021 澳門人講飲講食:皇朝上行咖啡 9月3日(星期日)同班friends去完打保齡之後就去左位於皇...

021 澳門人講飲講食:皇朝上行咖啡

9月3日(星期日)同班friends去完打保齡之後就去左位於皇朝區呢間上行咖啡度high tea兼晚飯,因為我地去到都已經6:00pm,而且有兩位朋友一陣要去文化中心睇Theatre sport比賽,所以我地就草草咁食囉!
下次先慢慢品嘗吧!



地址:澳門皇朝區 倫敦街84號 環宇豪庭地下 Y 舖
電話:750 688
營業時間:10:00am – 11:00pm
人均消費:about mop$35 – 80 (視乎high tea 定 午.晚餐)
交通:8、12、17、AP1 (文化中心站下車步行3 min),
            1A、23 (成昌巴士站、建興龍DHL巴士站步行約3 min)

講完d資訊之後呢,帶大家看看店內外環境啦!

這條就是倫敦街啦,相中最遠的有個角突出來的就是文化中心,有好多廣告牌呢間就係環宇豪庭啦!

上行咖啡就係咁既門面,相信大家去到附近就好容易搵到ga啦!它樓高兩層~~

店內採用葡歐cafe的風格,大門口旁有個玻璃飾櫃,牆上滿放了不同的西洋人物、映畫等的黑白相片,洋溢著懷舊及歐陸式風格。

店內的燈飾亦採用懷舊的燈種,吧台及開放式廚房,非常整潔!座位亦非常之舒適~~

牆上時有裝飾壁燈,帶有新古典時代的感覺,仿如置身歐洲的coffee shop內的感覺。
為了營造氣氛,還特意在消防喉、假天花處放上草葉,在其不完美的位置上作修飾。

通往樓上雅座的通道~~

這是Lyrical Cafe的店內粉筆店名牌~~

這是朋友的set sandwish的凍檸茶

這是朋友的吞拿魚牛角飽~~
味道不錯,中規中矩,有7分

這是另一位朋友的煙三文魚牛角飽~~
味道好好,個飽好脆,亦好唔同出面一般的牛角飽,未食淨聞就已經好香啦~~
味道評分:8.7分

這就是那個set sandwish啦,45元正澳門幣。

這是本人的蘋果紅茶,它選用了英國的紅茶品牌茶包呀,未飲淨係個味就已經好香蘋果味,亦附有楓蜜糖。味道清優,飲落有陣陣的茶香,亦有楓糖的味道,建議要落蜜糖飲用會好味d!一壺可以飲到2杯左右。
味道評分:9分
價格:18元澳門幣(尚算ok的價格,比小泉居仲平少少)

呢個係另一個friends既凍咖啡,味道佢話好得,我就唔知啦~~冇試過~~
旁有一個set meal,我最想試就係no.2忌廉焗馬介休餐。
68元澳門幣,有是日餐湯 + 沙律一客 + 主菜 + 白飯/意粉/薯角 + (凍/熱)即磨咖啡/紅茶
都尚可接受的咖啡廳價錢~~

本人那天食的是火腿片吞拿魚蓉牛角飽,價錢為35元澳門幣,樣子同其他的牛角飽一樣,所以冇post出來,有興趣的話可以去 [相簿>澳門食肆]內觀看。
味道評分:6.5分 (皆因冇乜特別,只是味道不錯)

可以去看看另一個同行的朋友對上行咖啡的介紹啦!

編/攝:阿乃

Benjamin 環球旅人|旅遊專欄作家|旅遊節目主持

一名30出頭80‘後的網絡媒體的主編,同時又是一名旅遊達人、傳媒人、文化藝術工作者、專欄作家、教師、導賞員,朋友眼中的旅遊顧問及澳門旅遊大使。曾擔任過 電台及電視台的生活頻道總監⋯⋯ 由2005年開始撰寫文章,曾多次接受訪問,被邀請擔任台/港/澳等多個媒體的旅遊專欄作家。於2012年,更投身製作網路電台及視頻的旅遊節目,成為全方位的eMedia Editor。|聯繫、合作或邀約:benjaminlife@gmail.com|

No comments so far.

Be first to leave comment below.

發表迴響

%d 位部落客按了讚: