草草咁又左幾個館,門口影影相,stamp埋d chop就快快離開全球展區3啦!不過真係好多人,你地睇上一回d相都知啦!人滿為患,一些西洋大國跟本排都排唔到tim呀!

跟住就來到全球展區3,這裡有的是西歐、中歐及愛琴海的國家,包括了:希臘、意大利、克羅地亞、西班牙、土耳其、突尼西亞、波斯尼亞、保加尼亞、法國、德國、摩洛哥、約旦、利比亞。

這個區我就真係要讚,地區空間最少,但好多館都好有特色,例如我最喜愛的希臘館,本blog的background都係用希臘館內影的一張相呀!館內設計得好科幻,而且講好多生態、地球的東西,燈光、擺設都非常之美觀,也有潺潺流水,真是非常美麗的一個館。






另一個我要讚的就是意大利館,雖然要排成15分鐘先入到去,空間比希臘館大一倍,一進入的感覺與希臘館相似,但內裡以河流及小橋作設計風格,行於強化玻璃橋上,下面就是水藍清澈的流水,好好的感覺,而且內裡亦設有舒適設計的坐椅,燈光運用得宜。走到盡頭有間房仔,寫明不准攝影,究竟是乜東東呢?
原來係一個意大利出名的雕塑—–“大衛像” 的複製品。另外走廊上亦有好多繪畫的新角度及劃時代作品,令人重新審視這個藝術之國。



Booking.com

 

再來就是摩洛哥,摩洛哥內裡設計成一個皇宮大廳的感覺,真係好華麗,而且非常名貴的水晶燈,帶有中東品味的擺設及吊飾,牆身大部分用金漆塗裝,盡顯貴派!而且仲有華麗燈具、擺設售賣,真的不錯呀!


Booking.com

另外仲有一個唔知乜國家的館就更巴閉,點巴閉法?佢樓高3層,2樓係可以容納人係一個都幾黑既人造泳池度游水,但要登記先可以,我就係搭lift係3樓的架空橋行過往下望先見到有個外國肥佬係度游水,後來回到1樓先知,原來佢係約旦,以死海為saling point,人係果個泳池度會浮ga!而且1樓就有好多死海護膚產品賣囉!

其他果d就冇乜特別,但遺憾的是法德聯合館、西班牙館都因為太多人而入唔到去,其他的都入哂啦!


(下圖西班牙館)

其他的館:




(待續)
還有其他相在相簿內,查看攝影詳情也請到相簿。

編/攝:阿乃


著作 係採用 創用 CC 姓名標示-非商業性-禁止改作 3.0 授權條款授權.

〖 環球旅人 & 旅居 總編輯〗 一名80‘後的旅遊編輯,同時又是一名旅遊達人,也是朋友的旅遊顧問及澳門旅遊導賞。曾任藝術中心主任、網絡電台及電視台總監、雜誌編輯、平面設計、博物館策展及導賞......2005年開始寫作,於2012年投身製作網路電台及視頻的旅遊節目,並正式創立「環球旅人」網上旅遊資訊網站,更於2019年出版「旅居」雜誌書。(聯繫、合作或邀約:[email protected]

發表迴響