真d永利果門口牌,我成日叫佢做 "神主牌" ~~不過夜晚就真係幾得囉!尤其是要等佢個英文字寫完 &同個電視配合先靚~~神主牌大家各覺得邊張靚d呢?(牌1) (牌2) (牌3) 跟住仲影左對面的葡京,成間紫色都幾唔錯呀~~ 大約逗留了一小時左右,之後我地就帶左 "321軍團"(Alvin、Keith、阿當) 去左葡京行個圈啦!之後就去之前介紹過既忙裡偷閒度飲野!最後於1點半左右車佢地返酒店sleep~~之後我地都回了家sleep啦~ 編/攝:阿乃

本澳第四家賭牌旗艦《澳門永利》開幕啦!

0
永利澳門渡假村有限公司的旗艦賭場酒店於昨日舉行開幕式,標誌着澳門第四間博彩公司正式投入營運。酒店在優美的音樂噴泉表演和氣勢磅礴的煙花演出中揭幕,精彩的表演吸引數千居民及旅客圍觀,讚嘆聲此起彼落。 澳門首間美資綜合型度假村酒店——永利澳門酒店於昨晩八時舉行開幕式,進行了共廿五分鐘的音樂噴泉和煙花表演。其中音樂噴泉表演由不同的水柱配合音樂節奏變化,在各色燈光襯托下,加上噴火場面,精彩紛呈。令人讚嘆的煙花演出緊接着上演。 開幕儀式期間,酒店每一樓層都噴出煙花,轉眼間在整座酒店正面外牆形成了一幅“火簾”;於酒店背後湖面同時不停發放色彩繽紛、形狀多變的大型煙花,酒店頂樓發放彗星狀的小型煙花,在一片璀璨色彩中,將揭幕式推上高潮。整場表演吸引了數千居民及旅客圍觀,不停傳出讚美聲,更有居民表示首次看到如此精彩的煙花演出。 設於酒店前面的大水池是音樂噴泉的表演舞臺,昨晩音樂噴泉表演首次亮相,帶給現場觀衆很大驚喜。在水池下裝有逾二百個噴嘴和發射器,並貯存了逾 三百公升 水,噴出了不同高度和角度的水柱和水花,水池內還裝置了一千盞獨立控制的色燈,水邊則設有噴火器,穿揷於噴泉表演中,令表演更豐富多彩。 約十分鐘的音樂噴泉演出,首先由卡通片《風中奇緣》的主題曲帶起,噴泉噴出的水柱形成優美的線條,隨着音樂擺動,猶如一場“水的舞蹈”。 接着一首百老匯音樂劇的歌曲後,以節奏激烈的流行曲作結。整場表演齊集水、光、色、火等元素,雖然噴泉面積不大,卻帶出了壯麗的氣勢。該音樂噴泉每晩都會定時演出,將成為永利澳門酒店的特色之一。 音樂噴泉表演精彩,但緊接着的煙花表演更令人激賞。首先隨着占士邦主題音樂響起,酒店邊噴出多支煙火柱,接着當占士邦電影《金眼晴》的主題曲響起時,酒店每一層都有煙花噴出,很快酒店正面外牆已變成了一幅“火牆”,十分壯觀;與此同時,酒店後面的湖面亦發射大型煙花,酒店頂則發射彗星狀的小型煙花,整座酒店籠罩在色彩繽紛的光彩中。 西班牙音樂、的士高流行曲亦一首一首播出,配合整場煙花表演,最後在酒店外牆上,以煙花顯出“永利”的英文標誌作結。這場由四萬個煙花噴射裝置進行,歷時約十五分鐘,澳門史上最大型的煙花匯演亦吿結束。 永利澳門酒店的娛樂場於深夜才正式公開營運,但國際知名博彩巨擘在澳現身,品牌效應產生引客作用,“越夜越精彩”。隨着永利璀璨煙花表演落幕,在門外排隊輪候的人潮開始湧現,甚至有來自廣州的十多個內地遊客,自組“永利參觀團”來澳“見識”。未到凌晨,因應人龍“澎湃”,於昨晩十一點半提前放行。首半小時,估計有二千人進場。 (節錄自澳門日報2006.09.06)(相片借用澳門日報) 後記:有朋友之前永利家庭日去過參觀,永利最平果間房要都要mop $2900呀~~總統套房更高達3萬多!仲唔係人人住得,真係唔好以為有錢大哂呀!另外澳門永利係走高檔精品酒店路線,所以它絕不會以減價、免費等促銷策略,盡顯高品位路線。而它亦以一流的餐廳、高檔世界知名品牌(如Dior、Lv、Amari......)的配合,加上它的利潤以酒店及餐飲為主,而非賭場,所以其賭場只有二百多張,不算大型! 本人就未去,因為剛剛3小時前才開畀大眾入場,我諗住未來呢一兩個禮拜約埋d friends去參觀一下,順便睇下影唔影到d相比大家睇啦! (謝謝各blog提供正確的房價資料)編:阿乃

日本遊樂園 @ 觀光塔 (3)

0
第三回就係講最後的一part-----日清展覽館。其實澳門呢個日清展覽館同日本既係完全唔同既,日本的專業好多,亦有好多實物同歷史show出來,而澳門呢個,應該就係o係香港海洋公園擺放過的大同小異,係以日清的卡通公仔為核心,以及d副產品及世界各地的合味道為主。不過唔同的是澳門呢個係唔駛畀錢入場 (我都知香港都唔駛),但入海洋公園要丫嘛,而入觀光塔呢度就唔駛啦!而且人亦唔係好多,影相都可以快手快腳攪掂,但就地方較細,比較迫d,有d角度真係好難就囉!有時要捨棄,只可影局部,唔可以影大環境囉! 好啦~~講左咁耐又係時候帶大家入去睇睇啦!這個是大門口的頂上招牌呀! 門口的燈具裝飾呀! 日清展覽館門口的格局! 展館裡面有d乜呢?一入門口就有部dvd介紹啦~~ 之後就會見到一個飾櫃,裝住哂d日清副產品,有多士爐、燈、杯、hifi、微型洗衣機、微波爐、夾公仔機、老虎機......等 而隔離就有日清妹妹同婆婆呀! 仲有清仔家族的資料呀! 又有世界各地的合味道杯面有什麼不同?包括名稱呀!原來上海同北京的合味道係叫 "開樂杯" ga! 呢d就係除日本外,世界各國的日清的面食產品啦! 以及港澳地區出產的日清食品,種類真係好多呀! 展館中間位置就係一區介紹日本拉面、原產地、發源史及種類等等的資料 展館中的人氣攝相位,我等左好耐先有機會冇人可以攝到全景! 呢個係講合味道杯面的製作方法及原理ga! 例牌每一個日清展館都會有既就係杯面一大個,不過這個比清仔清妹人氣就差一d,事關個位唔係太好,好窄,唔係好影得哂囉! 還有一部分相冇post出來,大家想睇就去相簿的 "日本遊樂場@觀光塔" 的 1,2,3,4版啦~想查詢攝影都係一樣!好啦~~向大家報導整個項目的清息已經完畢,希望大家enjoy啦~~同埋有好多blog友都問我同一個問題,其實我在第一篇已經答左,但可能大家睇唔到,就係這個項目係免費入場,而且至到明年2月先完,大家可以慢慢先去睇,唔駛太急! 本blog記者 阿乃 於會場報導完畢! 編/攝:阿乃

日本遊樂園 @ 觀光塔 (2)

0
接上一回,今回開始由忍者屋講啦! 忍者屋內展示了好多忍者的武器,以及室內擺設,它的擺設流派是伊賀派忍者的格局,伊賀派係忍者流派中的其中一個大派別,如果大家有睇過 "忍" 呢套日本電影 or 漫畫的話應該知! 大家見唔見到中間的抵死機關呢,它是什麼?它是井字過三關呀!haha~~ 再進入內庭,你會發現有一個假的小竹林,旁邊有一個木架掛住一飛標,係可以比人拎黎飛d竹ga!睇下你飛唔飛得中囉!haha~~而另一角落有一個兩人紙板畀大家放個頭去影相ga~~基於比較樣衰所以冇影到比大家睇,亦發現亦冇男仔企去影紙板~~haha~~ 內庭的第三個位就係有一黑布掩埋的,唔知係乜,之後行入去就知,原來係一條短走廊,每一格有感應器,每向前行兩邊牆就會出現忍者的影!而地下就好靚,好似每一格就跌你落去既無底機關咁! 呢個係忍者屋的天花及燈飾設計,我覺得都係好現代既感覺,完全唔覺真係忍者屋的機關重重及探險的感覺囉! 出返黎,去返大廣場果度,準備過去區域二果邊的時候,點知係廣場一抬頭就影左呢一幅,好多好靚既紙鶴囉!紙鶴在日本人來說,象徵平安幸福,好的意思ga! 這是區域二的標誌,一個日本宮城,以及見到差唔多同新宿真的一樣既 "歌舞伎町一番街" 標誌,裡面有PS的試玩區,又有一間日本餐廳,更加有今次人氣最旺的日清展覽館啦! 這是Hello kitty的販賣專門店! 這就是區域二門口的PS2試玩專區,有5,6部機放係度比人任玩,不過全部都係 "捉猴" game囉! 另一邊就係一間日式餐館,我睇過D野食唔算貴,都幾合理,而且裡面仲分開左好多個車仔檔咁,又壽司、拉面、關東煮、串燒等。 而中間位置就仲係度裝修緊,一個半圓形的位置,係PS2試玩區隔離,應該就係報導所說的一元拍賣場,因為我偷望圍板裡面有一片台階,咁場內又唔見有拍賣場,咁應該就係呢個位啦!亦有可能係佢根本未完全開張,所以冇乜點樣報導同大肆宣傳囉!下一回我就講人氣最旺的日清展覽館啦~~大家記住留意呀! (待續:日清展覽館)還有一部分相冇post出來,大家想睇就去相簿的 "日本遊樂場@觀光塔" 的 4,5,6版啦~想查詢攝影都係一樣! 編/攝:阿乃

日本遊樂園 @ 觀光塔 (1)

0
上星期日下午去左澳門蛋碌完齡之後就去左觀光塔,目的梗係為左8月4日開幕的那個 "日本遊樂園" 啦!之後有blog友話看看我地去完的評價先再決定去唔去?亦有blog友向我投訴澳門旅遊局同觀光塔都冇任何資料可於網上搜尋!...... 好似這個項目都唔係好被睇好咁播!不過我要向大家都澄清一下,唔好連累無辜人士!這個項目係觀光塔的私人項目,而且觀光塔亦不是澳門政府的,所以唔關澳門旅遊局的事,旅遊局亦無理由幫你宣傳,對不對?另外贊助此項目的是日本領事館 & 日本旅遊局,而非澳門旅遊局,請各位攪清楚先!最後就係觀光塔的網頁的確係冇update d最新資料上去,包括這個項目 同 樓上的Hello kitty秘密之家,都沒有任何資料,這真係唔係好好! 這個為期半年,耗資500萬的項目,位於觀光塔地下一層的 "日本遊樂園" 究竟有什麼呢?好啦!解釋完就帶大家去看看有什麼東東在內啦! 首先大家見到既係地下一層的入口電梯,擺放了宮島大鳥居的模樣,兩旁附上櫻花裝飾。 這是電梯下的大廣場,廣場上有一個相僕比賽場,係for星期六、日的相僕表演呀!而其他旁邊果d係商鋪同cafe shop,仲有老亮仔樂園(畀小朋友玩ga) 呢個係廣場頂的富士山 & 子彈火車的景板,架子彈火車識行ga,不過就幾慢下囉!個天空底仲會變多種顏色,不過又真係幾靚ga! 這是相僕場的大特寫!以及大環境。 這是其中一間店舖的門面設計,都改用哂日本式的裝飾門面ga! 呢邊係電梯及相僕場後面的區域,這裡設有假的淺草雷門標誌、日式花園、祈願區、小橋流水、忍者屋,以及逢六、日才開放的花藝、茶藝教室。這區比較會謀殺記憶咭! (待續:忍者屋及區域二)有些圖片沒有貼出來,大家可到相簿的 "日本遊樂園@觀光塔" 的6,7,8版瀏覽,以及查看攝影詳情。 編/攝:阿乃

澳門又一奇觀

0
大家快來看看,澳門繼 Big波仙子、南灣Tony等怪人之後,又見一個啦!可以看看下面呢張相,相中中間的一個人(只有背面)! 話說果日我去附近找朋友,jar車時經過見到一個比較怪的人,就是圖中所說的人,一個唐朝古裝頭,配現代校服,途人無不投以怪異眼光! 那個古裝頭係古裝劇內做丫環的 兩邊紮"計",再用彩帶紮緊,有點兒似紅孩兒頭似的! 為什麼會有個咁樣既人係街度行既?如果係夜晚,真係令人以為鬼節撞野呀!好彩我果日係下午的時候,如果唔係我一定嚇到撞車!jar車經過時,我仲見到佢陰陰嘴咁笑呀,好恐佈~~跟住我就忍唔住,立即搵個位停一停,立即用相機拍低比大家睇! 相信住係台山區的澳門人應該成人見到佢吧!真係幾嚇人ga~~這個年頭怪人真多~~仲有疑問就係佢點解可以紮到一個咁既頭呢?仲要螢光粉紅,真係冇人睇佢唔到! 編/攝:阿乃

