034 澳門人講飲講食:葡京不夜天(自助餐)

話說有一天友人突然興致勃勃地說要去食buffet,咁我就推介去葡京不夜天!
其實我已經去過2次,我覺得佢d野食水準好好!而且好多我都arm食(因為我唔食生野,又唔好海鮮)~
而佢地又未去過,咁就去啦!

葡京不夜天係 舊葡京,不是新葡京呀!(新葡京果個係自助山)
不夜天 需要預早訂位,如果唔係到時一定係冇位ga!
價錢:$128 (需另加服務費10%) = mop$140
食物:以中式點心為賣點,再有日式魚生壽司、意大利粉面、中式湯粉面、中葡式熱盤、沙津吧、甜品吧、中西式養生湯及糖水、西式甜品吧、法國雪糕專櫃及朱古力噴泉


 

絕對不俗,環境食物都好唔錯!
食物種類:
食物品質:
店內環境:
服務品質:
價格:     

這就是我地坐的區域,係禁煙區呀!(而家澳門好少食肆係有禁煙區ga!我好羨慕香港呀!)
每人包一杯免費的飲品,而其他的就是任食!
星期一至日同價~~晚自助餐時間是由6:30至晚上11:00為止!食足4個半鐘!

Booking.com

我勁like食佢d中式點心,因為我好like點心,尤其蝦餃燒賣!(已經成日比人話係阿伯ga啦~~)
下圖係中式點心–鳳尾蝦!

呢個就係葡京不夜天招牌,皮薄餡靚既 金箔蝦餃!(1籠3粒)
仲有係蟹子鮮蝦燒賣!(1籠4粒)

Booking.com

你睇下我地幾誇張,個個都係一幢幢蒸籠ga!
我一口氣食左5籠蝦餃、1籠燒賣、1籠煎餃,
仲有好多甜品呀、乳豬、鮑魚、熱盤、壽司、法國雪糕、仲有鱷魚川貝湯等!
我計過,葡京一籠金箔蝦餃要12蚊,我已經賺左,絕對食多過148蚊~~haha~~

簡直食點心食到唔要命咁呀!個個都一幢蒸籠,係何其壯觀呀!

其實仲有好多野食,不過真係掛住食,冇影好多相畀大家睇!
而且食物bar果邊唔畀映相,如果唔係就可以比大家睇睇果個點心吧係幾勁!又勁多人要蝦餃既實況~~

文:阿乃
攝:阿乃

著作 係採用 創用 CC 姓名標示-非商業性-禁止改作 3.0 授權條款授權.

〖 環球旅人 & 旅居 總編輯〗 一名80‘後的旅遊編輯,同時又是一名旅遊達人,也是朋友的旅遊顧問及澳門旅遊導賞。曾任藝術中心主任、網絡電台及電視台總監、雜誌編輯、平面設計、博物館策展及導賞......2005年開始寫作,於2012年投身製作網路電台及視頻的旅遊節目,並正式創立「環球旅人」網上旅遊資訊網站,更於2019年出版「旅居」雜誌書。(聯繫、合作或邀約:[email protected]

發表迴響