澳門漁人碼頭新建築

0
大家唔知知唔知呢?漁人碼頭的第二期趕工中,希望可以儘快開幕,而第二期有d乜,會有一間角子機館連頂層24小時美食中心、一間仿前利為旅酒店、一間叫巴比倫神殿的賭場,以及據說有一個歌劇院(因為未見到)。 早一個星期見到巴比倫神殿外牆已經開給試燈,非常靚,而且日與夜的外牆係完全唔同圖案及感覺的,今日我就影左一張夜景比大家看看!(住澳門的朋友or來澳門的朋友可以看一看日間的巴比倫神殿,就知我有冇講錯啦! 係咪好grand既感覺呢?我都希望佢快d開,開左又下去觀光,看看裡面的建築及設計風格先! 編/攝:阿乃

旅遊塔八月設“日本遊樂園”

0
旅遊塔八月設“日本遊樂園” 在日本領事館及日本旅遊局支持下,澳門旅遊塔“日本遊樂園”將於八月四日登場。“樂園”耗資500萬元,集合了日本各縣市的旅遊名勝、地道美食、文化傳統及潮流玩意,為期半年。  “日本遊樂園”的旅遊名勝包括有江戶時代的小店、日式庭園、歌舞伎町等。每周末有傳統日本武術表演及“日式手工藝坊”,可學習摺紙、製作絨布公仔及家居佈置等日本傳統手工藝。另外,日清精品展館將介紹“出前一丁”的歷史和拉麵的由來等。   為配合和風主題,“樂園”將舉行連串遊戲活動,包括近年流行的“一元拍賣”,以底價一元競投家庭電器、Turbo Jet船票、餐飮美食及玩具等。此外,八月起,旅遊塔將與“Play Station 2”合辦電子遊戲挑戰賽,每月選取最新的流行遊戲進行比拼。 還有“大胃一族”比賽,參加“日清杯麵大胃王”勁食大賽,每月的優勝者有機會於明年二月參加“日清杯麵大胃王終極大戰”,贏取“大胃王”美譽和日本旅遊大奬。(轉載自澳門日報2006.07.27) 阿乃後記:澳門有呢d咁好既野,我點會唔去呢?對不對!我一定會去看看,睇下澳門既日清展館同橫濱既日清展館有什麼不同!到時我將會為大家報導!

一號風球下的旅程—香港

0
各位: 前幾天較忙,而昨天過了香港,所以好累,沒有時間更新及回應大家,不好意思啦!昨天過了香港啦,正是颱風 "珍珠" 打到入港澳800公里範圍內,所以傍晚澳門已經掛起1號風球! 一大清早8點幾就起身,執好野,帶好錢、證件及車匙就出門口啦!jar住駕車泊落去碼頭個"泊港停車場"度,呢個停車場由一開始營業至今就沒有通風設備,簡直熱到焗桑拿咁啦!9:30去船部取票搭上9:45分的船,過去香港,準備開始香港shopping一天遊~~ 到了香港已經近11:00點,但天氣並不差,有少少強烈的風,其他沒有大的特別,非常好彩。我的首站是銅鑼灣,一到銅鑼灣我就見到來自我地澳門的義順牛奶~~haha~~其實我成日都過來香港,平均3個月左右,有時有野做仲會過得幾密tim~~之後行左一陣見到本學會將會合辦展覽的機構---無國界醫生的同事在街上工作中。就我發現,原來平日的香港都有好多人係條街度行,同澳門好唔同,因為上班時間真係冇乜人行,除了sjm及師奶買餸囉!但係香港見到既可能係好後生的,並悉心打扮去行街街,所以都唔係好明!係銅鑼灣地帶附件買了杯叫"活力能量"的東西飲,其實只不過係用d生果肉溝芒果汁打埋一杯,有d似澳門漁人碼頭的Nature's的飲料咁。之後去了時代廣場睇下野,因為好多商場未開,又早來了,沒辦法啦!行馬莎、JC Shop以及對面的Esprit及無印良品,當然我有斬獲啦,亦成日怨無印點解唔來澳門開分店~~到了中午時段,又去了時代隔離既Keilh's 、 LANEIGE、DHC,幫朋友幫了LANEIGE既水份sleeping pack(加強版),其實都唔錯啦~~我自己都有用,用完之後塊面好左好多,對我地d油性皮膚來說,仲要係冇油光滿面,所以d朋友搭我買。 1:30pm就開始肚餓,咪食左附近間 "築地TACO燒",25蚊(6粒)就幾貴下,澳門當時係10蚊3粒,變成現在的5蚊3粒,真係冇得比,但係人地 "築地TACO燒" 係日本開過來,而且用料真係十足,所以都ok呀!食完就落左地鐵搭車去旺角,開始我的 "喪買行動",haha~~~ 一到旺角我就先去尋找Laosmiddle,因為要去買袋,但係之前去開果間變左One2Free,咁諗住唔通又轉左第個位呢?你地都知旺角d鋪,變得有幾快ga啦!之後有香港朋友帶路去了毓民間食店,叫左d野食,不過我覺得唔多好食,而且都幾算貴下(相比質素而論)!及後個friends就去了旺角中心買野,再去先達睇下d PSP價錢,同D game等等,現在賣緊既多數都係2.6ver為主,冇得download game玩,不過對我來說冇所謂~~haha睇完psp跟住就要同我細佬買手機,佢要Vodafone 803T 日版,幫佢格哂價同搵之前買開果間去買,起碼有保障丫嘛~~對不對!用了2040就可以了! 買買下就到了5點幾,先去了旺電買SD卡,之後我先去星際3樓的DC fever鋪頭查詢一下Canon Powershot A700的價錢,佢竟然比了一個好低價我,而且可以唔收附加費簽卡,又送512card,只收2550hkd(澳門要2750),那我考慮了一會就決定買,亦為自己7,8月去旅行添置新的攝影器材。買完相機同就要去兆萬、家樂果邊,因為我個friends要去買食玩,而我要去買水溶性香薰驅蚊。一到兆萬我個friends好似carzy左咁,其實我都"好",但沒佢咁carzy,逗留左半個幾鐘我準備捉人走啦~~走出兆萬後我發現有間Laosmiddle,原來一街有2間,我唔記得左呢邊有一間,所以我興奮入去買左個袋啦~~最後去了家樂商場買了茶樹水溶性香薰 (因為本人好野蚊,所以一定要驅蚊,但一般蚊燈、蚊油及超聲波都冇效),之後又約左d friends食晚飯,所以去chin之堡同荷里活去買返d恤衫。 到了晚飯時間就去了個friends所講雅蘭中心隔壁的沙嗲王,叫左好多野食,而且d野都好好吃,又唔係貴,比毓民好得多~~不過我唔知佢d野飲有jelly,等我仲以為佢冇攪沉哂底,咪起勢咁攪,攪到d jelly上哂頂,跟住我d friends笑到死~~貼d圖比大家睇啦! 食完就搭地鐵回碼頭搭10點船返澳門啦!返到澳門,知道香港也掛了1號風球了!果然是一個颱風下暢遊了香港一日,但並沒有受珍珠的影響~~haha~~只係回澳jar車時就開始下大雨。 (用手機的拍攝質素真的不太好,請大家將就一下吧!)編/攝:阿乃

陰天雷雨的澳門

0
今天澳門天氣很差,由昨晚見到香港掛紅下之後,我們都知好快就到澳門。不消數小時,凌晨就出現下暴雨及雷暴!一直至到今早仍然下著雨,令到整日的氣氛都不太好。街道亦少了些遊客,而對鐵馬人士更為慘烈,我們這些駕四輪人士倒沒有什麼大問題,只不過係大塞車而已! 今天非常lucky,竟然泊到噴水池民政總署後面的柏寧停車場。(因為此停車場於辦公時間絕對沒有車位,而且仲要排車隊入場,分分鐘可能等1小時都未入到去呀!)所以今日超lucky,連隊都唔駛排就可以入場,只不過我已經係泊到上最頂層---7樓。我泊車的時間係中午1:45分,因為今日要去中區影相、去公共行政大樓申請出世紙,為了明天更換智能身分證,需取消葡文拼音,只寫下葡文名而申請!亦因為今天係我係大三巴附近某一中學任教最後一堂藝術課,所以泊係呢個停車場。最重要係因為佢平,2蚊1小時。 講開智能身分證,太好啦!我終於有得換啦~~(澳門換證係跟身分證號碼,而非出生年份。而且可以自備相片到場辦證)我等左呢一日好耐啦,因為舊證張相,好小朋友,只有12歲。用到而家當然已經唔似樣,亦成日比人少好可愛~~真係頂唔順!過了明天,就有新的證件啦~~haha 上文亦講開在某一中學任教最後一堂藝術課了,其實教了他們兩年,當中有好多辛酸,又有好多美好回憶。其實教書除了越來越難教之外,開心的除了出糧果日,就一定係學生的良好反應,證明自己教出去的東西他們真的接收了,亦懂得運用,達到預計效果,這就是做教師的成功感! 上面三張圖都是在停車場7樓,車位後面影下去的。可以清晰見到郵政局、議事亭前地等世遺景點。亦看到天氣不太好,大家可記得5月1日澳門大遊行演變成小暴動呢?其實並沒有報章及電視講得咁恐佈,咁大件事,只不過澳門的草根市民不滿政府盲目輸外勞,以及沒有妥善處理黑工過江搶飯碗的事件,反映澳門本土草根階層的不滿而上街。最後雙方都和平散去! 大家可能會問為什麼會係旅遊區呢?其實旅遊區的民署,都是澳門的政府機關,距離政府總部只需一條街直達,非常之近,而且遊行人士突然發難,演變成今次遭報章電視大肆喧染的題材。現在澳門又回復和平,今天亦有遊行,但並沒有過火事件,只提出訴求後和平散去。 編/攝:阿乃

澳門人半年內不再受鹹潮之苦

0
今年廣東汛前雨洪資源比以往充足,三月降雨比多年同期增長五成,粵西雷州半島的旱情得到根本性的緩解。專家認為,包括澳門在內的珠三角城市半年內不會再受鹹潮之苦,但須以臨戰狀態防禦洪汛和山地災害。 廣東省水文局有關負責人今天表示,三月份廣東先後出現了五次明顯的降雨過程,全流域降雨達到一百五十四毫米,比多年同期增加五成,其中韓江、東江、粵西諸流域、西江、北江和珠江三角洲分別增加了八成、六成、五成、三成和兩成。由於月平均降雨量多,江河湖庫水資源庫存明顯提升,西江、北江、韓江、東江月平均流量比二○○五年和二○○四年同期增加。目前,全省卅座最重要的控制性大型水庫庫容,比去年同期增加了十八億八千五百萬立方米。 位於中山地區的橫門水道,從上月十一日至本月二日連續廿三天鹹潮含氯度每升低於二百五十毫克的國家標準;位於中山地區的磨刀門水道,從上月廿七日至四月二日連續七天不見鹹潮蹤影,這是去年秋季以來磨刀門水道和橫門水道首次連續七天沒有發生鹹潮記錄。廣東近日又一次遭遇強天文潮汐,但珠江三角洲八大口門水道的鹹潮不但沒有加強,而且在減弱,甚至消失。 廣東天文學會專家表示,去冬今春珠江三角洲的特大鹹潮是四十三年來的最大鹹潮,比往年鹹潮來臨早,強度大,持續時間長。珠江流域從今年二月至三月,連續兩個月雨量都比常年同期偏多,加上西江和北江的徑流量也成倍增加,因而鹹潮比上一年提早了一個月消退。 粵今年汛前降雨同比增長五成,珠三角鹹潮將可隱退半年,未來六個月內無論出現任何自然災害,澳門、珠海、中山和廣州番禺等地的供水用水都不會因鹹潮的肆虐而受到影響。 (節錄自澳門日報) 各位來訪澳門的旅客,不用再驚澳門的食水好鹹啦!希望大家唔好留有 "澳門的食水原來是鹹的。"haha~~ 阿乃
- Advertisement -
Macao
薄雾
26.9 ° C
30.4 °
25.9 °
83 %
2.1kmh
20 %
週五
27 °
週六
26 °
週日
27 °
週一
26 °
週二
26 °

社交網絡

12,638粉絲Like
1,228追隨者Follow
21,896追隨者Follow
2,763追隨者Follow
48追隨者Follow
3,926用戶訂閱

最人氣文章